|
الفيزا التركيه السلام عليكم افيدوني كيف احصل على الفيزا التركيه وتطول ولا لا ورحله لمدة 10 ايام وين تنصحوني اروح خصوصا لمحبين الطببعه |
اهلا بك الفيزا التركية مطلوبة من بعض الجنسيات وليس كل القادمين لتركيا .. فمثلا السعوديين مطلوبة منهم وتكون إما اونلاين أو الأفضل من المطار عند الوصول .. والمبلغ إما 60 دولار أو الأوفر 45 يورو بالتوفيق |
بالنسبه لي اشوف الفيزا اون لاين افضل انا استخرجتها اون لاين و عند وصولي لتركيا لم يسالني احد عن الفيزا ، طلب مني الجوازات فقط و ختمها على طول و لا سال عندي فيزا او لا و درعمت على طول مشيت ، بس اتوقع تبين عنده اذا عندي فيزا او لا و الله اعلم و انا الان لازلت في تركيا لي تقريبا اربعه ايام و لله الحمد |
عليكم السلام الفيزا عندك خياران اما عند الوصول او الكترونية وانا افضل الالكترونية نموذج تعبية وتدفع قيمة التأشيرة 5 دقائق تصلك التأشيرة على الاميل تطبعها وتأخذها معك |
بس كذا اعبي النموذج وتجيني بسرعه طيب ممكن الرابط الله يعطيكم العافيه عندي استفسارات ثانيه انا ابغى الطبيعه وقريت الطبيعه بالشمال التركي طرابزون وارنجول طرابزون مافيها مطار دولي؟ وكيف الوضع اذا بروح لها ما ابي اسطنبول ايش افضل استأجر سياره ولا سياره بسائق وابي مكتب رخيص للاجار وغير استغلالي وبالنسبه لحجز الفناذق لازم احجز قبل وابرزها بالمطارولا لا الزبده وش الاوراق اللي يطلبونها بالمطار اخاف يدققون واتقروش |
مثل ما قالو الاخوان ليس كل الدول مطلوب منها الفيزا وو عندك خيارين اما فيزا الكترونيه او من المطار عن نفسي افضل الالكترونيه ما تاخذ 5 دقايق وو على طول بتدخل بالمطار ما تنتظر تسوي الفيزا |
اي بس تعبي المطلوب معلوماتك تكون صحيحه وو بعدها يرسلونلك الموافقه على الايميل https://www.evisa.gov.tr/ar/tour/ اكيد طبيعة الشمال تستحق الزياره بس متى موعد رحلتكم ؟! ممكن تكون بالخريف او الشتا وو ما يكون فيه خضرا للشمال التركي الاغلب يفضل يستأجر سياره الافضل اذا بتأجر سياره من مكاتب تكون موثوقه وو هاذا تقرير كامل عن تأجير سيارات في تركيا ممكن يفيدك https://www.arabtrvl.com/vb/t7447.html وو اذا تبي سياره وو سايق ممكن تتواصل معه الشركه معلنه يوفرولك https://www.arabtrvl.com/vb/t27257.html بالمطار ما يطلبون منك شي غير الجواز اذا مسوي فيزا الكترونيه اطبعها وو اذا طلبوها عطهم |
اقتباس:
فيه مطار في طرابزون و الطبيعه في الشمال بصفه عامه سواء : طرابزون اوزنجول ايدر ريزا اوردو كلها اماكن تفتح النفس طبيعه و شلالات و بحيرات و اذا ودك في البحر عندك البحر الأسود انا اشوف تستاجرون سيارة و تقودونها بانفسكم افضل و ارخص و لا تخافون دام معاكم نت و خرائط و الله يسعدكم و يوفقكم و رحلة سعيده |
| الساعة الآن 03:04 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO