|
محتار بين عرضين ( طربزوان مع ريزه ) او ( انطاليا ) السلام عليكم جميعاً تكفون اخواني وخواتي افيدوني وش اختار مع العلم اني اول مرة اسافر الى تركيا في عرضين ولمدة 7 ايام العروض طبعاً شاملة وش رايكم اختار انطاليا او طربزوان و ريزه تكفون ردوا علي |
وعليكم السلام اذا السفر في هذي الشهور ديسمبر يناير وفبراير ومارس انطاليا هو الخيار المناسب لان الشمال التركي (طربزون وماحولها )شتاء بارد زثلوج ماراح تستفيد من زيارتها اما اذا السفر من منتصف ابريل فاسطنبول والشمال خيار جيد بيكون نهاية الشتا وبداية الصيف ويدفى الجو تم الإرسال من SM-G935F باستخدام Tapatalk |
اهلا بك ما قصرت الأخت عشقي السفر وفّت وكفّت إذا عرض الشمال التركي في هذي الفترة فغالباً بتشوف سعر مغري جداً لأن هذي الفترة ركود سياحي بالشمال التركي .. فلا يهمك السعر فالأهم التوقيت لذلك أرشح لك انطاليا في هذا التوقيت وليس بالضرورة من خلال عروض وشركات سياحية بالتوفيق |
الله يعطيك الف عافية خيتي عشقي السفر ويرحم والدايك امس صنفت عندي ورحت مكتب وحجزت على يوم الجمعه هذا الاسبوع لمدة اسبوع ، حجزت طبعاً على انطاليا كنت ابي اعرف الافضل عشان ارجع المكتب واغير ودامك قلتي انطاليا افضل فتوكلنا على الله شكراً لكِ |
اقتباس:
جزيل الشكر على مرورك عزيزي نواف والله يالغالي اخدتها باكج كامل من المكتب السعر الى 4 اشخاص اثنين بالغين وبنتين 7 سنوات و سنتين وفندق خمس نجوم مع الجوالات السياحية والوجبات الثلاث تقريباً 8300 ريال لمدة ست ليالي 7 ايام |
بالتوفيق ورحلة سعيدة ولا تنسون التقرير بعد العودة وترجعوا بالسلامة |
وعليكم السلام ورحمة الله وبركاتة اذا العرض بعد شهر اربعة ميلادي فبدون اي تفكير الشمال التركي وانت مغمض اما اذ في هذي الايام فالعروض كثيرة لانة غير موسم بس انطاليا فكر فيها اذ ما تهمك المناظر الخادشة للحياء |
اقتباس:
ابشر عزيزي هاني شكراً لمرورك الكريم |
اقتباس:
جزيل الشكر لمرورك عزيزي الرهيف رحلتي يوم الجمعة ان شاء الله من هذا الاسبوع والله سمعت ان انطاليا باردة الان والمناظر الي مو زينة مو موجودة الان ، خوفتني والله:27: ان شاء الله يكونوا محتشمين لا اني بروح مع عائلتي ويعطيك ربي الف عافية على مرورك عزيزي شكراً لك |
اقتباس:
لاتشيل هم ذا الموضوع ، انا كنت في انطاليا ديسمبر الماضي وماشفت أي منظر من اللي بيقولو عنه لأن الجو بارد والكل محتشم ، المناظر ذي ممكن تكون بفصل الصيف مو الان .. لاتفوتك المدينة القديمة ( كالتشي ) لو تقضي فيها يوم كامل ماحتشبع منها حاول تروح لها بعد الظهر الى قبل المغرب فيها مطاعم ومحلات بسيطة في الازقّة وانت نازل أسفل وتتجه للميناء آخر شيء ، حتنبسطو كثير فيها :18: |
اقتباس:
الله يجبر بخاطرك اختي اريج طمنتيني اشوي :24: المهم اختي بجلس 6 ليالي تكفين عطيني الامكان التي تستحق الزيارة مع العلم ان لدي طفلتين 7 سنوات وسنتين والمدام وجزيل الشكر لمرورك الكريم تحياتي |
اقتباس:
وماكنت احتاج اطلع برا المنتجع من كثر ماهو جممميل ومبهر - طلعت يوم واحد بس ورحنا شلالات كورشنلو + شلالات دودان " ولازم تنتبه ان شلالات دودان في شلال قريب من مركز المدينة وفيه المصب حق الشلال اللي يصب في البحر " انا رحت المصب فقط واستمتعت فيه كثير , لو عندك وقت روح الاثنين بالاضافة لشلالات كورشنلو - المدينة القديمة "كالتشي" - فيه كمان الاكواريوم راح ينبسطو اطفالك فيه - اذا تحبو تستمتعو بالثلوج روحو تلفريك اوليمبوس - يبعد عن انطاليا 60 كيلو تقريباً وعشان تتأكد انه مفتوح بيوم زيارتك شوف موقعهم https://www.olymposteleferik.com/ - تقدر تزور منتجع أرض الاساطير وتستمتع بالأنشطة والاحتفالات بالذات أنه منتجع يناسب الأطفال أكثر شيء :18: واذا عندك أي استفسار أنا حاضرة :e306: |
ماقصرتي ورحم الله والدايك اختي اريج كفيتي ووفيتي ورايتك بيضاء طيب كيف كنتوا تستخدموا المواصلات وبكم سعر اليوم ومن متى لمتى وشكراً لكِ مرة اخرى على المعلومات القيمة وجعل والدايك بالجنة يارب تحياتي لكم |
اقتباس:
صباح الخير اعتذر ع التأخر بالرد ): من ضمن الباكج اللي اخذناه من منتجع ارض الاساطير كانو موفرين لنا سائق بسيارة بس الصراحة حسيت اننا ماقدرنا ناخذ راحتنا زي لو كنا مستأجرين سيارة لأننا ملتزمين مع السائق بوقت واماكن محددة :28: انت لو ماحتستأجر سيارة انصحك تستخدم تطبيق ( iTaksi ) او ( BiTaksi ) باذن الله بعد كم يوم رحلتي لتركيا وراح ازور مدن الجنوب التركي ( ازمير - بودروم - مرمريس - فتحية ) لكن هالمرة مستأجرين سيارة عشان نستمتع أكثر بالتمشية والتوقف بأي مكان يعجبنا |
| الساعة الآن 09:19 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO