|
عطوني رايكم في سفره عائليه ايعد الله اوقاتكم بكل خير بعد تردد بين جورجيا و تركيا و البوسنه الاحتمال جورجيا او تركيا ... راح اسافر بعد اسبوعين تقريباً انا والاهل 3 اطفال . من الرياض طبعا اعزائي ؛ ابي ارائكم ونصايحكم وايش افضل طيران احجز عليه وكيف البلد من ماحية الامان و من ناحيه الاسعار وكم تكلف رحلتي تقريبا و كم يوم يفضل من 7 - 9 ايام تقريبا لكم كل الحب والتقدير |
اقتباس:
الطيران السعودي او التركي وشوف إذا فيه طيران مباشر الى الشمال استغلال للوقت بعد ان تحجز التذاكر وتحجز السكن ستتضح الامور معك من ناحية الصرف المطاعم العادية لاتكلف الكثير ولو شفت شقه تقدري تطبخ الخضرة وكل شي متوفر و رخيص اتكلم عن تركيا وبالاخص الشمال التركي من ناحية الامان اكتب في قوقل عساف الشمري اوزنجول وتاتيك الاجابه من حجم العائلات و الاجواء الي صايره هناك موفق ان شاء الله تم الإرسال من SM-N950F باستخدام Tapatalk |
من ناحية الأمان البلد آمن بإذن الله لكن في تركيا وغير تركيا كن حذر وابتعد عن اي شيء مشبوه وابتعد عن الخروج آخر الليل المدة : تركيا كبييرة وتستحق الزيارة ف مهما طولت المدة ماراح تمل خصوصا اذا هذي اول زيارة واذا ناوي تزور اسطنبول وطرابزون |
كانت رحلتي في يوليو 2019 حجزت طيران أطلس التركي كان ارخص شي قيمة التذكره ب1700 كانت مباشره الحمدلله اما الترانزيت هي رخيصه ولكن الانتظار صعب اخذنا اسبوعين كانت مقسمه 2اسطنبول 6 الشمال التركي (طرابزون _اوزنجول _حيدر نبي_ السلطان مراد_ همسي كوي_ بحيرة زيجنا_ريزا -وزيل كالي للقلعه ) استأجرنا سياره من المطار للتنقل اول 3ايام المرتفعات صعبه لازم سواق لان الطرق حقتها مخيفه وخطيره ل حيدر نبي وهمسي كوي وسلطان مراد وكملنا بسيارتنا باقي الايام لريزا واوزنجول وبعده 6 ايام اسطنبول السكن من بوكنج ف اسطنبول تمام بس الغرف جدا ضيقه في ظنطقة سيركجي جدا جميله وكل شي متوفر اما ف الشمال احجز اول يوم وصولك وبعدها شوف فين حاب تكمل ف اوزنجول ولا ريزا ولا تبقى بطرابزون انا السكن كان ف طرابزون وكنت اتنقل وارجع المغرب على طرابزون الفنادق اللي مقابل مطار طرابزون جدا رخيصه اخذت شقه 3 غرف مع 2 حمام ومطبخ ب 100ريال بعكس فندق اول يومين كانت غرفه وحمام فقط ب 250 ريال حجزتها من بوكنج الأفضل لك 10 ايام وشوف ايش تحب اسطنبول ولا الشمال وخلي ايامك الاكثر فيها مثلا 6 الشمال 4 اسطنبول والأفضل انك تروح على الشمال اول وبعدها تنزل على اسطنبول التكلفه على قد صرفك في المطاعم الرخيصه وفي المطاعم الغاليه اللي اكتسبت شهرتها من العرب للأسف توصل قيمة الأكل500 ريال سعودي والاكل الله يكرم النعمه وتحصل اللي بالاحياء الشعبية ارخص واطعم منه :23: التنقل ف اسطنبول اعتمد على المترو والترام بجد يوفر عليك فلوس التاكسي اعتمد على قوقل وماتضيع بأذن الله الأمن تمام الحمدلله بس كان في نصب اذا شافو اللي معاك بالعبايه يزيد ضرايب عليك بالفاتوره مثلا يقولك خدمه طلبت كاسه كذا يعني البقاله لازم تحسب وراه اغراضك اما الأمن ماشاء الله كان تمام وحدك بعد العشاء وارجع الفندق وان شاء الله مانسيت شي :1: |
اقتباس:
اهلا بك واضح إنها تجربة جميلة وثرية وخصوصاً سكن طرابزون .. أتمنى تملكي الوقت والظروف تخدمك ونشوف تقرير مميز ونستفيد من تجربتك أكثر بالتوفيق |
الحين انت ما حددت جورجيا والا تركيا عموما ادخل اي قسم وشوف التقارير لو نظره سريعه تعرف وين انت ماشي وتاخذ فكره عن المكان ضروري |
اقتباس:
|
اذا اول زياره لكم روحو تركيا افضل من جورجيا |
عطوني رايكم في سفره عائليه اذا لم يسبق لك الزياره فتركيا بلا شك لايوجد اي مقارنه بين تركيا وجورجيا تركيا بلد مؤهل سياحيا بدرجه كبيره جورجيا لا زال امامها الكثير وفيها الكثير من النواقص مقارنه بجاهزية تركيا ربما جورجيا مناسبه لمن ذهب الى تركيا وزار اغلب مناطقها وحاب يغير ويستكشف وعنده بعض من روح المغامره التكاليف تعتبر رخيصه الى معقوله في البلدين اذا اول مره قسم زياراتك بين الشمال واسطنبول |
| الساعة الآن 01:27 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO