أرجو المساعدة في التنسيق + الفندق المناسب
 

السلام عليكم .. أحتاج مساعدتكم لو تكرمتوا في التنسيق لرحلتي واختيار الفندق المناسب

1- بالنسية للفندق .. أنا ان شاء الله ناوية على تركيا في 16 نوفمبر لمدة 8 ليالي لكن لسة ما حجزت شي .. حنا 3 اشخاص (أنا واخواتي) نحتاج فندق اهم شي يتوفر فيه خيار الغرفة الثلاثية او متصلة او عائلية (3 اسرة فردية), يكون نظيف حالته ممتازة في منطقة آمنة أهم شي وقريب من محطة المترو او الترام ..
بحثت في المنتدى والخيااارت كثيررة ما شاء الله فزاادت حيرتي! ما عرفت أختار الشي المناسب لأن كل ما دخلت قوقل ماب وحطيت الفندق + الوجهة السياحية بالمترو يطلع لي البعد نص ساعة او ثلث ساعة وهلم جرا! :12: .. واللي فهمته بعد من مواضيع المنتدى ان في فنادق تمتاز بأن الوجهات المراد الذهاب لها بالمترو تكون محطة واحدة! .. هل تنصحون بالسكن في تقسيم؟ وايش رايكم في فندق سي في كي - تقسيم؟

2- كيف الجو بيكون في هذا الوقت على منتصف نوفمبر؟ نحتاج جاكيت او ملابس ثفيلة؟

3- هل جزيرة الاميرات تكون مفتوحة في وقتنا؟ وش أهم المعالم السياحية اللي مفتوحة في وقتنا؟

4- أنا متخوفة نوعا ما من القضية الحاصلة ليس بسبب الأمان في تركيا .. متخوفة أن بعد ما أحجز تتصعد الأمور سياسيا بين الدولتين لاااا قدررررر الله او حنا هناك يطلع قرار أن على المواطنيين مغادرة الأراضي التركية! ذيك الساعة عاد نقول راحت فلوسك يا صابر! :1: في هالحالة وش الأفضل الحجز على الخطوط التركية رحلة مباشرة من الدمام مدة الرحلة 4 ساعات تقريبا .. او عن طريق الخطوط السعودية ترانزيت لجدة مدة الرحلة حول ال 9 ساعات تقريبا؟


بأنتظار آرائكم وشاكرة لكم مساعدنكم مقدماً ..

وعليكم السلام

1- لاختيار فندق المناسب اول شي حددو الاماكن السياحيه الي ودكم تزورونها بعدها قررو المنطقه الاقرب لرحلاتكم
بس ع العموم سيركجي ، شيشلي او السلطان احمد مناطق قريبه وو آمنه
تقدرين تدخلين بوكينغ وو تشوفين الفنادق الي تناسب ميزانيتكم وو احتياجكم وو اقرو التقييمات

2 - بالنسبه للجو اكيد محتاجين ملابس شتويه ثقيله الشتا بدا هالسنه مبجر ❄🌧

3 - جزيرة اميرات لا تغلق مفتوحه طول السنه الا في حالات الجو كان عواصف وو اغلب الاماكن السياحيه مفتوحه

4 - في ذيك الحاله ما عليكم الا تردون شتسوون بعد 😬
خلو حجزكم مسترد عشان لا قدر الله تقدرون تردون بعض ما حجزتو
مدة الرحله مالها علاقه بالوضع انتو شنو تفضلون طيران مباشر ولا ترانزيت اكيد الاغلب يفضل مباشر

الأماكن السياحية اسطنبول فقط .. أمانة لسة معلوماتي محدودة ولسة اقرا عن تركيا من خلال مواضيع المنتدى بس نقول الاساسيات مثل جامع السلطان احمد وايا صوفيا وقصر توب كابي والسوق المصري وتقسيم شارع الاستقلال جزيرة الاميرات والمولات ما أعرف لسة وش الموجود وهلم جراً

أنا كنت أقصد الفكرة أن لو على الخطوط السعودية وفجأة لا قدر الله قفلوا البلد على الأرجح التذاكر بتكون مستردة لكن لو كانت على التركية ما ظنتي هههههه .. وقد يكون تفكيري مو في محله

شكرا على الرد :)

البطاقة دي ماستر كارد مسبقة الدفع؟ أحسن من سامبا مسبقة الدفع؟

شكرا

الاستثمار افضل
من سامباً وهي مسبقة الدفع

ايش رايكم بفندق فندق راديسون بلو، إسطنبول شيشلي؟

شكلي بحجز على الخطوط السعودية من الدمام ولو أن انتظارها اكثر لكن على الأقل بنتظر في المطار .. بينما الخطوط التركية توصل الساعة 6:40 الصباح وما نضمن نستلم الغرف بدري!

بدايةً .. معطيات الأمور حالياً تبشِّر بالخير ..

السكن .. الأفضل على الإطلاق ( سيركجي ) منطقة مخدومة وأعتبرها سنتر اسطنبول السياحي ..

رأيي والقرار لكم .. على التركية أفضل .. الترانزيت 9 ساعات كثييييرة والله ..

حتى لو كان الوصول الساعة 6 صباحاً .. أنتم في اسطنبول :)

ضعوا حقائبكم لدى استقبال الفندق .. واستمتعوا بالتمشية ... حتى يحين وقت الدخول ..

أكيد لابد من اللباس الثقيل .. كما ذكر الأحبة ( الشتاء بدأ مبكراً ) لديهم ..

ربي يوفقكم ويسهل دربكم .. نصيحتي لكم ( التقارير ) زادُ من لازاد معه :13:

رحله سعيده