|
طرابزون وماجاورها ؟؟؟؟؟؟؟ السلام عليكم عندي استفسارات بخصوص طرابزون واكيد حلاقي عندكم الرد الشافي _باذن الله حنجي انا وزوجي لطرابزون عن طريق باتومي في جورجيا فهل عندكم فكره عن اّلية الدخول كيف يتم الانتقال عبر الحدود وفي حدود كم ممكن التاكسي ياخذ مننا عشان يوصلنا لطرابزون . _ هل تنصحونا قبل لانوصل لطرابزون نمر على ايدر نتمشى فيها كم ساعه وبعد مانخلص نروح لفندقنا في طرابزون _ من قراّتي في تقارير الاعضاء تقريبا الاماكن السياحيه اللي ممكن اروحها في نفس اليوم هي : 1/ ايدر: الجسر العثماني عالنهر وشلال عنده مطعمين (زمرد)و (ايلول) وفيها التله منطقه للجلوس وينابيع مياه ساخنه _كافيه Cinciva ( هل خط السير بالترتيب دا مزبوط وهل في مكان ثاني ممكن اروحه ) 2// اوزنغول :شلال قرية اتاكوي _مرتفعات السلطان مراد _ ديمر كابي نص ساعه من اوزنجول _ الجلسات عالبحيره ( هل خط السير بالترتيب دا مزبوط وهل في مكان ثاني ممكن اروحه ) 3/ اوردو : شاطئ مدينة Tirebolu _قلعة Giresun والاستمتاع بالمنظر من هناك _التلفريك إلى تل بوزتيبي في أوردو سيتي ( هل خط السير بالترتيب دا مزبوط وهل في مكان ثاني ممكن اروحه ) 4/ طرابزون : بحيرة سيراجول _ مغارة شال _مرتفعات حيدر نبي – تلة بوزتيه _ ميدان طرابزون ( هل خط السير بالترتيب دا مزبوط وهل في مكان ثاني ممكن اروحه ) اذا احد عنده ارقام سائقين ياريت يرسلها لي وبخصوص النت ماهي افضل شركه وباقه ممكن اخذها مدة اقامتي في طرابزون 4 ليال ومنها الى اسطنبول ان شاءالله ...اعذروني اذا طولت عليكم بالاسئله بس لان مسؤولية برنامج الرحله وترتيبها كله علي ومحتاجه للمساعده منكم |
موضوعك حيفيدني راح اتابع معك:63::e419: |
اهلا بك بحاول أفيدك بما أعرفه في شكل نقاط سريعة شفت أشخاص انتقلوا من تركيا لباتومي بحيث أوقفوا سيارتهم في مواقف بجوار مسجد على الحدود ومشوا خطوات بالرجل وختموا الجوازات وكان في انتظارهم سيارة هناك .. وأتوقع الفكرة مقاربة لو كان خط السير بالعكس أنصح البقاء ليلة في آيدر .. قلعة زيكال ثم مقهى Cinciva في طريق العودة والجسور العثمانية ثم تناول وجبة الغداء أو العشاء في مطعم ايلول وتبة ايدر خط سير اوزنجول مناسب ويفضل تنقسم على يومين لتكون الحركة أكثر راحة لكم طرابزون يفضل مغارة شال مع حيدر نبي في يوم وبقية المزارات في يوم آخر إذا كان وقتكم ما يسمح فأقترح الغاء بعض المزارات المتشابهة مثل حيدر نبي أو سلطان مراد بالنسبة للسواق أرسلت لك رقم شخص على الخاص لعله يساعدكم وسبق تجربته في حجز شقة وكان محترم وحجوزاته سليمة بالنسبة للنت دائماً استأجر من شركة رنت كونكت مودم انترنت مفتوح بقيمة 5 يورو في اليوم وهذا كود خصم ( nice ) بيعطيك يوم مجاني بالتوفيق |
اقتباس:
الله يسهل لي ويسهلك من بعدي يارب تحصلي في موضوعي ولو شي بسيط يفيدك :7: |
اقتباس:
انا حابه يكون سكني في طرابزون ومنها اروح للاماكن الثانيه ... ماافضل المبيت في ايدر او اوزنجول ارى ان كثرت تغير السكن مرهقه :8: ايدر احس يكفيها يوم مافيها شي كثير بس هل الاسهل امر عليها وانا جايه من الحدود ولا الافضل اطلع لها من طرابزون يوم ؟؟؟؟ بخصوص مرتفعات حيدر نبي والسلطان مراد ايهم الاجمل ايش تقترح الغي منهم ؟؟؟ ماعلقت بخصوص اوردو ؟؟؟ طبعا احنا زوجين فحركتنا حتكون خفيفه يعني مافي اطفال او عدد كبير يثقل الحركه |
اهلا بك ايدر الافضل من باتومي بس حاولوا توصلوا بدري وتستثمروا اليوم كامل حيدر نبي وسلطان مراد متشابهة ويبدو لي حيدر نبي أفضل بحكم زيارتكم لمغارة شال ولكن بشكل عام إذا الجو ضباب يفضل تلغوا الاثنين ما بتشوفوا شي والطريق بيكون صعب بالنسبة لاوردو ما علقت لأن لم يسبق لي زيارتها ولكن فيه موضوع للاخ ماجد الفهد بإذن الله يفيدك على الرابط التالي https://www.arabtrvl.com/vb/t37043.html بالتوفيق |
طيب بخصوص قرية هامسكوي وسوميلا قرات عنهم وكثير يمدحوهم ووين مكانهم في اي يوم في الجدول تبعي ممكن اروح لهم ؟؟؟؟ |
اهلا بك شخصياً اعجبتني كثير هامسكوي ولا اعرف كيف بتكون الطبيعة في هذه الفترة ولكن تعتبر طبيعة اوروبية يفضل هامسكوي وسوميلا في يوم واحد وبالنسبة لسوميلا فيه مطعم قبل الشلال اعتقد هو الاميز اما دير سوميلا مغلقة وهذا رابط تجربتي للأماكن المذكورة https://www.arabtrvl.com/vb/t30266-15.html بالتوفيق |
اقتباس:
مغارة شال وبعدها مرتفعات حيدر نبي وبعدها سوميلا واخر شي هامسكوي |
اهلا بك طريقتي كانت غير مثالية لأنها متعبة جداً .. التخطيط السليم يكون مغارة شال مع حيدر نبي في يوم .. وهامسكوي وسوميلا في يوم ثاني .. أما أربع أماكن في يوم بتكون متعبة إلا الشخص اللي يسابق الزمن فالله يعينه بالتوفيق |
| الساعة الآن 01:09 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO