|
استفسار بخصوص طيران بيجاسوس السلام عليكم لو سمحتم بدفع مبلغ الحجز الان للحجز على طيران بيجاسوس هل هو كويس من المدينه إلى إسطنبول |
اهلا بك قارني خيارات الطيران المتاح واحجزي من موقع بيجاسوس نفسه المواقع الوسيطة شروطها صارمة وعنيفة مجرد مقترح ولكم القرار خيارات الرحلات من جدة أفضل بحيث عندك الخطوط السعودية والتركية ومع قطار الحرمين الأمور ميسرة إلى حد كبير بالتوفيق |
اقتباس:
عليكم السلام طيران اقتصادي الدعم الفني عندهم معدوم جداً الإلغاء او تغيير الرحلة على حسب نوع تذكرتك ركزي على الوزن جيداً اذا حجزتي معهم اذا البديل موجود وسعره مقارب لهم انصحك بالبديل |
طيران اقتصادي مثل ما تفضل الأخوان اذا حصلت قريب من السعر بالخطوط السعوديه افضل والخيار الأخير لك |
جربته كذا مرة ممتاز .. أهم شي تكون مفتح وتعرف احتياجاتك أثناء الحجز .. و بصراحة اشوف ان الطيران الاقتصادي أفضل من الطيران الحكومي لعدة اسباب .. من أهمها انك تدفع لكل شي تبغاه .. بعكس الطيران الحكومي اللي يدفعك حق شنطتين وانت يمكن ما تحتاج الا واحدة و يدفعك حق شاهي وقهوة وعصيرات واكل و غيرها الكثير .. ويدفعك جزء من فاتورة واحد راكب درجة اولى على حساب الشركة ..الاقتصادي تدفع اللي انت تحتاجه فقط ..و كذلك تدفع حق الخدمة اللي تحصل عليها .. تبغى vip تبغى كرسي امامي .. تبغى أفضلية إركاب .. تبغى أفضلية عبور .. بالمجمل تبغى اي ميزة تدفعها فقط |
اول شي نزلوا التطبيق على الهاتف و الحجز سهل وممكن تزيد الوزن من خلال الموقع وكذلك اختار الوجبات جربت طيران بيجاسوس من الدوحة الى طربزون مباشر كانت رحله متعبه للمكن الان الوقت الساعة 2 فجرا وارهاق وتعب صيف و الطيران قديم مزعج واي شي اضافي او طلب شاي يعطيك مبلغ مادري هو رسمي او ايش و المفروض يقبل الفيزا لكنه يطلب ليره دولار يورو مايقول لا الوزن الزايد في المطار بهدله تدفع علشان تخلص نفيك ولا مقتنع بالدفع ولا يعطيك فاتورة على الاقل هذا الي صار معانا لو حصلت طيران اخر و ول سعره مرتفع شوي افضل لك من البهدله و الازعاج المضيف او المضيفه صوتهم عالي وكذلك المكرفون صداع حتى تصل |
| الساعة الآن 04:16 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO