|
مشكلة واجهتني عند البحث عن المحمية السلام عليكم ورحمة الله وبركاته،،، بارك الله في جهود الاخوان على المواضيع القيمة اللي استفدت منها الكثير وغيري كذلك،،، اطلعت بشكل كامل على المواضيع المثبتة وغيرها وقدرت ارتب جدول مناسب لي ان شاء الله لقضاء اجازة ممتعة لمدة 21 يوم في احضان جنوب افريقيا... المشكلة اللي واجهتني بعد ان اتميت جميع حجوزات الطيران والسكن والسيارة وتبقى فقط المحمية اللي راح تكون لليلة واحدة فقط، عندما تواصلت مع كثير من المحميات الواقعة في منطقة Mossel Bay منهم من اعتذر بعدم توفر اي غرف والاكثر اعتذر عن عدم السماح لاطفال اقل من 6 سنوات، ومحمية واحدة فقط اسمها Gondwana Game Reseve افادتني بأن هناك توافر ولا يوجد قيود على الاطفال اي كان العمر ولكن لابد في رحلة السفاري ان تكون بسيارة خاصة لنا فقط دون الاخرين واعتقد عليها رسوم 3000 راند وكذلك راح تكون اقل مدة عشان الطفل الصغير.... للاسف احتست كثير ولا ادري هل اكنسل المحمية خاصة ان تكلفتها في الليلة الوحدة راح تصير بالريال السعودي 4500 تقريبا "شخصين كبار وثلاثة اطفال" والدخول الثانية ظهرا والخروج من بكره 10:30 صباحا، هل تستاهل المحمية هالمبلغ في الليلة الواحدة؟؟؟ او اكنسل المحمية واقضي هاليوم في نيزنا، بدال ما يكون الجدول في نيزنا 8 ايام تصير 9 ايام واكنسل المحمية؟ |
وعليكم السلام ورحمة الله وبركاته بارك الله فيك. غريبة!! نحن رحنا كذا محمية وكان ويانا أطفال أقل من 6 سنوات، وكان الوضع عادي ورحنا رحلة السفاري كاملة. أول محمية هي محمية الجاردن روت.. https://grgamelodge.co.za/ السعر للكبار 1990 راند في الليلة يعني تقريبا 440 ريال والأطفال نصف السعر ، واللي أقل من 6 سنوات ربع السعر. المحمية الثانية هي محمية بليتنبيرغ ، واللي اتغيّر اسمها، وأصبح.. Belle Balance Bush Lodge هذا موقعهم https://www.bellebalance.co.za/ و ايميلهم.. bookings@bellebalance.co.za وممكن أيضا الحجز عن طريق الموقع. واللي فهمته إن حجز رحلة السفاري صار منفصل عن حجز الفندق. لكن اسم السفاري ما اتغير،، هذا موقعهم https://www.plettgamereserve.com/ رقم التلفون للمحمية والسفاري هو نفسه 0027844444408 وأعتقد أسعارهم مقاربة للمحمية الأولى. وعندي اقتراح.. إذا حصلتوا في المحمية الثانية تاريخ غير اللي إنت حددته لها، فممكن تخلون أغراضكم في البيت أو الفندق اللي حجزتوه، وتسيرون المحمية ليلة وترجعون لنايزنا.. المسافة بينهم 45 دقيقة. وطبعا ممكن تزيد ليلة في نايزنا. واقتراح ثاني، في حال ما حصلتوا حجوزات في المحميات هذه، ممكن بس تحجزون لرحلة السفاري اللي تكون حوالي ساعتين. الله ييسر أموركم وتكون اجازة سعيدة ياربّ. |
انا مثلك وقعت في حيره كبيره بسبب الاسعار المبالغ فيها لذلك افكر جديا في اخذ سكن بسعر معقول في مدينه موسيل والذهاب للمحميه لأخذ جولة في السفاري والعوده للمدينه والتجول فيها قبل مغيب الشمس . بحثت عن المحميات صحيح انها تجربة حلوه لكن ما تستاهل الاسعار المبالغ فيها خاصه للعائلات وللعلم قبل انطلاق رحلة السفاري يبلغونك احتمال ماتشوف حيوانات الله يكرمكم باختصار المحمية الي تستاهل يندفع فيها مبالغ هي محمية كروغر لكنها قريبه من جوهانسبيرج |
حصلت محمية اسمها hartenbos game سعرها مره حلو، السعر ما يحسب على عدد الاشخاص مثل بقية المحميات، يحسب السعر على اجار الوحدة… المحمية ما عندها الحيوانات المفترسة، اللي عندهم غزلان وحمر وحشي وزرافات وغيرها.. وكذلك اطلعت على التعليقات الموجودة في بوكينق ماخذه تقييمات مرة كويسه ويثنون عليها كثير… ما ادري اتكل على الله واحجزها او انتظر اذا وصلت لكيب تاون يمكن هناك مكاتب سياحية عندهم عروض لمحميات اشمل… |
ايش رأيك تزور المحمية بدون سكن عندهم عادةً مرتين باليوم رحلات سفاري للزائرين توصل قبل الموعد بساعة مثلاً ويأخذوكم لفة كاملة على المحمية بسعر مناسب جداً |
اقتباس:
وإنت شفت تعليقات ايجابية عنها، فاتوكّل على الله واحجز فيها، حلو إنكم تجربون المبيت في المحمية، حتى لو ما فيها حيوانات مفترسة. وموقعها مناسب إذا بتكون قبل عودتكم إلى كيب تاون. بس خبرهم إنكم تبغون أكل حلال، علشان يكونون عارفين. |
بصراحة ودي اجرب المبيت في المحمية، احس قضاء ليلة كاملة بتكون جميلة هناك… |
اقتباس:
وكل عام وانتم بخير |
اقتباس:
الحجز في بوكينق غير شامل وجبتي الافطار والعشاء وغير شامل رحلة السفاري . ممكن بعد اضافتهم بيكون سعره مقارب للمحميات الاخرى لازم تتاكد . |
اقتباس:
ومشكور على المعلومة |
| الساعة الآن 07:20 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO