|
الرحلة الداااخلية السلام عليكم ورحمه الله وبركاته اخباركم جميعاً ؟ عدنا والعود أحمد على الرغم من اني رحت تركيا أكثر من مرة ،، لكن مالنا غنى عنكم وعن وقفتكم معانا.. بسألكم تم حجز ودفع التذاكر الدولية الوصول مطار اسطنبول الساعة 10 ونصف صباحاً باقي الرحلة الداخلية حصلت رحلتين مناسبة وحدة الاقلاع الساعة 1 ونصف والثانية الإقلاع الساعة 3 ونصف عادة احجز الفرق بين الرحلتين خمسة ساعات بس كثير ومتعب الانتظار.. هل 3 ساعات تكفي بين الرحلتين أو الأفضل اخلي الفرق خمس ساعات؟؟؟ وهل اذا وصلت طرابزون عادي امسك الخط على اوزنجول على طول؟ لأني بصراحة عادة اروح اوزنجول في الصباح ما اعرف كيف الطريق في الليل :24::24: وجزاااكم ربي الجنة يااارب.. |
عليكم السلام في خطوط الطيران ما فيه شي مضمون احياناً تكون الظروف ممتازه وتقلع الطائرة في الوقت والمحدد وتصل في الوقت المحدد واحياناً تتأخر شوي واحيانأ تتأخر كثير ما فيه شي ثابت افتكر احد الشباب سافر لشرق اسيا وحجز رحلة الساعة 8 الصباح وعنده رحلة مغادرة دولية الساعة 5 العصر ومدة الرحلة الداخلية ساعة فقط في ذلك اليوم جات عاصفة رعدية شديده ادت لتوقف الرحلات بالعافيه لحق الرحلة الدولية بعد انهد حيلة من الجري في المطار وحصوله على مساعدة من موظفين المطار الشاهد في ذلك انه ما فيه شي مضمون واللي اشوف ان ترانزيت طويل وممل افضل انه تفوتني الرحلة بالتوفيق |
اقتباس:
فعلاً صح كلامك خلاص بإذن الله بعتمد رحلة الساعة 3 ونص.. بس عادي امسك خط اوزنجول في الليل؟؟؟ |
اهلا بك أنا قبل شوي داخل بيتي جاي من اسطنبول رحلة دولية من مطارها الجديد ... المطار كبير جداً فالأفضل تخلي رحلتك المتأخرة .. والمطار أشبه ما يكون بمول كبير يعني بيضيع الوقت فيه حتى محلات ال سي ويككي ماخذة زاوية كبيرة جداً وبيفتتح بالمطار المسافة من مطار طرابزون لاوزنجول ساعة ونص تقريباً .. فأعتقد الأفضل تواصل لأن اليوم هذا يعتبر منتهي طالما نويت رحلة دولية وداخلية ورا بعض بالتوفيق |
الحمدلله على سلامة الوصول نواف .. ان شاء الله كانت رحلة سعيدة موفقه .. تماااااام الله يعطيكم العافية ،، ان شاء الله بعتمد الرحلة الداخلية الثانية .. كيف بالنسبة لأوبر في اسطنبول فيه احد جربه؟؟ |
مرحبا أخوي الحاتمي بالنسبة لتطبيق أوبر سمعت أنه ممنوع في تركيا والبعض يستخدمه لكن ممكن تتوقف وتحصل على مخالفة إنته والسائق لكن هناك تطبيقات أخرى مثل iTaksi و BiTaksi وتوجد فيديوهات في اليوتيوب تشرح كيفية استخدامها أنا في رحلتي في الصيف الماضي استخدمت تطبيق iTaksi وتحدثت عنه بشكل موجز في تقريري المثبت في الصفحة الأولى |
| الساعة الآن 11:12 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO