التنقل باسطنبول
 

السلام عليكم مساء الخير
بستفسر انا بسكن بالقسم الاسيوي وكل يوم بروح للقسم الاوربي عشان الاماكن السياحيه افضل من ناحيه السعر اخذ سياره اجار ولا ماراح يكلفني كثير التكاسي

اللي خلاني اسكن بالاسيوي اسعار الفنادق اقل من النص فيها عشان كذا قلت بسكن بالقسم الاسيوي

الله يعطيكم العافية

في اسطنبول لاتستخدم التكاسي الا للضرورة القصوى .
المواصلات العامة مغطية كل شي و اسعارها رمزية .
استخدم المترو و الترام والعبارة و الباص .
وتقدر تروح من القسم الاسيوي الى الاوروبي عبر المترو

السلام عليكم ورحمة الله


عندي استفسار الكثير يستخدمون سايق خاص وصراحه جدا مكلف اذا كنت منظمه الاماكن اللي بروح لها هل يحتاج سايق؟؟ اقصد أمان مثلا ؟؟

راح اسكن بالقسم الاوربي ان شاءالله رحلتي فقط 6 ايام يومين سابنجا وال4 استنبول

محتاجه اعرف وسيلة التنقل الامنه ؟؟ هل عندهم أوبر او تطبيق يخدم التنقلات للتسوق والسياحه

ومحتاجه ايضا افضل نت هل استخدم مودم مثل الاخ بن ياقوت ورقم الشركه اذا ممكن او اطلع شرايح ومن وين

كل الشكر مقدما

كل الشكر أخ نواف ،، حنا شحصين وطفل

التنقل داخل سابنجا ماحجزت له سائق وفكرة استئجار سياره غير مرحب فيها بالنسبة للي معاي
تعتقد لازم أوفر سائق لتنقلاتنا هناك ؟؟

لان احنا شخصين فقط فكرة بالشرايح بس شكلي اعتمد المودم

اسطنبول ما يحتاج تكسي ابدا ،
استخدموا المترو و الترام وكل المعلومات موجودة في خرائط قوقل . اهم شي يكون الفندق قريب من محطة المترو .
و المترو يوديكم لكل الأماكن المهمة في اسطنبول . و شبكة الترام والباصات تغطي كل اسطنبول .
واذا تبون تطبيق تكسي فيه تطبيق اوبر تجكيم سيارات مرسيدس فان و فيه تطبيق اخر يتبع بلدية اسطنبول ممتاز جدا
اسمه i taksi

بالنسبة لصبنجة تستطيعون الذهاب بالقطار ايضاً او بالباص . ومن ناحية الأمان امان جدا كل العالم والجنسيات في تركيا يستخدمون المواصلات العامة