|
جدول رحلة الى تركيا السلام عليكم ورحمة الله وبركاته اخواني واخواتي الاعزاء وأهل الخبرة ولمن سافر حديثاً الى تركيا انا والاهل سوينا جدول رحلة الى تركيا وهي كالتالي :- طبعاً الرحلة ل 7 اشخاص كبار جدولنا ل 12 يوم من 10 الى 22 اغسطس طرابزون 1- قصر اتاتورك الشهير وآيا صوفيا و بحيره سيرا و مول الفورم الكبير 2- جوله كاياباشي و جبال علي بابا الخضراء و مرتفعات كاياباشي نروح بحيره نصيد سمك واذا فيه وقت بنروح اوردو 3-اوزنجول بنروح نتريق من الصبح و بحيره اوزنجول بعدين بنروح مرتفعات ايدر و حديقه بوتانيك في ريزا و وادي الريح و جسر شان يوفو وبنبات ف ايدر 4- نرجع من ايدر نروح طرابزون بعدين المطار نروح اسطنبول 5- سبانجا و المعشوقيه : اول حاجه بنروح شلالات المعشوقه بعدين بحيره سبانجا و مصنع الحالقوم و معرض العسل و بعدين نروح مال الدراجات وذيلاك مال الالعاب 6- بنروح ملاهي فيلالاند 7- اول شي بنروح ف العباره من الصبح نشوف متى موعدها الصبح ونروح نشوف مضيق البوسفور ونروح جزيره الاميرات وتبدا الرحله 8 ربع وتخلص الساعه6 مساء 8- بورصه: بيت المربى الطبيعي و بعدين جبل اولوداغ بنروح ف التليفريك و بعدين منحل العسل وبعدين الشجره المعمره بعدين بنروح شلال كمال باشا 9- بنروح تل العرائس 10- بنروح السوق وكذا بعدين بنروح السهره المسائيه 11- بنروح الحمام التركي 12- العودة الى البلد للعلم الجدول بصيغة الاهل 😬 الاستفسارات :- 1- الاماكن هذي تستاهل الزيارة؟ وهل الوقت المحدد لها كفاية أو أقل ؟ وهل فيه أماكن أخرى ينبغي ادراجها في القائمة ؟ 2- ما هي المناطق اللي تستاهل مبيت ؟ وما هي الفنادق الممتازة ؟ 3- هل تقسيم الجدول ككل مناسب او غير مرتب ؟ ولكم جزيل الشكر والتقدير |
اقتباس:
عليكم السلام ورحمة الله وبركاته بالنسبه الرقم 1 و 5 و6 و7 و9 و10 و11 و12 أوافقك الرأي ممكن تزورهم كل رقم بيوم لكن بالنسبه لبقية الارقام اذا كنت تقصد كل رقم مقصود به يوم فانا لا اقدر تغطيته في يوم وضلمت اوزنجول اذا بتخصص لها فقط الفطور بها :26: وفي رقم 2 ما أدري كم ساعه باقي لتغطية مدينة اوردو ؟؟؟:22::12: قد تكون انت والاهل اقدر مني بتغطيته لأن 2و 3و 5 و 8 صعبه تزورهم كل رقم منهم بيوم فلذلك أعتقد تحتاج ترتيب افضل لتكون رحلتكم ممتعه وماتتعبون انفسكم وتفوتون عليكم متعة الراحه مع الكشته وعندك ببورصه مغارة ومنطقة اويلات جميله وبقيّة الاعضاء قد يكون لهم لهم رأي ثاني |
شكراً اخوي سعيد ع الرد هنا هو مصدر تساؤلي اني ما أعرف كم الوقت اللي ممكن اخصصه لزيارة كل موقع لكي يتسنى لي جدولة الرحلة بالشكل المناسب |
الأخ sniper5005 … عندي تعقيب بسيط على الجدول المطول اللى تفضلت بطرحه بصراحة من وجهة نظري أشوف أنه رحلتك بتكون مضغوطة جداً لأن ملاحظ أنك وضعت أماكن سياحة كثيرة كي تزورها في نفس اليوم و من ناحية الوقت في كل مزار .. هذه النقطة بالذات صعب أحد يحدد لك الوقت بالضبط لأنه يعتمد على الرغبات ممكن أحد يحب يستمتع بالمكان أو المزار في حين البعض يقضي وقت قصير و يغادر لذا أشوف انه انت من يحدد الوقت بعد زيارة المكان فكر و أعد النظر .. و ليس بالضرورة انك تزور جميع المعالم السياحية في رحلتك بالتوفيق |
اقتباس:
العفو اخي ان كانت سفرتكم الاولى لتركيا فمضيق البوسفور ومنطقة السلطان احمد وامينونو والسوق المصري والسوق المغطى واورتوكوي لازم تزورهم في البدايه وتشبعهم تمشيه وجزيرة الامراء بفضل زيارتها فقط مره واحده لمن لم يزرها من قبل وبورصه يفضل ان تزور القريه العثمانيه اهم من بيت المربى ولامناحل العسل لان المناحل موجوده باوزنجول وانت تتمشى بتشوفها وتقدر تتفرج وتشتري لو حبيت فلا تضيع وقتكم بهم الاهم تصعدون بالتلفريك جبل الالولداغ وتاخذون لكم منقل ولحم وتشوون غداكم وتكملون يومكم هناك اذا حبيتوا تزورون الشجره المعمره وغريهم |
تسلم اخوي ابو معتز القصد من السؤال اني اعرف ويش الاماكن اللي معظم الناس زارتها وع ضوء تقييمهم ممكن اعدل جدولي لاني ممكن اشوف موقع ع النت ويعجبني ولكن بحكم تجارب الاشخاص اللي سافرت ممكن يعطوني رايهم في الامكنه وكم من الوقت تحتاج لزيارتها ، المرشدين السياحيين بيقولك موقع معين يحتاج يوم واحتمال انه في نص يوم تغطيه وهنا احتاج المساعده انه في حالة انه حد زار ذي الامكنة فكم تقديره للوقت لتغطيتها . |
تسلم اخوي سعيد بيض الله وجهك هذا القصد من السؤال اني ما أعرف اعطي كل موقع حقه خوفاً لا اخسر الايام ع الفاضي وما نحصل الاستفادة الجمة من الرحلة . لك جزيل الشكر |
اقتباس:
تبي رأيي و علشان تطلع برحلة مميزة و لا تنسى من الذاكرة لك و لمن معك من أفراد العائلة نصيحة لا تعتمد على أراء الأخرين لأن كل واحد له رأي و نظرة تختلف عن الأخر لأن فيه ناس يعجبهم المكان و يمدحه و المكان فعلياً يستحق الزيارة ولكن في حين البعض حتى لو المكان جميل و يستحق الزيارة لازم يعذرب فيه !!! لذا رأيي أنك تعتمد على جدولة أماكن الزيارة بالأهم و في نفس الوقت تضع بديل يعني اذا ما أعجبكم المكان توجه مباشرة للبديل و بنفس الوقت حاول لا تضغط نفسك في الزيارات و التنقلات ترا الرحلات السياحية للراحة و الأستمتاع و ليست للشقاء و التعب في التنقلات … بالتوفيق |
النسبه لاوردو مدينه تبعد عن طرابزون 180 كم ساعتين ونص فيها تلفريك يصعدكم الى مرتفعات بوزتبه وفيها منطقه جميله وبارده في شهر اغسطس اسمها بارشمبا يعني ماتكفيها يوم واحد وشهر اغسطس بيكون الجو رطوبه وحار بعض الشيء |
السلام عليكم ورحمة الله وبركاته اخواني واخواتي الاعزاء وأهل الخبرة ولمن سافر حديثاً الى تركيا انا والاهل سوينا جدول رحلة الى تركيا وهي كالتالي :- طبعاً الرحلة ل 7 اشخاص كبار جدولنا ل 12 يوم من 10 الى 22 اغسطس وعليكم السلام و رحمة الله و بركاته طرابزون 1- قصر اتاتورك الشهير وآيا صوفيا و بحيره سيرا و مول الفورم الكبير جدول جميل واماكن قريبه من بعض 2- جوله كاياباشي و جبال علي بابا الخضراء و مرتفعات كاياباشي نروح بحيره نصيد سمك واذا فيه وقت بنروح اوردو هل سبق الذهاب اليها ام انه مع البحث وجدتها ؟ عن نفسي وزيارتي الكثيره لشمال التركي اول مره اسمع عنها وبحثت وشفتها فوق الجبل مسيرة ساعه بسيارة لذلك ضع في الاعتبار التعرجات بالطريق وهل هو سالك ام لا وهل هناك استعدادات لصيد السمك ثم اوردو بنفسها تحتاج يوم او يومين للاستمتاع بها عند البحر و فوق الجبل 3-اوزنجول بنروح نتريق من الصبح و بحيره اوزنجول بعدين بنروح مرتفعات ايدر و حديقه بوتانيك في ريزا و وادي الريح و جسر شان يوفو وبنبات ف ايدر اذا فيه مبيت في ايدر ممكن يكون الجدول معقول لكن غالبا جدولك كله مضغوط ثم ماهي وسيله المواصلات التي سوف تاخذها ؟ 4- نرجع من ايدر نروح طرابزون بعدين المطار نروح اسطنبول ممتاز 5- سبانجا و المعشوقيه : اول حاجه بنروح شلالات المعشوقه بعدين بحيره سبانجا و مصنع الحالقوم و معرض العسل و بعدين نروح مال الدراجات وذيلاك مال الالعاب اول حاجة وين بتسكن في اسطنبول الاسوية في سبنجا او معشوقيه 6- بنروح ملاهي فيلالاند ضع في الاعتبار انك في اسطنبول الاسيويه ثم تذهب الى ملاهي فيلاند مع الزحمة راح عليك النهار كله فيه مدن جميله وملاهي ومولات في اسطنبول الاسوية ممكن تكون بديل عنها 7- اول شي بنروح ف العباره من الصبح نشوف متى موعدها الصبح ونروح نشوف مضيق البوسفور ونروح جزيره الاميرات وتبدا الرحله 8 ربع وتخلص الساعه6 مساء تمام 8- بورصه: بيت المربى الطبيعي و بعدين جبل اولوداغ بنروح ف التليفريك و بعدين منحل العسل وبعدين الشجره المعمره بعدين بنروح شلال كمال باشا تمام 9- بنروح تل العرائس 10- بنروح السوق وكذا بعدين بنروح السهره المسائيه 11- بنروح الحمام التركي ماعندي فكره عن اسطنبول المعذره 12- العودة الى البلد للعلم الجدول بصيغة الاهل 😬 جدول مقبول ولكن يحتاج الى تعديل السكن ولاستقرار لمكان الانطلاق |
| الساعة الآن 07:49 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO