|
استفسار بخصوص الشمال التركي اذا تكرمتم السلام عليكم ورحمة الله وبركاته اشكركم مقدما على جهدكم مع الاعضاء في سفرياتي السابقة ادعي لكم فبارك الله فيكم الاستفسار حاليا بخصوص الشمال التركي انا لأول مرة حزور الشمال واحس اني تهت بين المناطق ومو عارفة ابدا من وين خاصة اني قرأت ان البعض صار مايحبذ السفر لطربزون انما التوجه للمناطق الاخرى من الشمال بحكم الاسعار المناسبة والطبيعة الاجمل مثل اوردو وبارشمبا وووو رحلتي للشمال ٥ ليال راح تكون اول سبتمبر ان شاء الله ياليت اعرف افضل المناطق اللي تستاهل الزيارة ومكان السكن الافضل ووين انزل بالمطار قريت البعض ينزل بمطار سامسون وغيره طبعا اظن حسب وين راح تتمشى وجزاكم الله خيرا |
اهلا بك إذا كان رحلتك للشمال لأول مرة ومدتها 5 أيام فالأفضل تكون ما بين طرابزون واوزنجول موعد رحلتكم تقريباً بعد بداية الدراسة فبالتالي يعتبر خارج الذروة السياحية فستكون خيارات السكن متاحة وبأسعار منخفضة نوعاً ما إذا عددكم كبير فيفضل تستأجروا شقة في طرابزون وكل يوم تتوجهوا لمنطقة أما لو عددكم شخصين فيمكن تخصيص ليلة في اوزنجول وأخرى في آيدر توزيع مقترح .. يوم مغارة شال مع حيدر نبي .. يوم هامسكوي مع منطقة سوميلا .. يوم كامل لاوزنجول وهكذا لا أنصح الزائر لأول مرة للشمال التركي أن يعطي اوردو وسامسون وجيرسون أولوية على حساب طرابزون واوزنجول وآيدر بالتوفيق |
انا مع رأي اخوي نواف الافضل زيارة طرابزون واوزنجول وبعدها لاحقين لغيرها انا مارحت لهم بس من ضمن خطة الشمال التركي بروح اول شي طرابزون اذا الله اراد |
ماشاء الله تبارك الله اشكركم عالتفاعل اي نعم فعلا السفر مو بموسم بس الاسعار ببوكنق صدمتني يعني شخصين وتوصل الغرفة لفوق ال٣٠٠ خاصة ان اغلب الوقت راح تكون برا السكن وراح اعتمد تقريبا على تقسيمكم وانتظر اراء البقية وجزاكم الله خير |
اللي سكن بسكن في اي من منطقة من اللي ذكرها الاخ نواف ياليت يفيدنا شخصيا استفدت من تجاربكم بالسكن اكثر من التعليقات اللي تنكتب عالبوكنغ بالذات في سفرية انطاليا :e32e: |
وبالنسبة للايجار تبع السيارة اش الموقع الافضل ؟ |
اهلا بك السكن يفضل الحجز لأول ليلة فقط وبعد كذا إذا ناسبكم تمددوا مباشرة من الفندق وأكيد بسعر أرخص من خلال تجربة شخصية أنصح بالابتعاد عن الفنادق المشهورة في طرابزون فأسعارها مبنية على الصيت بالنسبة لي أميل للسكن في المنطقة المجاورة لمطار طرابزون فأراها جيدة وموقعها في منتصف طرابزون ولا أنصح بالسكن في الميدان لمن معه سيارة خاصة يقودها بنفسه لصعوبة المواقف ايجار السيارة ممكن عند الوصول في مطار طرابزون طالما خارج الموسم السياحي ولكن شخصياً أنصح من يزور مكان لأول مرة أن يعتمد على موقع رينتال كار بحيث يحجز السيارة قبل الوصول باسبوع بالتوفيق |
فعلا الان عملت بحث عالفنادق وجدت الكثير من الخيارات اللي بجانب المطار وباسعار مناسبة جدا جدا وباذن الله راح نشوف موقعرينتال جزاك الله خير |
الأهم في اوزنجول وا ايدر اذا حاب تسكن لا تحجز من النت كونك خارج الموسم السياحي وراح تحصل اسعار خطيره العام الماضي كنت في نفس توقيتك تقريباً وفي اوزنجول فتحت البوكنق وشفت سعر فندق رويال طلع 1200 ولما دخلت وسألت السعر قالي 400 يعني لا تحجز من بوكنق وغيرها راح تحصل اسعار ممتازه مباشره من الفنادق ويكفي تشوف السكن قبلها وبالنسبة للسياره لا تحجز كذلك من النت راح تكون متوفره احجز من المطار مباشره الأهم خليك على الشركات العالمية قارنتا وافس وغيرها من الشركات |
بالتوفيق اخيتي ام خالد و توقيتك راح يكون نفس توقيتي مع عائلتي الكريمه و انا راح اسبقك بيومين او ثلاث و ان شاء الله نستمتع جميعا بجولتنا السياحيه و غدا بحول الله موعد السفر و الله ييسر لنا و لكم يا ر ب و لا ازيد على كلام خبراء تركيا بالعكس انا استفيد منهم و اعمل بنصائحهم بحكم خبرتهم العريقه في المجال التركي |
| الساعة الآن 09:56 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO