|
خبراء اسطنبول كم استفسار ضروري (تم حجز التكتات) السلام عليكم ورحمة الله وبركاته اسعد الله صباحكم / مساءكم بكل خير بتوفيق من الله حجزنا لتركيا في شهر ابريل ( شعبان ) * كيف الاوضاع الامنيه للي سافر قريب ؟! طبعا في سفرتي السابقة حجزت فندق راديسون بلو شيشلي ومستواه متوسط لكن موقعه جميل جدا .. وايضا تم تجربة فندق هيلتون بومونتي وكان رائع جدا هاذي المرة قلنا نغير وناخذ اجنحة ولفت نظري في بوكنق فندق اجنحة TZL لكن ماحبيت الموقع وايضا شفت فندق لاساغرادا وموقعه ممتاز لاكن ماحبيت الفندق (شفته لايف) وايضا اتطلعت ف بوكنق على أجنحة ريناتا وعجبتني ومحتار فيها ومادري كيف موقعها هل هي قريبة من ناحية جواهر مول وراديسون بلو لان الخدمات جنبهم ممتااازه (شفت الخريطة لاكن الامور ما وضحت معاي) ولا بايش تنصحوني في ذيك الناحية ؟! وسؤالي ايضا هل يوجد قرى مثل اوزونقول في اسطنبول اقدر ازورها بالسياره ؟ لاني ما حجزت الا اسطنبول فقط الشمال صقييع هذا ما لدي والله يعطيكم الف عافية ... |
اهلا بك بالنسبة للنواحي الأمنية فمن خلال متابعتي لبعض من حولي سافروا مؤخراً ولم يواجهوا أي مشاكل فالوضع كما هو معتاد بالنسبة لخيارات السكن في شيشلي لعل من بعدي يفيدك أكثر بالنسبة لمناطق خارج اسطنبول .. فأرشح لك يومين بورصة ويومين سبانجا فسبق لي زيارتهما في ابريل الماضي وكانت تجربة جيدة ومستوى الخضار مقارب للشمال التركي في الصيف وهذا رابط تجربتي في ابريل لبورصة وسبانجا لعله يفيدك https://www.arabtrvl.com/vb/t34477.html وفيه منطقة اسمها شيلا واغفا تقدر تشوفها على تقرير اخونا حمد على الرابط التالي https://www.arabtrvl.com/vb/t33205.html بالتوفيق |
هلابك اخوي نواف شي جميل ان الامور طيبة سبق وان رحت ترابزون واوزنقول وايضا رحت بورصة بس سبانجا واللي ذكرتها ان شاءالله اشوفها في التقارير الاحترافيه ماقصرت الله يعطيك العافيه |
ملاحظه بسيطه : انا حاجر بنفس الشهر ورايح لأوزنقول وطرابزون جوها بالتاريخ هذا جدا جميل ومناسب واذا كان فيه برد فهو برد لطيف |
بخصوص الاوضاع الامنية يجب الحيطة و الحذر حتى لو الاوضاع مطمئنة لما عرف عن حقد وكرة بعض الاتراك على كل ماهو سعودي او خليجي والتي انتشرت واصبح حديث الاتراك بعد الاشاعات المضللة والكاذبة من قبل حكومتهم بعد الاحداث السياسية الاخيرة |
يصير خير انا ياطويل العمر رحت طرابزون واوزونقول في عز الصيف ف 2017 شهر 9 سبتمبر ( الحج بعد الاضحى ) اسطنبول كانت حارة بشكل مقرف وطرابزون كان جو ربيعي جميل واوزونقول كانت باردة جدا الاجواء كانت حول 8 - 10 باردة جدا هذا ف عز الصيف ف ما بالك بشهر ابريل عز البرد ! فـ خذ احتياطاتك وشوف ف البرامج كم يكون الجو !! ولا تفوتك متعة قيادة السيارة من طرابزون لاوزونقول واستأجر من قارينتا ورحلة سعيدة .. |
الرهيف معروف حقد الاتراك ع العرب على اساس انهم ملائكة الله في الارض!! وهم اعوذ بالله اخلاقهم زفت مع بعضهم .. الحمدلله على نعمة الاحترام اللي بيننا الواحد لمن يكون عندهم يمشي ف حاله وما يعطي احد وجه مع شوية اخلاق زفت والامور تزين ان شاءالله :) انا بس كان سؤالي على الوضع الامني مو زي مافهمت عن وضع الشعب ماقصرت الله يعطيك العافية |
اقتباس:
بس انا سألت واتوقع جاوبني الاخ نواف قال الجو برد خفيف والجو بشكل عام حلو بغيت اسألك انت حجزت السيارة من الموقع ولا بشكل مباشر من المطار ؟ وعلى كم السعر تقريبا ؟ |
طرابزون راح يكون الجو بارد وجميل لكن مو صقيع زي ما قال الاخ نواف لكن اوزونقول راح يكون بارد جدا لانها مرتفعات (شوف مواقع الطقس) ولا تتخوف من الجو خذ احتياطاتك وعيش التجربة وما راح تندم ... وبخصوص السياره استأجرتها من موقع رنتل كار ( افضل موقع باجماع الكل ) والسعر حسب المواسم لكن في موسمك ان شاءالله ف اليوم ماتعدي 100 (بالتامين) اهم شي احجز بدري + تحتاج فيزا مسبقة الدفع عشان هناك المكتب راح ياخذو منك حول 300 ليرة ويمكن اكثر حسب السياره عشان تأمينك يكون شامل 100% |
| الساعة الآن 12:13 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO