|
الفزعة ياعشاق تركيا السلام عليكم ورحمة الله وبركاته يا اخوان بعد تفكير ومشاورات حددت السفر الى الشمال تركيا علما بان. حلتي الى اسطنبول ذهاب وعودة بحول لله وقوته لدي 10 ليالي فقط ابغي مخطط كويس وممتعه في شهر اغسطس ثانيا يا اخوان بستاجر سياره بالرخصة الدولية لان السعودية انتهت هل استطيع او لا ولاتنسوني بالحدول بارك الله فيكم ❤🌷 |
وعليكم السلام ورحمة الله وبركاته الرخصة المحلية هي المطلب الأساسي والرخصة الدولية غير مطلوبة في تركيا. |
و عليكم السلام و رحمة الله و بركاته ما شاء الله أخ star0020 وجهة جديدة بعد أوروبا !!! طيب .. حددت السفر الى الشمال تركيا علما بان رحلتي الى اسطنبول ذهاب وعودة إذا المدة قصيرة 10 أيام ليش تخلي الذهاب و العودة من أسطنبول؟ و عندك خيار أن رحلتك تكون تصل و تغادر من الشمال التركي مباشر من منطقتك !! وصولك إلى أسطنبول و ذهاب بالطائرة مره أخرى إلى الشمال التركي ضياع للوقت نصيحة خلي وصولك إلى طرابزون مباشرة و العودة منها إلا أن كنت ترغب في زيارة أسطنبول يمكن تخلي الرحلة وصول أسطنبول و تجلس فيها 3 أيام و منها طيران إلى طرابزون و تقضي باقي المدة و ترجع منها للمعلومية طيران ناس لديهم رحلات إلى أسطمبول و طرابزون بالنسبة للرخصة المحلية ضرورية مثل ما قال لك أبو كيان الدولية ما تمشي |
أخي العزيز star0020 أخذتنا بمخيلتك الى جميع القارات 😂، واحنا وراك لين تسافر وتصل لمبتغاك هل اشتريت التذاكر وانتهيت أم فقط حددت الوجهة ذهاب وعودة اسطنبول !! لديك شهر من الأن حتى أغسطس أو أقل ترا وقتك ضيق . وهذا موسم سياحي فالشمال والأسعار مرتفعة أنصحك تجدد الرخصة المحلية بأسرع وقت ولازم تحجز الفنادق أو الشقق بسرعة .. إذا اشتريت التذاكر أعطنا التواريخ وبنساعدك باللي نقدر عليه |
يا سلام عليك أخوي أبو كيان ... هذا الكلام الصح المفروض الآن التركيز و نقفل ملفات البحث لأن الوقت يداهمه و لا مجال البحث من جديد و خصوصاً إذا الأخ العزيز star0020 أستقر على الشمال التركي الله يعين على الأسعار الملتهبة حالياً |
الله يعطيكم العافية جميع للاسف كل ماخططت لدولة معينة يظهر لي عائق اخرها الرخصة المحلية منتهيه من شهرين تقريبا والشمال التركي يفضل سيارت خاصة للخصوصية والاستمتاع بالاجواء لكن في الامر خيرة باذن الله وبخصوص الرحلات الى اسطنبول مجبور على ذلك لان الى طرابزون مافي الخطوط السعودية بالوقت اللي ابيه وانا مجبر على الوقت هذا لكن نشوف لنا سائق وبحول لله نستمتع وشاكر ومقدر لكم تعاونكم دمتك بخير .. |
اهلا بك ما قد جربت رخصة دولية بس استغرب انهم ما يقبلونها أتذكر واحد قال الدولية تمشي بس مدري يمكن معلوماته غير محدثة جرب تتواصل مع واتس شركة سيزجي أسألهم يمكن أمورك تمشي بالرخصة الدولية 00908504331183 بالتوفيق |
اقتباس:
من باب الفائدة أخ نواف إتصلت عالشركة وقال لازم الرخصة المحلية تكون سارية حتى لو معك رخصة دولية . واذا كانت الرخصة المحلية سارية ما تحتاج الدولية . وبخصوص ليش ما يقبلون الرخصة الدولية بدون المحلية لأن الرخصة الدولية بياناتها من الرخصة المحلية الأصل فما ينفع وجود اختلاف بينهم |
اقتباس:
أخوي star0020 .. فيه طيران ناس لهم رحلات مباشرة من و إلى طرابزون و أيضاً طيران أديل لديهم رحلات إلى طرابزون موضوع الرخصة سهل تجديدها عن طريق أبشر |
اقتباس:
شكراً على الإفادة مشكلتك أن المحلية منتهية يعني لو سارية تستخدم الدولية كنت أظن بتركيا ما يقبلوا الدولية بتاتاً |
| الساعة الآن 09:16 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO