|
اتمنى فزعتكم في ترتيب رحلتي بعد 4 ايام وللان مارتبتها السلام عليكم الله يسعدكم اتمنى فزعتكم بنسافر تركيا في 3 ذي القعده بعد اربع ايام لمدة 10 ايام اتمنى ترتبون معي الرحله معنا طفلين 10و 6 سنوات ايش افضل حي للسكن. وياليت ترشحون فنادق ايش الاماكن الي ترسحون زيارتها عير المتاحف والاماكن الاثريه لانه زرتها قبل ايش الارياف القريبه من اسطنبول تنصحون نزورها ونسكن فيها لمدة يومين سمعت عن اغا وعن شيلا ايش رايكم فيها وهل تقترحون زيارة السكال التركي لمده 5 ايام او ماتكفي هل تنصون في استئجار سياره ويسوقها زوجي او الافضل سائق كيف الاجواء تقريبا بتكون في الوقت الي بنكون فيها اذا احد عنده خبره وشكرا الله يسعدكم |
اهلا بك بالنسبة للسكن .. إذا تحبي المنطقة التاريخية فسلطان أحمد وسيركجي هي الأفضل وإذا تحبي الأسواق والبعد عن تكدس السياح فشيشلي وليفنت خيار جيد المزارات السياحية .. في اسطنبول كثيرة وحاولي تشوفي التقارير بنظرة سريعة وتاخذي معلومات عن المكان المناسب لميولك المناطق القريبة من اسطنبول .. أرشح لك سبانجا وبولو أشوفها خيار جيد ومو بعيد .. وبالنسبة لأغفا وشيلا تضاربت الأقوال والأذواق حولهم ولكن شخصياً أرى سبانجا وبولو أولى بزيارتهم منها بالنسبة للمواصلات .. أي منطقة في تركيا أنصح باستئجار سيارة وقيادتها ذاتياً باستثناء اسطنبول بالنسبة للطقس .. اسطنبول وما جاورها تميل للحرارة رغم إني أتابع هذي الأيام سنابات اللي هناك فملاحظ يومياً فيه أمطار وغيوم ونرجو أن تستمر لتشمل أيام رحلتكم بالتوفيق |
اقتباس:
طيب هل تقترح استبدل الارياف القريبه من اسطنبول للشمال التركي لمدة 5 ايام |
اهلا بك ما فيه شك إن الشمال التركي هذي الفترة أفضل كأجواء وطبيعة من اسطنبول وما حولها ولكن يبقى السؤال .. رحلتكم بعد أربع أيام فهل مستعدين بحجوزات الرحلة الداخلية وحجز السيارة واحداثيات الأماكن في الشمال عموماً تجدي في بداية هذا التقرير جدول ملخص لتجربتي في الشمال التركي .. والتفاصيل في ثنايا التقرير https://www.arabtrvl.com/vb/t30266.html بالتوفيق |
اقتباس:
لا للاسف للان لم يتم الحجز لكن بعد ماشفت سنابات مشاهير واقارب في الشمال التركي تمنيت زيارتها |
الشمال الاجواء رائعه وبارده خذي جاكيتات لو فكرتي تروحين بس حبيت انوه على شغله ترى البوكنق محظور الان في تركيا من واقع تجربه توني راجعه من هناك |
اقتباس:
قربت الرحله وللان ماحجزت |
اقتباس:
|
اقتباس:
او في نفس الفندق اللي حاجزين منه |
اقتباس:
المشكلة إنك ما ينفع تستخدم بوكينج من داخل تركيا ، والبعض يستخدم داخل تركيا تطبيق vpn لكسر الحظر وبالتالي يقدر يستخدمه في حجز فنادق أو إلغاء حجوزات |
| الساعة الآن 03:21 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO