|
عطوني رايكم في رحلتي الى تركيا اول مره السلام عليكم الله يعطيكم العافيه حابه استشيركم بخطه مبدئيه لرحلة لاسطنبول في اول اكتوبر لمده اسبوع اناوزوجي وطفل عمره 4سنوات (هذي اول مره نزور تركيا)الوصول الى اسطنبول بالخطوط التركيه لمطار اتاتورك تقريبا 6 الفجر والمغادره 8 مساء( هل تسمح الفنادق بالدخول الصباح ام لا؟) اخترت فندقين #الليله الاولى والثانيه في ويندهام ليفنت #اليوم الثالث ذهاب الى يلوا لمدة ليلتين #الثلاث ليالي الاخيره في فندق ذا وينجز اسطنبول في كراكوي التنقلات بالمترو والباصات #التأشيره ذكرتوا اني اخذها من المطار افضل صحيح؟ الاماكن الي حابه ازورها( السوق المصري ومنطقة السلطان احمد وحديقة جولهانه/ ومنطقة ايوب والتلفريك وجراند بازار وميدان تقسيم وجوله بالسفينه من كراكوي الى كاديكوي ماادري صح كذا والا لا؟ /جزيرة الاميرات/حديقة اميرجان/مول ووترجاردن/ وادي اسطنبول/ وفيه مول الي عنده ايكيا هل يستاهل او لا ؟واستينيابارك والمولات الي عند فندق ويندهام 1/ايش رايكم في الفنادق؟ 2/ كيف اقسم الاماكن السياحيه على حسب الفندق الي حنا فيه وكيف طريقة الوصول اليها بالمترو ؟ * شفت تقرير احد الاعضاءيمدح ميس اسطنبول ايهم افضل ميس او الفنادق الي اخترتها؟ يهمنا الفندق يكون جميل مو لازم فخم لكن مريح وموقعه حلو لاننا نجلس بالفندق مو طول اليوم برا او نتجول عندالفندق،، اسفه كثرت عليكم :e304: |
اعتقد الفيزا الان ما تصير بالمطار انتبهي لهذه النقطه وهذا موضوع للخبير الفراهيدي بهذا الخصوص https://www.arabtrvl.com/vb/t37621.html |
ام حسين كان فيه اشكاليه بالفيزا من المطار الان يقدر الشخص ياخذها بثواني دايم فاضي الكونتر بالنسبه للفندق ميس كموقع مميز بسيركجي وقريب من الترام بقيه التفاصيل لي عوده |
بالنسبه للتأشيره رحلتنا الوصول مطار اتاتورك هل مازالو يعطون تأشيرات من مطار اتاتورك؟ وانا ممكن اطلعها من الموقع اذا الطريقة مضمونه ومافيه فرق؟ |
تقدر تستخرج التأشيره من المطار او من الموقع الالكتروني وتدفع بالفيزا وتصلك بالايميل على طول وتاخذ نسخه تحتفظ فيها لان احياناً يطلبونها برفق لك الموقع الالكتروني |
الله يعطيكم العافيه ���� انتظرردك اخوي الفراهيدي بباقي الخطه���� |
الله يعطيكم العافيه ام حسين والفراهيدي:3: وان شاءالله انتظر ردك اخوي بالباقي:e306: |
اهلين وسهلين فيك هذا رابط الفيزا الألكتروني وتأكد ان سعر الفيزا 60 دولار https://www.evisa.gov.tr/ar/ الموقع يدعم اللغة العربيه وسهل جداً وتأكد من المعلومات المدخلة الفيزا راح تظهر في شاشة موظف الجوازات يفضل حمل نسخه منها احتياط احيانا يطلبونها وصارت معايه بالنسبة للتوزيع اذا بتزور يلوا بتكون 4 اسطنبول و 2 يلوا ---- الاماكن الي حابه ازورها( السوق المصري ومنطقة السلطان احمد وحديقة جولهانه/ ومنطقة ايوب والتلفريك وجراند بازار وميدان تقسيم وجوله بالسفينه من كراكوي الى كاديكوي ماادري صح كذا والا لا؟ /جزيرة الاميرات/حديقة اميرجان/مول ووترجاردن/ وادي اسطنبول/ وفيه مول الي عنده ايكيا هل يستاهل او لا ؟واستينيابارك والمولات الي عند فندق ويندهام -- السكن في سيركجي يوفر عليك الكثير واغلب الأماكن بتكون قريبه او تركب الترام وتنزل محطة او 2 بالكثير مثل السلطان احمد وحديقة جولهانه تروح لها مشي وكذلك السوق المصري ومحمود باشا كلها دقائق مشي منطقة ايوب تطلع لها كذلك بالباص او تاكسي اللي يعجبك جزر الأميرات اذا كنت تسكن في سيركي تركب الترام لأخر محطة كاباتاش وتحصل المكاتب بعد محطة البانزين وتحجز لجزر الأميرات يفضل زياراتها بأول الرحالات حتى يمديك ترجع وتكسب باقي اليوم مول وولتر جاردن بالطرف الأسيوي تاخذ العباره من امينونو اذا كنت ساكن بسيركجي وتنزل بالطرف الأخر اسكودار وبعدها تكمل بتاكسي وكذلك اذا معاك وقت تزور تل العرائس مطل جميل المولات كثيره لكن اذا حاب تشتري احرص على ماركة https://pbs.twimg.com/media/CXd0ySkWkAA5gnT.jpg من اشهر الماركات التركيه وسعرها رخيص انصحك بالأطلاع على التقارير واخذ فكره كافيه عن اسطنبول طالما معاك وقت |
أهلاً وسهلاً الأحبة ماقصروا ... فندق ويندهام .. ممتاز وجميل .. لكن الأفضل السكن في سيركجي مادام اعتمادكم على التنقلات راح تكون من خلال المواصلات العامة .. سيركجي منطقة مخدومة وتعتبر في قلب اسطنبول السياحي .. التأشيرة الإلكترونية سهلة جداً وبثلاث خطوات ( التأشيرة جاهزة ) عملت 16 تأشيرة إلكترونية برحلة واحدة فقط قبل 20 يوم :24: وأخذ نسخة للتأشيرة مهم ( تحسباً لمزاجية موظف الجوازات ) صارت معي .. إذا كنتم راح تروحون جزيرة الأميرات .. مايحتاج تأخذون جولة بحرية .. بالنسبة لدخول الفنادق مبكراً الأصل ( الرفض ) لكن لا مانع من مراسلتهم للسماح لك بالدخول مبكراً .. وبالنهاية ترجع لتوافر الغرف وعدم امتلائها .. |
الله يجزاكم خير افدتوني كثير بالنسبه لعدد الليالي هي سبع ليالي فخصصت منها ليلتين ليلوا انا توقعت ان السكن عند محطة مترو يكفي فااخترت فندق حلو وعنده محطة مترو بالنسبه للمولات حبيت يكون عندي خيارات عشان لو كان الجو مطر او برد نقضي يومنا بمول حلو وترفيهي لايهمنا التسوق كثير وان شاءالله راح نركز على المحل التركي الي ارسلت وجزر الاميرات كم تاخذ وقت اذا طويله نكنسلها؟ بالنسبه لعربية الاطفال والتنقل ومعنا طفل هل هو متعب؟واذا فيه اماكن نجنبها ياليت تنصحوني فيها والتاشيره خلاص ان شاءالله اخذها من الموقع |
| الساعة الآن 11:07 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO