|
استفسار للأخوان اللي زارو تركيا قريباً السلام عليكم حبيت استفسر عن الاوضاع في تركيا للي سافروا لها قريباً من الناحيه الامنيه ؟:e304: |
اقتباس:
الان الوضع العام للبلد كويس وما فيه شي يدعو للقلق لكن مهما كان الحذر مطلوب في اي بلد في العالم بالابتعاد عن الإمكان المشبوهه وعدم الثقه المفرطة في الأشخاص الغرباء كذلك الحذر من السرقات و عمليات النصب خصوصا في اسطنبول بالتوفيق |
وعليكم السلام الوضع ممتاز والكلام اللي نسمعه بالمجالس من افلام هنديه ما شفت منه شي توكل ع الله ورح لها |
انا مسافر نهاية الأسبوع وهذي اول سفرة لي والقلق 1000 :24: لكن طمنتوني شكراً |
الوضع العام ممتاز من خلال متابعتي لكثير من أشخاص ذهبوا مؤخراً ولم نسمع عن أية حادثة اطلاقاً .. الحذر من شارع الأستقلال ومن يعرض عليك خدماته جلابيات وغيرها لا تسمع لأحد اطلاقاً وفي اي مكان اخر للأسف بعض الأخوة من جنسيات عربيه يستغلون السياح اتمنى لك رحلة سعيدة |
رحلة سعيده يالغالي تروح و ترجع بالسلامه و إن شاء الله تستمتع برحلتك السياحيه بعيدا عن كل انواع المضايقات و تعكير أجواء السياحه و مثل ما تفضل الاخوان خلك في حال سبيلك و محد يتعرضك بحول الله ، و ايضا لا تثق باحد كائن من كان |
الوضع ممتاز أخي الكريم |
- انا كنت بتركيا بديسمبر 2018 وفعلاً كل الأخبار اللي بنسمع عنها ماهي الا اخبار إعلامية مالها اي علاقة بالشعب اللي حتقابلهم السنة ذي مارحنا تقسيم أبداً وارتحنا كثير من الباعة بالشوارع اللي يعرضو علينا عطوراتهم وجلابياتهم :22: كُن حذر مع اي شخص تتعامل معه - لا تثق بأحد - وانبسط برحلتك وبكل ساعة بتركيا :18::e032: |
قبل اسابيع كنت هناك وو الوضع جدا طبيعي الطقس كان جدا بارد طوال تواجدنا باسطنبول الثلوج ما وقفت اغلب السياح الخليجيين كانو كويتيين وو سعوديين اتوقع عندهم عطله 🙄 وو الحذر واجب في كل بقاع الارض انصحك تستخدم تطبيق itaxi اذا بتاخذ تاكسي لتجنب نصب اصحاب التكاسي وو رحله سعيده 🌸 |
الوضع ممتاز وممتع للسفر والامن مستقر :14: |
نفس السؤال و نفس التفكير والله من كثر ما سمعنا قصص الواحد يخاف لكن يقول بلاد حلوه ولازم نروحها |
اقتباس:
الاوضاع بصفة عامة تخوف نسبيا اذا كنت سعودي او اماراتي بسبب محاولة الحكومة التركية ابتزاز السعودية والمتاجرة بدم خاشقجي لاكن حاول بقدر الامكان الابتعاد عن مجادلة الاتراك في اي شي علشان لا تنقلب ضدك يعني اذا تعرضت لمضايقات ( متعمدة ) بقصد استفزازك حاول تتجنبهم بقدر الامكان قبل فترة احد السياح السعوديين ركب اوبر ( مع انة ممنوع في تركيا على حسب تصريحات الحكومة ) لاكن تفاجئ بنقطة تفتيش وبعد مجادلة بقدرة قادر تحولت المشكلة على السائح السعودي فقال السائق ادفع بخشيش للشرطي علشان يخليك تروح بدون مشاكل الزبدة خليك في حالك ولا تدخل في اي محادثات مع اي تركي واهم شي انك تبتعد عن اماكن الدعارة الرسمية في دولة تركيا والمعتمدة من قبل الحكومة وهي المناطق الي حول تقسيم والله يحفظنا يارب من كل شر |
طول مانت ماشي على النظام والقانون ماحد هيقرب منك |
نفس الكلام اللي قلته اول اعيده انا كنت هناك بعد سالفة خاشقجي بشهر وكانت الاوضاع هناك زي حلاوه وحصل لي مرتين كانو يبون يفتحون موضوع خاشقجي الاول كان بالمطار شخص من الجنسيه السوريه يبي يفتح موضوع خاشقجي وكان ردي له ان السعوديه وتركيا اخوان وما نرضى احد يتدخل بيننا فما كان منه الا اعتذر والمره اثانيه تاكسي تركي راكبين معه كان يبي يفتح هالموضوع وقلت له اننا اخوان وهذا اشياء ما لنا فيها دخل فما كان منه الا ان اقفل الموضوع اما افلام هوليود اللي نسمعها بالمجالس ووقائع غريبه القصد منها تخريب السياحه في تركيا هذا الممفروض ما نلتفت لهم ليس معنى كلامي ان اسطنبول هي المدينه الطاهره بل بالعكس اسطنبول ثاني مدرينه لا تستطيع الحكومه ان تسيطر عليها الواجب اخذ الحيطه والحذر في كل مكان تدخله والتمسك باخلاق المسلمين والابتسامه والحرص على التخطيط اليومي وتوكل ع الله هذا والله اعلم |
الله يستر علينا يارب فعلا تركيا صارت تخوف حتى الاخوان السوريين الي هناك هجمو عليهم الاتراك وقامو بكسر ممتلاكاتهم ومحلاتهم وتجارتهم وصار الواحد يخاف من ردة فعل الاتراك المشحونة بالاكاذيب والخزعبلات |
السلام عليكم في رأيي ان الي بيسافر اي بلد وعنده قلق من هالناحيه يغير الوجهه ... والتطمينات ما راح تجيب نتيجه لانه اصلا رايح وهو قلقان وفي حال اي موقف يحدث على طول بيربطها بالوضع الامني ماليزيا اندونيسيا المغرب الان جميله عائليا اوربا خاصه النمسا البدائل كثيره .... |
السلام عليكم أبغى استفسر عن الأوضاع الأمنية بتركيا الفترة هذي. رحلتي الأسبوع الجاي ان شاء الله انا عارف ان اغلب الكلام الي طلع اشاعات لكن حسيته كثر الأسبوع هذا الإخوان الي راح قريب والي موجودين هناك هل الكلام الي طلع صحيح ؟ |
اقتباس:
اخونا حمد حالياً متواجد هناك واتذكر سأله البعض نفس سؤالك .. ياليت تتابع على الرابط هذا بتجد الإجابة وتقدر تتواصل معاه وبيفيدك https://www.arabtrvl.com/vb/t39705.html بالتوفيق |
الامور ممتازه الحمدلله لا شيء يدعو للقلق اتمنى لك رحله سعيده |
السلام عليكم أنا رحلتي على شهر سبعه إنشاء الله بس عندي اخوي توه راجع قبل اسبوع وهم لي صديق متواجد حالياً هناك الأوضاع ميه ميه مافي شي يدعو للخوف أبداً |
اقتباس:
لاتتحدث كثيرا مع الغرباء بالاخص العرب ولاخص في تقسيم بتلاقي نفسك في دوامه الاساله الي ماتنتهي من شخص لا تعرفه ولا لاخص وين ساكن ومن معاك دع يقف عند حده اما بتطنيشة او السلام عليكم السلام لا اريد زيادة في التوجيه خوف انك تتخوف اكثر بس بالعموم البلد امان بشكل كبير وان شاء الله تنبسط تم الإرسال من SM-N950F باستخدام Tapatalk |
الامور طيبه وأفضل الاقامة في منطقة السلطان أحمد |
رحله ممتع كثير سافرو والاوضاع تمام سافر وانبسط واكتب لنا تجربتك |
| الساعة الآن 09:13 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO