|
شريحة التلفون , صرف العمله, تاكسي المطار مساء الخيرات .. حاولت قدر الامكان اني مانزل موضوع واجد الاجابة بنفسي لكن للاسف مانستغي من مساعدتكم .. سمعت ان شريحه تلفون شركة تروكسل اصبح ب 1000 لية !! هل السعر طبيعي؟ هل يفرق كثير لو اخذ الشريحه من المطار ؟ وش تنصح بافضل خط تلفون تركي؟ صرف العمله الرخيص بمنطقه لالالي لكن تعتبر بعيده عني هل المطار يمشي الحال ولا الفرق واضح؟ الموصلات عن طريق تطبيق باي تاكسي, هل اقدر اركب عليه من المطار او مضطر اركب مع تاكسي المطار؟ كم السعر التقريبي لتاكسي المطار لوسط اسطنبول ؟ |
حياك اللة اخي ماجك بالنسبة للاسعار في تركيا ارتفعت دبل بل اثري الصرف انصحك ماتصرف من المطار واذا تبي حق التكسي اصرف كمية قليلة الشريحة من خارج المطار ارخص وان شاء اللة الاخوان الي زارو استنبول في الشهور الماضية سوف يساعدونك |
اهلا بك ما اتذكر سعر الشريحة بس ما يصل للمبلغ اللي ذكرته أتوقع في حدود 500 ليرة وحسب الباقة خذ الشريحة من فروع الشركة وسعر فرع المطار أغلى من وسط البلد سعر الصرف بالمطار سيء جداً اضطريت له .. وصرفت حق التاكسي لا تتنقل بين المناطق عشان صرف الفلوس شوف أقرب صرافين لمنطقة سكنك والفرق طفيف تاكسي المطار بالعداد ما يحتاج انك تطلب بالتطبيق تخرج من المطار فيه طابور سريع توقف معاهم ولا تتفاوض كلها بالعداد المشوار لوسط اسطنبول حوالي 300 ليرة ممكن يزيد أو ينقص شوي حسب موقعك وتوقيتك بالتوفيق |
تاكسي المطار بالعداد ما يحتاج انك تطلب بالتطبيق تخرج من المطار فيه طابور سريع توقف معاهم ولا تتفاوض كلها بالعداد يكلف المشوار لوسط اسطنبول حول 300 ليرة صدقت اخ نواف اتذكر السراء حتى مايكلمك بس اركب واعطة العنوان |
اقتباس:
الله يحييك, فعلا الأسعار تضاعفت بشكل غير معقول ومنطقي وغير متوافق مع نزول سعر العملة التركية .. ! عندي بطاقة سفر لكن الكاش احس انه يفضل بالتعاملات المحلية .. اسعدني مرورك .. |
اقتباس:
الشريحة امر لابد منه خصوصا انهم ما يتكلمون الا تركي .. (غير متعاونين) راح امشي ع توصياتكم .. لاخلا ولاعدم .. |
هل اوبر بالمطار شغال واقدر ادفع لهم عن طريق ربط الفيزا بالبرنامج؟ ياليت لو فيه اظن افضل خيار من اني اصرف كاش بالمطار |
اقتباس:
اهلا بك سعر صرف المطار سيء لكن لو مبلغ بسيط غض النظر يعني اصرف حق اللي يوصلك للفندق غالباً المشوار بالتاكسي بحدود 300 ليرة أنت احتياطاً اصرف في حدود 500 ليرة مو أكثر بالتوفيق |
شكرا نواف بس ماجاوبت على سؤالي هل يوجد دفع اون لاين في اوبر تركيا؟ وهل يوجد اوبر في مطاراتهم او فقط مسموح بالتاكسي |
اهلا بك اللي اتذكر كان ممنوع بس يشتغلون بشكل غير نظامي والبعض يقول لا سمحوا ما عاد ممنوع إن شاء الله غيري يفيدك لأن لم يسبق لي التعامل معاهم بالتوفيق |
| الساعة الآن 11:46 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO