|
احتاج مساعدتكم تكفون بالمواصلات انا بنت عمري 26 وابوي 60 الله يطول بعمره اول مره نسافر تركيا وخصوصا نبي الشمال التركي فقط سفرتنا باذن الله في شهر نوفمبر 11 / واتوقع الاسعار اقل مو موسم سؤال ماعندنا لغة وابي استاجر سياره بالمطار وماني عارفه كيف اتفاهم معاهم ؟ هل في ناس تتكلم عربي هناك او في شركة ايجار سيارات فيها شخص عربي وثقه ؟ لو بحجز من طريق بوكينج سياره مع تامين هل موثوق لانه يطلب دفع المبلغ كامل ، وبعدين واروح لهم اوريهم الحجز بس واستلمها ؟ والافضل تكون ايجار السياره ب اسمه عشان عمره كبير ف التامين اقل وانا اطلب تفويض اضافي معه صح ؟؟ هل الرخصه السعوديه الجديده تكفي بدل الدوليه لانها مترجمه انقليزيه؟ اسسسسفه طولت علييكم. بس ودي ارتاح وماتعب ابوي الله يسعدكم تكفون طمنوني مره شاغل بالي موضوع اللغه والايجار :( |
اهلا بك مبدئياً خلينا ننبه لنقطة توقيت سفرك للشمال غير مثالي بسبب عدم توفر الطبيعة والجو بارد جداً بالنسبة لاستئجار السيارة أقترح عليكم سيارة مع سواق أفضل خارج الموسم ممكن السعر يكون 80 دولار أشوف هذا أنسب لوضعكم ووضع الوالد الله يحفظه بالتوفيق |
اقتباس:
الله يعطيك العافيه ماقصرت انا عارفه بيكون الموسم خريف والاشجار صفراء والعشب بس وقت الاجازه حادني :( ولكن هل تنصحني اغير الخطه مثلا احط اسنطبول من ضمن الخطه كم يوم والشمال التركي 6 ايام او 5 مثلا ؟ شورك اتمنى الباقي يفيدوني ب اسماء شركات كويسه تاجير |
اهلا بك أقترح اسطنبول مع بورصة وسبانجا أو اسطنبول مع انطاليا ( تحتاج رحلة داخلية ) إن شاء الله البقية يفيدونك أكثر بالتوفيق |
نا بنت عمري 26 وابوي 60 الله يطول بعمره اول مره نسافر تركيا وخصوصا نبي الشمال التركي فقط سفرتنا باذن الله في شهر نوفمبر 11 / واتوقع الاسعار اقل مو موسم الله يسعدكم سؤال ماعندنا لغة وابي استاجر سياره بالمطار وماني عارفه كيف اتفاهم معاهم ؟ غالبا بالعربي يفهمون وغالبا كل شي جاهز عندكم اصلا مثلا حاجزين وعاملين الفيزا او تعملونها في المطار 60 دولار وحجز للسيارة مثلا عمالينه وطابعينه وتروحون للشركه وتاخذون السياره بتكون اللغه مجرد طقطقه وتفاهم اكثر بالعربي او بالاشارة و بالورق هل في ناس تتكلم عربي هناك او في شركة ايجار سيارات فيها شخص عربي وثقه ؟ غالبا يشغولن عرب معاهم علشان يساعدونهم في هذاي المواضيع لو بحجز من طريق بوكينج سياره مع تامين هل موثوق لانه يطلب دفع المبلغ كامل ، وبعدين واروح لهم اوريهم الحجز بس واستلمها ؟ موثوق ان شاء الله جدا ومجربينه عدت مرات والافضل تكون ايجار السياره ب اسمه عشان عمره كبير ف التامين اقل وانا اطلب تفويض اضافي معه صح ؟؟ السيارة باسم الوالد عادي ويكون عنده رخصه و سائق ثاني احتياط ضيفي اسمك هل الرخصه السعوديه الجديده تكفي بدل الدوليه لانها مترجمه انقليزيه؟ نعم تكفي دام فيها البيانات الانجليزي في نقطه ان الوقت الي بتروحون فيه برد في غالب مناطق تركيا ويمكن تنزل الثلوج بدري بهذا الوقت |
اقتباس:
———- الله يطمن قلبك كفيت ووفيت ماقصصرت شكرا لك شكلي بضيف اسطنبول من ضمن الخطه لان بالشمال التركي بكتفي ب طرابزون وازنجول الباقي ماتناسب درجة الحراره فيها سالب -6. وانا سفرتي بداية الشهر بس 10 ايام شاااكرره لك مره اخرى :e328::e328 |
اضيف ملاحظه اغلب المحلات والشركات والمطاعم التركيه،صارو يوظفون شخص سوري او عراقي عشان يتفاهم مع العرب،وعندك كمان برنامج الترجمه مايقصر اي مكان اسافر اكتب الي بخاطري واعطيهم يقرون،حتى بتايلند لانهم مايعرفون انجليزي كثير، يالله كم كلمه، والامور سهالات توقيت زيارتك للشمال سيء مافي طبيعه ماغير، ثلج وبرد يدخل بالعظام ،والشمال مافيه فعاليات ولاانشطه،يعني هو طبيعه بس ، روحي اسطنبول افضل بهالتوقيت واذا مصرة عالشمال حاولي تقدمي الرحله وروحي في بداية اكتوبر،جميييل جدا والاسعار طيبه |
| الساعة الآن 03:47 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO