|
سفرة بنات مساء الخير احنا بنتين نبغى نسافر لاسطنبول رحلة عمل ب 1 مارس لكن الظروف ماتسمح يسافر معاناا حد من اهالينا سوالي لاهنتو هل هي امنه للبنات مع العلم انا سافرت لاسطنبول 6 مرات بس هالمرة ماعرف متخوفة ومترددة وفي حال سافرت تنصحوني اسكن بشيشيلي او سلطان احمد؟؟واذا تعرفو فنادق كويسة والعاملين فيها أمناء وابغى سواق امين يستقبلنا في المطار .. شاكرة ومقدرة تعاونكم معي :e329: |
وعليكم السلام انتي سافرتي لاسطنبول 6 مرات شنو رايج وو تقيمج للوضع من نظرج تقدرين تروحين بروحج تقدرين تتصرفين اذا واجهتكم اي مشكله من ناحية السكن المكانيين مناسبين دامها رحلة عمل شوفي الاقرب لمكان العمل بشيشلي عندك راديسون بلو شيشلي سلطان احمد عندك ريجي أوتومان اسطنبول دخلي بوكينغ وو شوفي التقيمات اذا يعجبكم 😊 |
اقتباس:
كنت اروح لها مع اهلي هالمرة لا احسها مغامرة راديسون بلو هذاقريب من الترام او لا |
من ناحية الامان ف اسطنبول آمنه بس سفر الفرد يعتمد على طبيعة الشخص اذا كان يقدر يتصرف وو يواجه اي مشاكل تصيرله 🤔 الفندق قريب من ميترو شيشلي 🚇😊 |
اهلين وسهلين فيك بالنسبة لي اشوف الوضع عادي وانت ما شاء الله 6 مرات يعني عارفه الوضع هناكـ تطمني وخليك على طبيعتكـ والأهم ابعدي عن أي شخص يتحدث عربي يعرض خدماته بالنسبة للسكن على حسب مكان عملك اذا تروح وترجع له كل يوم او تاخذ فندق قريب منه بحيث ما تستخدم المواصلات بالنسبة للمواصلات الوضع عادي من تطلع من المطار تحصل التكاسي والسعر من 60 - 80 بالكثير للسلطان احمد اذا كنت من اتاتوركـ او تقدر تتواصل مع الفندق يأمن لك سائق من طرفهم او تتواصل مع الشركة المعلنه في القسم يوفرون سائقين |
اهلا بك يفضل لو تفيدينا عن بعض النقاط حتى نفيدك بشكل دقيق بخصوص السكن ومدى احتياجكم لسواق خاص أو الاعتماد على المترو مكان العمل في اي منطقة ؟ وهل العمل بيكون في كامل أيام الرحلة ؟ بالتوفيق |
اقتباس:
تروحين وترجعين بسلامة يارب انصحك في منطقة السلطان احمد فهي امنة جدا ومنطقة حيوية وكل المطاعم والمقاهي حولك وعندك فندق سورا ديزاين او فندق سورا ايا صوفيا كلهم جنب بعض وحوليها مطاعم ومقاهي وربع دقيقة مشي عن ايا صوفيا والجامع الازرق ومنطقة حيوية وامنة ان شاء الله ونصيحة من اخ لا تثقي بأحد يقول عندي سواق امين وثقة نهائيا ( نهائيا ) وانتي ماتعرفين وش ناوي علية السواق لانة مو نضامي ولا سيارتة نضامية لاستقبال السياح ويمكن يكون متفق مع طرف ثاني لانة عارف انكم لوحدكم وانتم بنات واذا تبغين سواق عندك المكاتب السياحية المعتمدة يجيبلك سواق يتكلم عربي ومعاة سيارة وفي نفس الوقت مرشد سياحي وتقدري تغيرين السواق اذا ما اعجبك لاسمح الله صار شي مو كويس من السواق تقدري تاخذي حقك وكل اوراقك سليمة حتى في نقاط التفتيش ماراح يقدرون يسون اي شي لان السواق والسيارة نضامية |
اقتباس:
في التنقلات انا اعتمد اكثر شي على اوبر قليل اتنقل بالترام والمترو, بالنسبة للسكن كنت بسيركجي بس بما ان بنات ما ارتاح لها صراحة ولا تقسيم العمل تجاري تنقلات بين اسواق الجملةومدة الرحلة 5 ايام فقط تجنبي التنقل باوبر لانه ممنوع وو ممكن يسببلكم مشاكل وو غرامه لكل راكب بالنسبه للسكن انا افضل شيشلي شوفي اسواق الجمله اقرب لاي منطقه |
اهلا بك أعتقد فندق مرمرة في تقسيم مناسب لكم من حيث المستوى والقرب من أسواق الجملة فقط للتوضيح .. ليس كل ما في تقسيم سيء فالمسألة نسبية.. ومستوى الأمان يتحكم فيه سلوك السائح بشكل كبير بالتوفيق |
اقتباس:
الله يعطيك العافيه ع النصيحه وفعلا حجزت سواق تبع شركة للاستقبال من المطار |
اقتباس:
تقسيم فيها اسواق جملة؟؟ |
اهلا بك بالمترو المحطة اللي بعد تقسيم مباشرة تسمى ( عثمان بيه ) وحسب ما سمعت إنها متخصصة بمبيعات الجملة بالتوفيق |
مشاركة مكررة |
بالتوفيق .. اشوف بأحد ردودك انك حجزتي شركة ..إذا كانت مجربة ممتاز . واعتقد افضل خيار لكم شركة بس موثوقة ومجربة |
ليش ما تاخذين سيارات الاجره عن طريق * أي تاكسي * هي نفس اوبر بس مسموح لها بتركيا |
اقتباس:
السواق اللي حجزت صديقتي مجربته لكن ماحكم على الشركة لحد ما اجرب انا وان شاء الله اوافيكم بكل معلومات السفرة اذا رجعت |
اقتباس:
جربت التطبيق وكان السواق انسان بذيء وقذر حتى يوم وريته السعربالتطبيق انجن وقلب وحش ونزلنا بوسط الشارع العام من سيارته |
الله يحفطكم تروحون وترجعون بالسلامه ان شاء الله .. اهم شي مثل ما ذكروا الاخوان لا تتعاملين خصوصا السواقين الا من خلال مكتب او شركه اضمن لكم.. ويكون السكن قريب من الاماكن اللي تبونها. ولا تحسسون السواقين او غيرهم انكم جايين لحالكم ... بالتوفيق. |
اختي الكريمة الأوضاع الامنية تمام في اسطنبول ومافي اي مشكلة بس يتوجب عليك انك تكوني صاحية وتكون معاملتك مع ناس رسميين ك شركات سياحية من اجل التنقل في اسطنبول او استخدام المتور او الترام وبالنسبة ل تطبيق اوبر متل ما تفضل الاخ وقال لك ان الحين عليها مخالفة لكل شخص وحواجز شرطة المرور في كل مكان من اجل حجز السيارات التي تشتغل عالاوبر ..... وبالنسبة لأسواق الجملة في منطقة لاللي قريبة من اكسراي وييني كابي بس يمكن تكون الاسعار عالية بنصحك ب منطقة زيتون بورنو فيها اكبر تجمع لشركات وماركات تركية منوعة واسعارها مناسبة |
ابشركم ولله الحمد رجعت بالسلامه وماشفت الا كل خير ياحسافة بس مخاوفي وبرضو ربي اكرمني بسواق محترم جدا وأمين , والان اخطط لرحلة اخرى اذا ربي سهلها ويسرها |
اقتباس:
ننتظر تقرير مفصل حتى نستفيد من تجربتك سواء الفنادق الأماكن اللي زرتيها السواق والأسعار |
اقتباس:
بانتظار معرفة آخر أخبار اسطنبول منكم |
الحمد لله على السلامة وإذا سمحت لك الظروف طرح تجربتك سنتشرف بمتابعتها والاستفادة منها ونسأل الله لك السلامة في حلك وترحالك |
اقتباس:
الحمدلله على ســلامتكم .. لازم تكتبين لنا موضوع عن رحلتكم ... ننتظرك |
| الساعة الآن 05:25 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO