|
افزعوا لي شهر عسل(أول مرة اروح تركيا) السلام عليكم ورحمة الله وبركاته ارجوا منكم مساعدتي لان رحلتي بتاريخ (الاثنين الساعه 6صباحا 1-7 الى الجمعة 12-7) بالنسبة للفنادق جاء اخياري على (دوبل تري من هيلتون اسطنبول - أولد تاون) اذا هو غير مناسب وش تنصحون فيه واذا هو كويس وش الجدول اللي اسويه والف والف شكر للجميع لا استغني عنكم ربي يسعدكم اخوكم سلطان |
|
عليكم السلام الف مبرووووووووووك الزواج الله يوفقكم ويتمم لكم بخير اخوي سلطان اسطنبول في هذا التوقيت حاره والجو لك عليه اذا فيه امكانية انك تضيف جزء من الجدول لشمال التركي اشوفه افضل من الاكتفاء باسطنبول الجو في الشمال جميل جداً الطبيعه رائعه |
اهلا بك من ناحية الموقع فهو على خط الترام واشوفه مناسب ... أهم شيء تقرأ التعليقات .. وإذا تبغى نفس الفندق في موقع أفضل ( دبل تري باي هيلتون - سيركجيه ) بالتوفيق |
اقتباس:
|
اقتباس:
|
اخواني الأعزاء بالنسبة للفنادق ودي بشي رخيص وكويس لان بصراحة الهيلتون فيه غلا شوي لاني ابي شامل الافطار وكذلك قابل للاسترداد |
اهلا فيك اخوي والف مبارك زفافك بالنسبة للفندق الاثنين ممتازين ولكن احرص على اختيار منطقة جميلة وهادئة وبعيدة عن الضجة وبالنسبة للبرامج اذا كنت ستزور اسطنبول فقط انصحك بأستجار سيارة من المطار وبعد ذلك بيكون كلشيئ سهل عندك عليك تحدد المكان الي بتحب تزورو عالوكيشن وسهل التحرك في المدينة وممكن تعمل رحلات لخارج اسطنبول من بورصا وسابنجة ومشعشوقية وهذا الايام اجواتء ربيعية جميلة وهادئة مع درجة برودة جميلة في المساء تحتاج الى جاكيت خفيف ورحلة موفقه ولأي استفسار اخوك ابو خالد موجود |
اقتباس:
الله يبارك فيك اخوي ابو خالد كل الوقت بقضيه باسطنبول لان التنقلات الكثيرة بشهر العسل احس تخوف ولا اعرف الديرة ولا وش رايك وراي الاخوان الرحلات لخارج اسطنبول هل يفضل احجز لها من الان او اذا صرت هناك القى بكجات واتمنى ترشيح لي كذا فندق بالمناطق الهادئة اللي ذكرت |
اهلا بك رحلتك تقريباً 11 يوم .. فصعب تقضيها بالكامل في اسطنبول الأفضل تروح لبورصة وسبانجا في قروبات سياحية .. أهم شيء لا تخلي رحلة بورصة وسبانجا في يومين متتالين .. مثلاً بعد يومين ثلاثة من وصولك لاسطنبول روح لبورصة .. وبعدها بيومين ثلاثة روح لسبانجا .. لأن عادة مثل هذه الرحلات بتاخذ منك يوم كامل من الصباح لليل فتحتاج برنامج هادي وخفيف لليوم التالي طالما شهر عسل وعددكم اثنين ومنت مستعد لخوض تجربة القيادة فأفضل حل لك القروبات السياحية .. سعرها للشخص ما بين 120-150 ليرة للشخص ليوم كامل مع وجبة الغداء .. أما بالنسبة للمكاتب فتجدها منتشرة بكثرة في سلطان أحمد وتقسيم وغالباً كل اللي تشوفهم قدامك مجرد مكاتب سمسرة لهم عمولة فقط ... بإذن الله ما فيه خوف منهم ولمزيد من الاطمئنان لا تدفع إلا في يوم انطلاق الرحلة ... ما تحتاج حجز مبكر لأن القروبات كثير حتى لدرجة إنك ممكن الصباح تروح وتطلع معهم ولكن الأفضل ترتب الليلة السابقة للرحلة ... بالنسبة لخط السير للقروبات يكاد يكون متطابق مع تعديلات بسيطة .. فغالباً يغطوا الأماكن المشهور بالمنطقة بالإضافة للوقوف في بعض محلات الهدايا مثل الحلقوم والعسل والملابس .. كرحلة أولى لتركيا أرى أن الذهاب معهم فكرة جيدة بالتوفيق |
| الساعة الآن 07:21 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO