|
رحلتي بعد 5 ايام تقريبا وارجوا مساعدتكم السلام عليكم ورحمة الله وبركاتة رحلتي باذن الله رايح تكون يوم 3 سبتمبر يعني ما بقي الا كم يوم ابغى جدول بسيط لاقامتي هناك لانها تقريبا اسبوع واحد فقط لعائلة مكون من زوجتي و3 من ابنائي تحت 11 سنة ورائكم اي المدن افضل ازورها وتكون طبيعتها حلوه واجواءها غير حاره وكذلك افضل الفنادق هناك ملاحظة : هذي اول سفره لي لتركيا شاكر ومقدر لكم تعاونكم |
اهلا بك كنت أتمنى لو ظروفك سمحت بالبدء في تخطيط الرحلة بشكل مبكر وخصوصاً معك عائلة ولأول مرة تزور تركيا ولكن لربما كل إنسان وله ظروفه عموماً طالما رحلتك أسبوع وأول زيارة فأقترح تكون لاسطنبول وإن استطعت يوم لسبانجا كنوع من التغيير بالنسبة للأماكن السياحية .. فهناك موضوع مثبت للأخت زهرة نيسان ( الدليل السياحي ) وفيه الأماكن حسب تقاربها من بعض بحيث كل يوم تزور مجموعة متقاربة بالنسبة للفنادق فأتوقع تحتاج غرفتين متصلة .. فحاول تبحث عن فنادق في بوكينق أو استفد من تجربة أخونا المسافر 2020 ستجد في تقريره فندق جديد نزل فيه ولعله مناسب لكم بالتوفيق |
ماشاء الله الاخ نواف ما خلالي مجال ارد اضافة بسيطة اخوي اذا تحب الاماكن التاريخية وفيها هدوء انصحك بالسكن في السلطان احمد زي ماقال اخوي نواف بغرفتين متصلتين اذا لقيت واذا تحب الاماكن الصاخبة ممكن تسكن في شقة في منطقة تقسيم تحياتي :) |
اشكركم ولكن اخوي نواف ميولي للشمال التركي خصوصا بعد تقرير اخوي المسافر2020 وهل هناك فنادق او سكن ممتاز وياليت تحيط بها الطبيعه بشكل جميل وهل بطاقات الصراف مثل الراجحي والاهلي تنفع للشراء من هناك او يجب ان اخذ فيزا معاي؟ دمتم جميعا بكل الحب |
اهلا بك إذا ميولك للشمال التركي فحاول تخصص 5-6 أيام من الرحلة للشمال وباقي الأيام في اسطنبول بالنسبة للسكن وسط الطبيعة أتصور طلبك بيكون في اوزنجول ويفضل إذا وصلت هناك تختار بنفسك لأن سفرك خارج الذروة السياحية بالنسبة للبطاقات البنكية بإذن الله يفيدونك الأعضاء بالتوفيق |
دوما متواجد عند اي استفسار اخوي نواف بارك الله فيك اخوي نواف واصلح لك ذريتك والف شكر لجهودك |
hالسلام عليكم ورحمة الله وبركاته اخوي نواف صديق لي قال تروح من اسطنبول الى طرابزون عن طريق العباره كيف وضع العباره وكيف الحجز عليها من بلدي او من هناك وهل هي مريحه للعائلة ام لا؟ اسف لكثرة اسئلتي ولكن ما لنا غنى عنكم تحياتي |
اهلا بك ما قد سمعت أحد راح بالبحر والله واعلم .. احتمال صديقك يقصد يالوا او بورصة ؟ عموما المسافة بعيدة جداً .. بالطيارة ساعتين فما بالك بالوسائل الأخرى عادي اخوي مستمتعين باسئلتك وما فيه ازعاج ابداً إلا بالعكس نتشرف ونفرح إذا عندنا إجابة مفيدة بالتوفيق |
وعليكم السلام ورحمة الله وبركاته اخوي الغالي ، انا راجع من تركيا قبل ايام كانت رجاتي عباره عن ايام . ايام اوزنجول + يومين طربزون + ايام اسطنبول للامانه اسطنبول حاره الوقت هذا ومافيها الا متاحف و مطاعم واسواق . افضل منطقة وباره وجميله جداً وطبيعه هي اوزنجول وفيها كل شي ، اصبح شعبها متفاهم ويعرف شنو يبي السائح . بالنسبه لطربون لا باس فيها وفيها حروره بسيطه وقريبه من حيدر نبي . بالنسبه للسكن عندي رقم واحد اسمه مهدي صاحب فندق ، والفندق اللي سكنته كان رائع ( Inan Kardesler Hotel ) موجود بالبوكنق . اما بالنسبه للمواصلات ، انا امستأجر سياره وانصحك فيها . لكن بالمرتفعات انتبيه . والله يعطيك العافيه ويستر عليك وتروح وترجع بالسلامه . Sent from my iPhone using Tapatalk |
يعطيك العافيه اخوي محمد الفندق بطربزون او اوزنجول؟ والسياره من اي مكتب اخذتها هناك وكيف تعاملهم وكم تكلفتها ونوع السياره اذا عائليه اسف لكثرة اسئلتي اخي الغالي واشكرك مقدما |
| الساعة الآن 11:13 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO