|
أستفسار بسيط .. ا لسلام عليكم يعطيكم العافيه بستفسر بخصوص الحجاب هل فيه مضايقات او خطر لما اكون منقبه وعبايتي سودا ؟ والاستفسار الثاني معاي طفل بعمر سنه ونص هل جنوب افريقيا مناسبه له وخاصه ان الرحله طويله شوي محتاره |
وعليكم السلام الحجاب عادي جدا لان البلد فيها مسلمين كثير خاصة في كيب تاون ما اتوقع فيه اي مشكلة بسفر الطفل فيه رحلات اطول من كذا بكثير |
الحجاب مو مشكله لكن خليك مع زوجك ٢٤ساعه بكذا ان شاءالله ماراح تحصلين مضايقات او شيء واهم شيء تكونين متوكله على الله كل صباح ومساء الي هي بسم الله توكلت ع الله ولاحول ولاقوه الا بالله ذكرها له فوائد كثيره وسفره موفقه ❤️❤️ |
الحمد لله أهل البلد يحترمون المسلمين وما في أي مشاكل من الحجاب أو النقاب. وبالنسبة للطفل، إن شاء الله ما بيكون في مشكلة خلال السفر أو خلال وجودكم هناك. في رحلتنا ها الصيف كانت ويانا إحدى قريباتنا ووياها بنتها في نفس عمر ولدج، والحمد لله استانست. بس نصيحتي، وعن تجربة، احجزوا له كرسي على الطيارة، صحيح إنها تكلفة إضافية بس بيكون وايد أحسن من جلوسه على أرجلكم طوال الرحلة. وخذوا عربة أطفال تكون خفيفة وسهلة الغلق والفتح، بس من النوع اللي ظهرها ينزل علشان لما الطفل ينام يكون مرتاح، ويكون لها مظلة علشان الشمس أو المطر. ولما تحجزون السيارة احجزوا وياها كرسي الأطفال، علشان يجلس وينام على راحته، وبعد أكثر امان للطفل وهو في السيارة. وإن شاء الله رحلة سعيدة. |
يعطيكم العافيه ماقصرتو :72: |
ماقصرتوا بنات بطلع لها دراسة فيه سعوديات هناك ابي استفسر:21: |
كنت خايفة من هالنقطة طمنتوني:55: |
| الساعة الآن 04:13 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO