|
السفر الى تركيا مارس مع اطفال السلام عليكم اسعد الله صباحكم بكل خير اول شي احب اشكر كل المشاركين في الموقع وتفاعلهم صراحه شي جداً مفيد انا مسافره تركيا لاول مره مع زوجي وطفلين الاول 5 سنوات والثاني سنه ونص في شهر مارس متخوفه عشان الاجواء ولكن هذا الوقت الوحيد المناسب لنا بالنسبه الى اجازة زوجي مدة الرحله 12 يوم وراح تكون الرحله دايركت من مطار الملك فهد الدولي الى مطار أتاتورك الدولي زمن الوصول راح يكون الصباح هل تسمح لنا الفنادق بالنزول في هذا الوقت ؟ بالنسبه للرحله قسمناها كالتالي : اربع ايام في اسطنبول اربع ايام في طربزون وبعدها راح نرجع اسطبول بالنسبه للاكواخ في اوزنجول كيف نقدر نحجزها ؟ وهل في جدول سياحي مناسب للرحله ياليت تذكرو لنا الامكان الحلوه اللي ممكن نزوها ونرتبها بالجدول وانطباعكم عن الاجواء |
في هذا الوقت الاجواء باردة جدا على الاطفال يجب اخذ الاحتياط بالذات في اوزانغول . والملابس الشتوية متوفره في تركيا . أما وقت الوصول حتى اذا لم يكون الفندق متوفر يمكنكم تسليم الشنط واغراضكم عندهم يتم حفظها في غرفة الامانات وانتم تذهبون الى اي مكان مثل السلطان احمد او منطقة تقسيم اواي مكان انتم تفضلونه (لتناول الفطور والاستمتاع بالاجواء الشتوية حتى وقت دخول الفندق . |
اهلا بك مثل ماذكر أخونا الفيصل الأجواء فيها برودة ولكن سبحان الله آخر مارس أخف بكثير من أوله بالنسبة للشمال بيكون بارد جداً واشوف 4 أيام فقط فيه ظلم له وارشح لكم تستبدلوها بانطاليا مع إضافة يوم بحيث تكون الرحلة 5 أيام انطاليا والباقي اسطنبول أو مقترح آخر تخلوا أيام طرابزون الأربعة مناصفة بين بورصة وسبانجا وفيها توفير للرحلات الداخلية في حال رغبتم الذهاب لاوزنجول هذه الفترة ما يحتاج حجوزات خذوا لكم لفة واختاروا المكان الأنسب والأسعار بتكون في أدنى مستوياتها بالنسبة للدخول المبكر للفندق فهذا يرجع لسياسة الفندق والأهم مدى جاهزية الغرف بالتوفيق |
وعليكم السلام ورحمة الله اقسمي ايامك بين اسطنبول وانطاليا وممكن تزوري بورصه من اسطنبول عشان الثلج نصيحه لاتروحي الشمال برررد ومافي مناظر والفعاليات مقفله والمطاعم كمان قليل الموجود انا رحت العام اخر ابريل ماحبيتها لاطبيعه ولاشي الشمال التركي وقته من مايو انطاليا تفوووز للاطفال خاصة منتجع ارض الاساطير :58:لاتفوتيه |
كل الشكر لكم على نصايحكم الي فادتني وان شاء الله راح ارتب جدول وفكره جميله منكم انطاليا راح اقراء اكثر عنها واوافيكم بتقرير في حال عودتي ان شاء الله |
| الساعة الآن 11:23 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO