|
استأجار سيارة ام التعاقد مع سائق السلام عليكم اخواني كما هو واضح في العنوان.. انا في حيرة من امري ناس تقول استأجر سيارة وناس تقول فك نفسك من قروشة ونصب المكاتب وخذ سواق..وارخص سواق لقيته اليومية ب 120 دولار ومعك لمدة 10 ساعات باليوم. و ودي استأجر سيارة ولاكن متخوف من ان يصير لاقدر الله شي بالسيارة ويخلوني ادفع مبالغ اضافية كثيرة. وش رايكم؟؟ طبعا اذا اخذت السيارة وحطيت عليها تأمين شامل.. هل يشمل حتى لو اصدم لاقدر الله بالسيارة او اي شي يحصل بالسيارة ماراح يخلوني ادفع اي شي ابدا؟؟ لان المسألة خوفتني كثير وابي مساعدتكم |
اهلا بك أول شيء يهمنا نعرف المدينة أي مدينة غير اسطنبول السواقة حلوة نقطتين مهمة وامورك في السليم تعامل مع شركة عالمية أو محلية مجربة والأمر الثاني خذ أعلى مستوى في التأمين الشركات العالمية معروفة والمحلية المجربة جارينتا وسيزجي أعلى تأمين يغطي كل شيء وإذا مو مرتاح للايجار خذ سواق اختار ما تراه مناسباً .. وأنت مهيأ له بالتوفيق |
اعتذر نسيت اكتب المدينة.. انا استفسر عن مدينة طرابزون..بغيت اخذها من مطار طرابزون. للتاكيد هل اعلى مستوى من التأمين يغطي حتى لو تروح فيها السيارة مايلحقني شي ولا ادفع شي؟؟ |
انتظر الرد ضروري..! |
اهلا بك الشركات متفاوتة في العقود وحسب علمي هناك سقف للتغطية تأمينك شامل معناته يغطي حتى مبلغ معين بالتوفيق |
تجربتي العام الماضي حنا 3 أشخاص تم استأجر سيارة من إسطنبول محجوزة من مكتب بالرياض لمدة ثمان أيام تقريبا تأمين شامل نوع جيب اقرب شكل له جيوب الهونداي وكنا متفقين مع المكتب نسلمه في مطار طرابزون حقيقة راحة ورحلة خيال لكن لازم تأمين شامل تستلم الموتر فل بنزين ترجعه فل بنزين تصوير فديو كامل للموتر قبل استلمه داخلي وخارجي وتشبك ع سبير الكفر ولازم تأخذ أرقام تواصل المكتب للإحاطة اما القيادة فى إسطنبول متعبه شوي علشان زحمة واخلاقهم تجاريه 😂 اما خارج اسنطبول خياااال |
كما ذكر الإخوان من قبل، القيادة بنفسك مناسبة في أي مدينة في تركيا ماعدا أسطنبول. أنصح بالإستئجار من شركة معروفة. |
اقتباس:
شوف انا اخوك التأمين عقودمختلفه لذلك اقرأ جيداً قبل اختيار العقد المناسب لك اغلب التأمين الشامل تحدد فيه نقطة اسمها نسبة التحمل ممكن تكون صفر وممكن تكون 1000 وممكن تكون 5000 تذكر في عقد التامين يعني حتى لو راحت السيارة فيها وقيمتها مليون انت ما تدفع الا هذه النسبة النقطة المهمه الاخرى التامين اذا اخذته من شركة وسيطه مثل رنتال كار وصار حادث للسيارة لا قدر الله راح انت تدفع جميع التكاليف ثم تتطالب الشركة الوسيطه على حسب الفواتير اللي معك لذلك الافضل انك تاخذ التامين من نفس شركة التأجير كذا ما راح تدفع شي سوى نسبة التحميل اذا كانت موجودة في العقد القيادة في طرابزون والقرى التي حولها ممتعه جداً لذلك لا تردد توكل على الله واختار شركة عالمية و احجز من عندها مع تأمين شامل كذا امورك في السليم |
| الساعة الآن 12:43 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO