متوهق بالحجز وابغى اغير الوجهة
 

السلام عليكم اخوني انا حجز على جورجيا من دبي على طيران فلاي دبي
واحين متوهق بلحجز لعيله ٥ اشخاص ولا اقدر اكنسل لنه تكلفني الغائها ٢٢٠٠ ريال
ولا يوجد حجز على اندونسيا مدري ايش احل وين تنصحوني اقير الوجهه
تكفون الفزعه

يعطيكم العافيه اخوي اخر فرصه واخوي الردادي وكذالك الاخ الي ثبت الموضوع لي بصراحه ياخوي اخر فرصه بيني وبينك مومرتاح لجورجيا وخصوصآ مافيها اماكن ترفيهيه مهيئه للاطفال
وفلاي دبي رفضو التغير من جهتهم لان التذاكر صادره من الطيار.
اخوي الردادي الظرف مثل ماكتبت وعلى ذالك الانجليزيه شبه معدومه . ومدري وين اغير الوجها لدوله بدون فيزا وفيها ترفيه عائلي ؟

طيب شف اذريبجان واتفق مع سواق عربي علشان مشكلة اللغه

ولا تركيا بعد للاطفال مناسبة والتقارير كثيرة عنها

يعطيك العافيه اخوي ماجد بس اذر بيجان مافي فرق بينها وبين جورجيا وتركيا حاطها الخيار الاخير والله يعين. واخوي اخر فرصه يعطيك الف عافيه بعد خلص اخر مرا احجز من غير الخطوط مباشره خذناها درس . حولت اغير على اندونيسيا بس مافيه اقرب رحله على فلاي دبي في ٣٠ اغسطس وانا رحلتي على جورجيا ٢٧ يوليو باقي اسبوع . والله يسهل الامور

اخوي الأيمان يعطيك ربي الف عافيه الله يوفقك ورحله سعيده يارب بس كم سأل اذا ماعليك امر .
انا اذا ماحصلت مجال تغير الوجها راح ان شاء الله اجي .
انا افضل استأجر سياره لجل اخذ راحتي في التجول هل تنصحني بي اجار السياره او لا؟
وعندي عشره ايام ومخطط اول ٣ ايام في تبليسي واخر يوم والباقي لوصلت راح اشوف وين احدد الوجها شريايك اخوي ؟

بالنسبه لطيران فلاي دبي تاكد من الكيلوات المسموحة لك بالعودة
انا صارت لي نكبه معاهم بالذهاب اعطوني ٧ كيلو محمول و ٢٠ كيلو شحن
بالعودة فقط ٧ كيلو ومانتبهت للشي هذا الا بالرجعه وطبعا ماراح اترك عفشي اللي صار دفعنا ٨ دولار على كل كيلو وهالشي صار لعوايل كثيرة معانا وحطهم بحرج لانهم مو مستعدين