|
تجوال في الشمال التركي السلام عليكم كل عام وانتم بخير صار لي عشر ايام اتجول بالشمال التركي من ناحية الجو بارد في اوزنجول وآيدر وهامسكوي وجميع المرتفعات بالشمال اوزنجول ترددت عليها خلال فترة وجودي عدّة مرات مزدحمه بالسياح من كل بلاد العرب والجو بارد يعني تحتاج ملابس السكن متوفّر وملاحظتي هي : الحجز المباشر ارخص بكثير من الحجز عن طريق المواقع لكن يحتاج شوي تعب مايهمك الفرق احجز عن طريق بوكينج وارتاح وادفع اكثر بوكينج في الشمال بالنسبه عندي لم يفتح ولا اعلم ان كان يفتح عند غيري او لا مع ان جميع المواقع تفتح عندي الاّ بوكينج |
سعر الليره التركيه اليوم 4،63 بالنسبه للريال السعودي مازالت في نزول مستمر جميع الفنادق التي سكنتهم يقبلون اي عمله دولار او يورو او ليره تركيه فقط يحول سعر الصرف |
كثير يسالون هل يوجد مكتب لفيزة الجوازات في مطار طرابزون وكم سعر الفيزه ؟ الجواب نعم يوجد مكتب تفييز للجوازات بمطار طرابزون وسعرها ستين دولار فقط |
اهلا بك احسنت على هذا النقل للأحداث مثل هذه المبادرات مفيدة للراغبين بالسفر رحلة موفقة |
أهلاً بك أخ نواف .................... بالنسبه لسعر لتر البنزين 25,5 ليره ينقص او يزيد قليلاً حسب كل محطة وقود وكل محطه تشاهد سعر وقودها وانت تسوق بلوحه ضوئيه ملاحظتي : اذا تقدر تحصل سياره ديزل فهي اوفر للوقود بكثير عن البنزين حسب تجاربي السابقه مع ان سيارتي هذي السفره صغيره رينو كليو موديل 2022 ماحصلت سياره ديزل مع ان حجزي مسبق عن طريق كاررنتل الاّ ان صرف البنزين فرق شاسع اكثر بالنسبه للديزل في الطرقات الجبليّه |
نعم أتفق وكلامك صحيح الديزل يعطيك مسافات أطول ولكن للأسف سعر آجار السيارة أعلى الديزل : سعر أجار أعلى وعدد مرات تعبئة أقل البنزين : سعر أجار أقل وعدد مرات تعبئة أكثر أحد الأخوة سوى حسبة ( وعلى ذمته ) يقول التكلفة تكاد تكون متقاربة بين الخيارين ننتظر نشوف تجربتك وتعلمنا التفاصيل |
بارك الله فيك على جهودك الطيبة لتنوير اخوانك اللي ناوين يسافرون سؤال : هل يوجد سيارات تأجير ل 8 اشخاص ؟ عائلة من اب وام و 4 بنات وطفل و رضيع |
أخ نواف آخر تجربه لي كانت في سفرة عام 2018 قبل المنع يعني تقريباً اربع سنوات كان لتر الديزل بخمس ليرات اليوم تضاعف سعره اكثر من خمس مرات استأجرت حينها رينو سيمبل مشاني التانكي الف كيلو متر تقدر تدخل على احد الشركات العالميه لتأجير السيارات وتقارن بين سعر السياره ديزل / بنزين وتعطينا الجدوى الاقتصاديه بين المادتين |
اقتباس:
مرحباً اختنا انا مسافر عادي تقدرين تدخلين لمواقع تأجير السيارات وتعرفين الموجود وتختارين المطلوب |
اقتباس:
اخوك ولست أختك (ادري الأسم يحير :1: ) ممكن تعطيني أفضل موقع لحجز السيارات في طرابزون؟ وهل طرابزون كفاية وما نحتاج نروح اسطنبول؟ كثير يقولون اسطنبول زحمة وخطيرة ومن هالكلام:12: وشكراً |
| الساعة الآن 04:09 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO