|
ايش تنصحونا بفندق ف اسطنبول ؟؟ السلام عليكم ورحمة الله ،، صراحة من كثر الفنادق الموجودة اللي ف اسطنبول الواحد صار يحتار.. ندور ع فندق نظيف ف شيشلي او تقسيم واهم شي قريب من كل الخدمات مطاعم وكافيهات واسواق،، وتهمني ايضا الاطلالة :yolks00520:... جدا جدا .. وخاطرنا يكون فيها جاكوزي:12: الميزانية لليلة 250-350 |
في اختيارك للسكن في اسطنبول .. ليس المهم الفندق من كثرتها تستطيع الاختيار ما يناسبك في كل النواحي لكن المهم أن تختار المنطقة http://www.booking.com/Share-7TzmVd هذا الفندق وجنبه فنادق مختلفة .. منطقته مهمة جدا بجوارك امنيونو وكذلك الحديقة الرائعة ومنطقة السلطان أحمد .. كلها كنت امشي لها بسهولة وقريبة |
أخوي د خيال يقصد منطقة سيركجي من أفضل المناطق للسكن في اسطنبول منطقة حيوية وموقع استراتيجي ممتاز ، وتأتي بعدها منطقة شيشلي أنا سكنت مع عائلتي الصيف الماضي في فندق وسبا ميس اسطنبول فندق جميل بجنب حديقة وترام جولهانة ممكن ترجعي لتقريري وتشوفي صور عن الفندق . وبالتوفيق |
اقتباس:
احنا سبق وسكنا في سيركجي ولكن حبينا نغير هذه المرةً وع حسب م قرأت انه تقسيم وشيشلي مناسبات للسكن |
فنادق تركيا السلام عليكم ورحمة الله وبركاته اسعد الله اوقاتكم بكل خير ونشكركم على مجهوداتكم وتعاونكم المستمر انا اول رحله لي الى اسطنبول وحجزت في يوليو 14 يوم مقسمه على اسطنبول والشمال التركي طبعاً خمسة ايام اسطنبول والباقي الشمال التركي استفساري انا قرأت كثير عن جمال تركيا وبنفس الوقت اسعارها مناسبه وعند دخولي لبوكينق وجدت اسعار الفنادق غاليه من 500 وفوق هل فيه طريقة حجز غير بوكينق وماهي الفنادق حسب تجربتكم اللي سعرها مناسب ونظيفه وموقعها مناسب وامنه لان الوضع الامني مخوفني خلال هذه الايام بسبب الاحداث الاخيره وبغيت اكنسل الرحله كلها بسبب الاحداث والهاشتاقات اللي طلعت لكن توكلت على الله واكمل بقية حجزي اللي عنده خبره يفيدني مشكورين |
اقتباس:
|
فنادق السلام عليكم ورحمة الله وبركاته اللي عنده خبره في الفنادق يفيدنا بإسماء الفنادق نظافه وامنه في اسطنبول و اوزنجول وطرابزون |
مرحبا أبو باسل أنا سكنت في اسطنبول بمنطقة سيركجي منطقة حيوية وآمنة وبالقرب من العديد من الأماكن السياحية والتاريخية ، الفندق اسمه فندق وسبا ميس اسطنبول ، فندق جميل وجديد مصنف 4 نجوم وفي طرابزون سكنت في الميدان فندق غراند فوسلات فندق نظيف وكل الخدمات متوفرة جنبك وهذه الفنادق تحدثت عنها مع الصور في تقريري تجده في الصفحة الأولى في المواضيع المثبتة لكن أتوقع أسعارها الحالية للغرفة العائلية فوق 500 ريال سعودي بإلغاء مجاني مع الفطور أغلب الفنادق في أوزنجول حجوزاتها ليس فيها إلغاء مجاني ممكن تدخل بوكينج وتبحث عن ما يناسب ميزانيتكم ويكون تقييمها مرتفع وحاول تقرأ تعليقات الأشخاص الذين سكنوا فيها وركز على الإيجابيات والسلبيات المتكررة وإن شاء الله سوف تعطيك تصور واضح عنها وبالتوفيق |
بالنسبة لطرابزون كل الفنادق بمنطقة الميدان مناسبة اوزونجول كلما ابتعدت عن البحيرة تقل الاسعار والضوضاء الفنادق المطلة عالبحيرة اسعارها مبالغ فيها جدا |
|
الله يعطيكم العافيه على الرد والمعلومات شكراً لكم |
اقتباس:
|
بالنسبه لطربزون ارشحلك فندق غراند فوسلات سكنت فيه قبل سنتين راااائع |
الفنادق كثيرة جدا في اسطنبول وتقدر تلاقي طلبك ان شاءالله |
الصراحة انا سكنت في طربزون فندق وايد حلو بس ما اذكر اسمه حجزته عن طريق بوكنق تابعت الرفيو للمسافرين وطلع بالضبط نفس التقييم من المسافرين ..الفندق حلوو وبعدين علق البوكنق وحجزت عن طريق هوتيلز .ههههه الله لا يراويك الفندق كان في السكيك مالت تقسيم ومخيف الروحه والرجعه عليه انصدمنا (الفندق طلع علي نزله كان كل يوم نصعد وننزل تقول راكبين جبل والمكان مظلم ومخيف .. من المكان والتقييم كان سيئ مش مطابق للواقع شو اقولك بصراحة .. يعني اهم شي انك تتاكد من المكان ... وبصراحة ندمنا انه حجزنا في تقسيم كنا كل يوم ننزل علي السوق المصري رايحين جايين وهالمناطق الاثرية والمساجد .. الافضل تسكن هناك كعايلة انا عن نفسي بروح باذن الله بحجز هناك ... لانه تقسيم ما تنفع حق عوايل الا اللهم تلف محلات وتدخل مطاعم وتروح مب شغل سكن .. عندك وقت دور علي مهل لا تستعجل واذا تبا تطبخ تاكد انه الشقه فيها فرن لانه البعض يحطون لك الميكرويف علي اساس انه طباخ ... انا اتكلم بالطبع عن العايلات اللي يروح وقت طويل واللي يروح فتره قصيره احسن له يختار فندق يقدم فطور الصباح ويطلع هو ياكل من برا يدبر نفسه ... بس عن تجربه اللي معاه اولاد لازم في الفندق اكل متوفر |
| الساعة الآن 07:49 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO