|
افتوني في أمري السلام عليكم اعزائي مالقيت احد اسأله غيركم فبما انكم اعطيتوني الحماس الشديد اني ازور جنوب افريقيا احملكم ذنبي:2: انا ابي ازورها تقريبا ٨اغسطس او ١٨اغسطس وبعد ما خلاص اتوكلت على الله بحجز سمعت نذرة الامطار فيها والناس تصرف كمياات قليله جدا في اليوم فهل هذا منطبق على السائح 》》》ياليت المقيمين هناك او الي تو راجعين يخبرونا لان فكري مشوش نفسي اروح وخايفه. والشي الثاني.. انا الشي الوحيد الي اعرفه احجز الطيران الدولي فقط ماعرف احجز الطيران الداخلي من هنا لوالفنادق ممكن احجزها من بوكينق بمشورتكم طبعا وحسب خبرتكم فيها وانا احس اني احتاج سائق او مرشد مادري شلون احس بضيع بدون مرشد وابو الشباب مايبي يسوق هناك وبيني وبينكم ودي اريح راسي واخذ البرنامج مجدول جاهز من الى بس بعد مابي شي مكلف مو تقولولي اقرأي المواضيع قرأت وقرأت لين تعبت ابي منكم تساعدوني هل زيارتها في هالوقت امر سليم من حيث الماي كم تقدير الرحله كامله على وجه التقدير لاربعه بالغين وطفل سبع سنوات وطفل سنتين؟ مع التذاكر(سواء من الدمام او البحرين اوالكويت ثنتينهم جيرانا فما تفرق) والسياحه وكل شي واحنا الحمدلله مو تبع تسوووق بس نبي نستمتع بطبيعتها ومغامراتها الجبااااره الي خلتني انهاااار ابي اروحها وياليت اذا تعرفون شركه سياحيه مضمونه واسعارها حلوه مناسبه تفيدونا فيها ياااليت ماتطولون علي:20::52::e045: |
اختيار موفّق بإذن الله بالنسبة للوجهة وللتوقيت. ما في داعي للتوتر والتردد المهم الاستخارة قبل كل شي والتوكل على الله. بالنسبة لموضوع الماء، فالأخ Oman Knight يدرس حاليا هناك، وكتب في تقريره إن ما في أي مشكلة بالنسبة للماء ولله الحمد. بالنسبة للسائقين، بتحصلين في ها التقرير في الصفحة 5 و 6 أرقام سواقين https://www.arabtrvl.com/vb/t26381.html مع إني أفضّل تأجرون سيارة وتسوقون بروحكم، بتكون التكلفة أقل بكثير، وبتكونون على راحتكم، خاصة لما تسيرون الجاردن روت. بتحصلين في تقريري جداول للأماكن التي ممكن تسيرونها كل يوم، فما في داعي لأي مكتب سياحي ياخذ منكم مبالغ كبيرة. https://www.arabtrvl.com/vb/t22297.html الميزانية تعتمد على عدد أيام الرحلة والطيران والفنادق اللي بتحجزونها، بس بشكل عام جنوب افريقيا وايد أرخص من أوروبا، خاصة في السكن والأكل والنشاطات. |
ما قصرت أم نوف الحقيقة فيه توجيهات من الحكومة حالياً بترشيد استخدام المياه وينطبق على الكل سواء مقيمين أو سياح لكن للتو تواصلت معهم في كيب تاون ويقولون الآن الاوضاع أفضل لأكن لازلنا على خطة الترشيد |
وعليكم السلام ورحمة الله وبركاته حياك أنا موجودة الآن هناك ماحسينا بأي شي الحمدلله الوضع تمام التمام البلد جميلة جدًا لاتفوتينها بالنسبة للسيارة كنا بنستأجر وعلى آخر شي هون زوجي والحمدلله صارت خيرة تعاملنا مع سائق سوداني أمين وخلوق جدًا وحتى قارنت بالأسعار للقاردن روت وهو الأفضل للأمانة أخذت رقمه من المنتدى من موضوع أخ عماني على ماأظن اسم السائق أبو آمنة 0027832455981 |
اقتباس:
بارك الله فيك. الحمد لله في الفنادق ما فيه منع أو تحديد وقت للاستحمام، ولكن مثل ما إنت تفضلت، ماشيين على خطة الترشيد، مثل نزع السدادات من أحواض البانيو علشان محد يعبأ البانيو بالماء. ياريت مثل ها الخطط تكون في بلاد العالم، في هدر كثير للماء في كل مكان. أنقهر لما أشوف جيراننا يغسلون الانترلوك والشارع اللي أمام بيتهم والماء يصير أنهار في الشارع بشكل مزعج. الله المستعان |
اقتباس:
الله يسعدك شكراً على هذي الاضافة الجميلة وننتظر منك تقرير عن الرحلة لذا صوري لنا قد ما تقدرين |
و عليكم السلام أختي بالنسبة لمشكلة الماء، كما ذكرت أختي أم نوف أنا موجود في كيب تاون من ٤ سنين و عايشت مشكلة الماء من بداياتها. المشكلة عمليا أنتهت و لم نعد نحس بوجودها إلا بقايا اللوحات الإرشادية. الشهر الماضي شهد أمطار غزيرة و أرتفع منسوب المخزون المائي بشكل كبير. بالنسبة للسائقين، أنا أفضل إنكم تسوقون بأنفسكم و لكن إن إستدعت الحاجة فأنا أوردت أرقام ثلاث سائقين عرب في تقريري مثلما ذكرت أختي إيليا. بالنسبة للجدول، فلا زلت أقول أنه يعتمد على شخصيتكم و ميزانيتكم و وقتكم و نوعية الأماكن التي تفضلونها. بإمكانك المرور على تقريري، و تقارير أختنا أم نوف و يوميات مشرفنا و أختاري ما يناسبك. |
ماشاء الله تعاونكم يحرجني جدا ناوين على ١٥يوم باذن الله ولو كانت الاسعار حلوه لابأس ب٢٠ يوم لو كانت تستاهل هذي الايام ودي في جميع الانشطه والمغامرات واكيد رحلات السفاري اشكركم جدا على تفاعلكم وياليت اتصيرون وسيعين بال معاي عندي كم سؤال.. اعزائي اقدر احجز الانشطه من هنا بعد ما اخلص حجوزات الطيران والفنادق؟ كيف الجو هناك نحتاج الى ملابس ثقيله بالخصوص عندنا اطفال اعتقد الوترفرونت الظاهر في كيب تاون》》》ان شاء الله الاسم كتبته صح حديثة عهد بهالاماكن اقدر احجز الانشطه من هناك والا تنصحوني باني احجزها من هنا؟! هل تحتاج الى فيزا ؟! انصحوني يااخوان بالاماكن الي رحتوها واتمنيتو مارحتوها والاماكن الي اتمنيتو تروحوها وماحالفكم الحظ والاماكن الي رحتوها وعجبتكم بقوووووه انا بلقي نظره على الصفحات والتقارير الي دليتوني عليها وباخد افكار وبستشيركم فيها شاكر لكم روح التعاون كونو معي اول مره اخطط لسفره بدون رجوعي لمكتب سياحي وانتم ماتقصرو |
إذا تقدرون تخلونها 20 يوم فهي تستاهل، وبإذن الله بتستمتعون بالاجازة. ما في داعي لحجز الأنشطة قبل السفر بفترة، لأن ها الايام ما تعتبر موسم عندهم الحين شتاء والطلبة عندهم مدارس.. بس الخليجيين اللي هناك الحين:14: ممكن وإنتوا هناك تتواصلون وياهم قبلها بيوم أو بيومين وتحجزون. أما حدائق الحيوانات فممكن تزورونها بدون حجز. السفاري بيحتاج حجز من قبل، خاصة إذا بتباتون ليلة هناك، والحجز يكون عن طريق التواصل وياهم مباشرة بالايميل أو التلفون، بس بيطلبون تدفعون نص المبلغ الحين، والباقي عند الوصول. نحن نسويلهم تحويل على حسابهم في البنك وبعدين هم يطرشولنا تأكيد الحجز. الجو بيكون بارد وحلو ، تقريبا الحرارة في النهار 20 وفالليل 15. فطبعا لازم جاكيتات ومظلة للمطر تكون وياكم دايما، في أي وقت ممكن ينزل مطر، ووقتها غالب الحدائق تكون شغّالة عادي، بس بعض الأنشطة ما تقدرون تسوونها، مثل القفز بالبراشوت ورحلات البحر. جنوب افريقيا محتاجة فيزة، ممكن الأخ أبو غسان يخبرج كيف التقديم عندكم في السعودية، وهي ما تاخذ وقت، تطلع خلال 4 أو 5 أيام تقريبا. بس ضروري تسوون ترجمة لشهادات ميلاد الأطفال اللي أقل من 18 سنة وتقدمون نسخة منها ويا طلب الفيزة، والأصلية تكون وياكم في المطار، عند السفر و العودة، أحيانا يطلبون يشوفونها. بالإضافة إلى تقريري اللي خبرتج تشوفينه، في تقرير ثاني فيه معلومات تفصيلية عن أماكن النشاطات والحدائق https://www.arabtrvl.com/vb/t20122.html إن شاء الله تستفيدون منه. |
:e035: |
ما قصرت أم نوف وبالنسبة للفيزا هي أول شي تبدون فيه وهنا الشرح https://www.arabtrvl.com/vb/t34325.html |
يعني اول شي احجز التذاكر قبل الفيزا والا الفيزا قبل اذا الفيزه قبل يعني يلزم مني احجز الفنادق لانه حسب تقريركم اخي الكريم اخرفرصه ان الفيزه تحتاج تحديد تاريخ الذهاب والعوده وتحديد فندق ومن هالكلام الشي الثاني/تاريخ الميلاد المترجم وين اترجمه وكيف يعني بورقه عاديه بالنت والا شلون تراني ضايعه الفيزا اقدر استخرجها من النت اعبي البيانات وهالشغلات كما وضحها الاخ اخر فرصه وبعدين اروح لهم والا كيف ووين استخرح هذي الفيزا انا من الدمام ممكن مكتب يساعدني في هالامور؟ شي ثاني بعد واعذرو جهلي بهالامور رحلة السفاري احجزها من هناك بس قبلها بكم يوم؟ وخل اخلص اجراءات التذاكر والفيزا بعدها ابدا اسأل باشياء تخص الانشطه وهالشغلات افضل بارك الله مسعاكم |
وبعد سؤال مهم نسيته.. انا جوازي مع اطفالي لازم لكل طفل جواز والا مايفرق؟ الحمدلله بحثت ولقيت اقدر استخرج الفيزا من النت وهذا شي ممتاز الدفع يكون تحويل والا من المطار ؟ ببتدي ان شاء الله اضبط الوضع من الان |
تذاكر السفر وحجز الفندق مطلوب لاستخراج الفيزة. وممكن تسوين حجز لكامل المدة في أي فندق رخيص على موقع بوكينج بس لازم تتأكدين إن الإلغاء مجاني لكذا اسبوع، علشان بعدين تلغينه بعد ما تطلع الفيزة. وبها الطريقة ما تكونين مستعجلة في حجز الفنادق، إنما تاخذين وقتج في البحث عن فنادق مناسبة. وبالانسبة للتقديم على الانترنت، أول مرة أسمع عنه !!!! اللي أعرفه إن التقديم ودفع الرسوم يكون عن طريق السفارة أو المكاتب اللي تمثّل السفارة. ترجمة شهادة الميلاد تكون عادة من نفس المكان اللي استخرجتوا منه شهادات الميلاد، مثلا عندنا الترجمة تكون عن طريق مكتب وزارة الصحة. وأعتقد لازم كل شخص يكون له جواز منفصل، لأنه من شروط السفر لجنوب افريقيا إن الجواز يكون إلكتروني. |
اقتباس:
الموضوع محتاج تركيز نركز اول شي على استخراج الفيزا ما تطلع اونلاين تروحون لمكتب عندكم او السفارة بالرياض المتطلبات موجودة بالموضوع عبوا النماذج وجهزوا طلباتكم زي ماهو مكتوب ترجمة شهادة الميلاد للي اقل من 18 سنة ممكن عند اي مكتب ترجمة حجوزات الفنادق والطيران وضحت انها تكون وهمية للفيزا ولمدة 3 اشهر ويعملها المكتب اللي تقدموا عنده بس نبهوا عليه لمدة 3 اشهر عشان يعطوكم اقصى مدة |
الحين انا طحت في مطب:12: جوازي فيه مرافقين والدوله تشترط لكل مسافر حواز مستقل هل الفتره من الان ل٨اغسطس تكفي لايتخراج جوازات جديده وفيزا |
اقتباس:
اليوم سووا الجوازات الجديدة للمرافقين من نظام ابشر خلال 3 ايام تجي على العنوان الوطني بس الرجاء التاكد انكم سجلتوا بالعنوان الوطني والفيزا تجهزوا اوراقكم وتروحوا تقدموا بالرياض خلال اسبوع تكون معكم |
المشكله ان فيه مرافقه معاي قبل لا اطلع لها جواز لازم بطاقة احوال عمرها١٥ سنه وكلما نحاول نحجز موعد مافيه متوفر مادري هو عشان اليوم جمعه او زحمة مواعيد ولو توفر موعد اتخلص البطاقه في اسبوعين او ثلاثه اعتقد! الجواز سهل تقريبا مثل ماذكرتم عزيزي ثلاث ايام وهو خالص بس على بطاقة الاحوال مايصير اجدد الجواز الا ببطاقة احوال والفيزا كنا ناوين مكتب يخلصها لنا وكلمناه وهو الي لفت انتباهنا لنقطة الحوازات والمرافقين بس بنحاول لاخر رمق وبنشوف الي ربي كاتبه لنا اللهم سهل كل عسير شاكر لكم تعاونكم احبتي |
اقتباس:
لذلك، أعتقد إنه هناك إحتمال إنه لا يجب وجود جواز منفصل للأطفال. نصيحتي، إتصلو بالسفارة الجنوب أفريقية عندكم في السعودية بأنفسكم و سألوهم عن هذه النقطة قبل المباشرة في إجراءات فصل الجوازات. |
أفضل وأجمل دولة زرتها من ناحية جمال طبيعة ورخص وجودة طعام وفعاليات وفيها جميع انواع الفعاليات عليك بس تختاري قبل شهر كنت فيها استأجرت عن طريق موقع airbnb اخذنا دور مطل على الشاطئ في منطقة الكمبس باي شدي حيلك في الجدول السياحي وراح تستمتعين بأذن الله اليوم أشوف بسناب أشخاص هناك نزل عليهم ثلج ف الاجواء بتكون باردة |
اقتباس:
وضعهم سهالات |
بالتوفيق |
الله يعطيكم العافية انا بجيها دراسة وخايفه هل فيه بنات خليجيات وسعوديات لاني افكر اكنسل واروح لندن |
بنستفيد منكم |
| الساعة الآن 12:09 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO