|
ناوي ازور جورجيا لكن متخوف السلام عليكم ناوي في الصيف ازور جورجيا بس متخوف من سالفة انهم يرجعون من المطار انا مقيم في المملكة الحبيبة كلمت سفارة جورجيا عندنا بالرياض وقالوا لي عادي تقدر تزور جورجيا بس يكون معك تذاكر طيران ذهاب وعوده وحجز فندق وتامين طبي واقامه الاصل طبعا كل هذي الامور بسيطة اخر شيء قالي انه ممكن يرجعونك من المطار واذا رجعونك السفارة مو مسوؤلة اعرف اكثر من شخص من مقيمين المملكة ودخل جورجيا عادي بس قريت انهم ممكن يرجعون من المطار وفي حالات رجعوا سعوديين حاليا متردد احجز واتوكل على الله ولا اغير الوجهه مع انه سمعت كثير مدح عن جورجيا وودي ازورها مع الاهل |
اول مره اسمع بهالسالفه بالعكس جورجيا ترحب بالسياح والصيف الماضي الخليجيين بكثره فيها |
الموضوع من شقين : الاخ احمد اذا انت سعودي فما عندك مشكله في دخول جورجيا نهائي اذا انت مقيم في السعوديه وتحمل جواز غير سعودي هذي (يجب ) انك تراسل السفاره رسمي بايميلهم وتشرح لهم وضعك وتاريخ رحلتك وصوره من جوازك ان امكن وتختصر السوال ( هل احتاج فيزا للدخول الى جورجيا ام لا ارجو الرد تفصيلا) واذا جاك الرد تطبعه معك وتاخذه يكون افضل حتى يكون حجه لك في المطار لان رد السفاره عليك يكون دليل واضح ولايقدر يرجعك اذا السفاره قالوا لك عادي تدخل يعقدك شوي اوكي .. وياخذك طرف ويشيك اوراقك لكن ابدا لايمكن يرجعك وانت معك رد من ايميل السفاره الرسمي ابدا وايضا لامانع من الاتصال بسفاره بلدك( مصدر جوازك) في جورجيا وتسألهم قبل السفر اذا كانوا يردون احد من (نفس جنسيتك ) فمن الموكد ان سفارتكم هناك لديها علم واطلاع بالوضع والتثبت زين خصوصا وان معك عائلتك وبالتوفيق |
السلام عليكم مساكم الله بالخير انا سعودي وافكر اسافر جورجيا ٢٠ رمضان وش الاشياء مطلوبةمعي اهلي هل فقط جوازات وتذاكر ومجز فندق وبدون تامين صحي |
20 رمضان ماانصحك تروح ( العشر الاواخر صعب تقضيها في بلد زي جورجيا) مافيه اسلام نهائي يافلان البلد مسيحي دبل وثري :) جورجيا مفتوحه للجواز السعودي دخلتها ومااحد سألني لا عن تامين ولافنادق ان بغيت تاخذ حجز لاول ليله مطبوع احسن لك وصورة من التذكره ورقيه لانه ربما يطلبونها عليك وبالتوفيق |
| الساعة الآن 02:47 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO