|
مسافر جديد .. محتاج مشوركتم السلام عليكم ورحمة الله وبركاته اسعد الله اوقاتكم .. احب اختصر لكم استفساراتي .. نحن 5 شباب مسافرين لاذربيجان 6 ايام .. ثم الى جورجيا 6 ايام بعد اسبوعين من هذه المشاركة راسلنا كذا شركة سياحية فتفاوتت الاسغار والعروض ما بين 13000 ريال الى 20000 الف ولعل سبب لجوءنا للمكاتب عدم اجادتنا للغة الانجليزية واشوف ان السعر هذا مبالغ فيه .. خصوصا بعد قراءة بعض التقارير للاخوة في المنتدى وعليه هذي استفساراتي اطرحها لكم .. 1،- الافضل الحجز من المكاتب او الوصول للبلد ثم البحث عن سكن. " افضل الاماكن والفنادق او الشقق او الفلل من واقع تجربتكم " 2- التنقل .. هل تستاجر سائق ؟ او نستاجر سيارة ؟ او اخذ النقل العام والتكاسي ؟ " ولو فيه سائق امين ومحترم ياليت يرسل رقمه لتواصل معاه" 3- جدول مقترح للبلدين. 4- هل العزية مهمة او لا داعي لها ؟ شاكر لكم اخواني .. |
وعليكم السلام ورحمة الله وبركاته اذا العرض من المكتب ب 13 الف ريال لخمس اشخاص حجوزات تذاكر وفنادق اشوف سعرها كويس و الأفضل تحجز من Booking أو المسافر وترتب امورك لحالك من غير مكاتب وبخصوص الأفضل بالسكن بالنسبة لي الفنادق لوجود خدمات وحراسه 24 ساعه والمواصلات ما يحتاج تستأجر عندهم لأن فيها تطبيقات مثل اوبر واسعارهم رخيصة واذا بتطلعون مدينة ثانية فيه سيارات فان مرسيدس تستأجرها مع السواق تكلفك باليوم 350 الى 400 ريال |
بالتوفيق وحلة سعيدة واختيار موفق |
اتفق مع دليل سياحي اسعارهم من25$ الى 30$ او سائق مع سيارة اسعارهم 75$ الى 90$ يوميا الشقاق افضل للشباب و ارخص اذا تحب ازودك بارقامهم |
الله يعطيك العافية .. لا والله التكلفة هذي بدون التذاكر .. سكن وسواق .. وفكرة البوكنج كويسة .. خصوصا بيوت الضيافة .. قرت بعد التقارير تشجع عليها بصراحة |
اقتباس:
الله يعطيك العافية .. ويالت تزودني بارقامهم .. |
هلا وسهلا من الافضل ضمان حجز سكن سواء فندق او شقة وانا ارشح لكم شقة من ثلاث غرف نوم وصالة ومطبخ وموجودة في موقع بوكنج وضمان الجحز من قبلكم افضل من ناحية التوفير لان المكاتب تأخذ نسبة وفي النهاية كل مافي الأمر سكن وطائرة .. مسألة البحث عن سكن متعبة جداً وخصوصاً هذه الاوقات بإجازة المدارس و السفر الى اذربيجان من العائلات وسائل النقل متوفرة وايظاً تطبيق لديهم اسمه بايلوت شبيه في اوبر بالضبط اوفر وافضل وارخص . لابد من زيارة قبالا وهي التي سوف تستخدمون سائق تتفقون معه على السعر والاغلب لايتجاوز 200 مانات فقط .. 6 ايام في اذربيجان اراها كثيرة والامر يعود لكم مسألة العزبة تعتمد عليكم اطيب تحية وتقدير |
اقتباس:
الله يعطيك العافية .. وصل الرقم .. حاولت ارد لك ع الخاص .. لكن لسا ما وصلت مشاركاتي 50 |
اقتباس:
الله يسعدك .. واشكرك على مبادرتك وردك تحياني لك |
بالإمكان تقسم الايام كالتالي 2 ليلة قابالا 2 أو 1 ليلة قوبا 3 ليالي كوبا تكفيك 6 او 7 ايام فقط استمتع بوقتك |
اقتباس:
الله يسعدك .. ترتيبك جميل .. وبكلم الشباب عنه .. تحياتي لك |
رحلة سعيدة بإذن الله تعالى |
الأسعار اللي عطوكم المكاتب السياحية غالية جداً جداً جداً مادامت بدون تذاكر . لأن المواصلات في اذربيجان رخيصة جداً . اغلب المشاوير داخل باكو بين 5 مانات و 10 مانات بالتكسي . و تطبيق اوبر رخيص جداً بعض المشاوير تطلع عليك بحوالي 4 ريال سعودي . وبخصوص السكن الأفضل لكم طبعاً احجزوا عبر موقع بوكينق . والعاصمة باكو صغيرة والأماكن المهمة كلها وسط المدينة و لاتحتاج سائق باليومية . فيبدو لي ان المكاتب السياحية يبون يطلعون منكم بفائدة كبيرة غير الفائدة اللي بياخذها المكتب المتعاون معهم في اذربيجان وانتم الضحية . لو سئلتم قبل الحجز لربما نصحتكم بجورجيا ما دام المدة قصيرة . لكن ما دمتم حجزتوا الطيران اسكنوا في وسط المدينة حول شارع نظامي . اختاروا اللي يناسبكم من موقع بوكينق . وذا تبون تطلعون قبالا خذوا سائق باليومية . و بكذا يمكن ما يكلفكم السكن والمواصلات 2500 ريال . وخلوكم من المكاتب النصابين . |
اقتباس:
تسلم الله يسعدك |
اقتباس:
الله يعطيك العافية .. فعلا بعد البحث وقراءة بعض التقارير رايت الكل ما ينصح بالمكاتب ابدا خصوصا اللي ماسكينها عرب وعليه جالس مع الشباب نرتبها من سكن واستأجار سيارة خارج المدن وما نستغني عن نصائحكم في المنتدى الغالي تحياتي لك |
اطلب اوبر بكل مكان موجود؟ جميع المناطق ام لا |
اقتباس:
|
اقتباس:
و التكسي زي ما قلت لكم اذا شغل العداد يكون السعر رخيص جداً . اذربيجان في نظري تتفوق على جورجيا في شي واحد فقط هو رخص المواصلات . طبعاً يا ام ريما اذا ما حجزتم الى اذربيجان انصحكم بمدينة باتومي في جورجيا افضل من اذربيجان في نظري . العاصمة باكو حارة و صغيرة و اماكن الطبيعة في اذربيجان غير مخدومة . بينما باتومي تطل على البحر الأسود و يوجد غرب المدينة جبال خضراء على البحر متوفر عندها جميع الخدمات وقريبة للمدينة . |
اقتباس:
|
ممكن تزودني بارقام دليل سياحي |
اقتباس:
طبعاً كلا الدولتين سوقت اعلامياً بشكل مبالغ فيه لكن اذا جينا نقارن بواقعية سوف نجد ان جورجيا افضل من اذربيجان بكثير للأسباب التالية : ١ - الطبيعة في جورجيا افضل من اذربيجان بمراحل . سواء المناطق التي تقع غرب باتومي بجانب الحدود التركية او جبال القوقاز البعيدة المحاذية للحدود الروسية . بينما في اذربيجان اماكن الطبيعة الخدمات فيها بدائية ناهيك انها حارة مقارنة بجورجيا والخضرة ليست بذاك المستوى . وهذا مقطع مثال على بدائية الخدمات في مناطق الطبيعة في اذربيجان https://www.youtube.com/watch?v=SPFDv6yACN4 ٢ - يمكن الانتقال من مدينة باتومي في جورجيا الى العاصمة تبليسي بواسطة القطار . كما ان مدينة باتومي تبعد ساعتين فقط عن مدينة طرابزون في تركيا و ساعة واحدة فقط عن مدينة ريزا في تركيا . وهذا الشي مهم لمن يريد التسوق من مولات طرابزون او دمج دولتين مختلفتين في سفرة واحدة بتكلفة زهيدة. ٣ - جورجيا لديها ساحل بحري طويل على البحر الأسود . وان كانت المدينة الوحيدة فيه باتومي تقريباً .و البحر الأسود اجزاء كبيرة منه مهيئة للتنزه و السباحة على عكس بحر قزوين في اذربيجان تماماً . ٤ - اسعار الطعام والتسوق في جورجيا غالباً ارخص من اذربيجان . ولذلك اسباب طبعاً منها الموقع الجغرافي لجورجيا القريب من روسيا و تركيا و انخفاض دخل المواطن في جورجيا . بينما اذربيجان دولة حبيسة لاتطل على بحر ( متصل بالعالم ) . |
اقتباس:
ياليت تزودني ايها على الخاص |
اقتباس:
اعتذر منك .. والسبب ان مشاركاتي اقل من 50 وما استطيع المراسلة ع الخاص الا لما توصل مشاركاتي 50 عذرا ً عدد مشاركاتك الآن 20 وقبل أن يصل العدد إلى 50 لن تستطيع إرسال رسالة خاصة |
اقتباس:
ممكن ترسلي الارقام واكون شاكر لك |
|
اقتباس:
|
اقتباس:
مقارنة في محلها و معلومات جدا مفيدة |
أسعار المكتب غالية تقدرون تضبطون الامور بانفسكم اول شي وزع الايام مثلا 4 ايام باكو يومين قابالا يومين قوبا ثانيا احجز فنادق عن طريق التطبيقات المعروفه او احجز شقق عن طريق تطبيق اسمه Airbnb وسائل التنقل عندك اوبر وعنك تطيسق ثاني اسمه bilot هذي التطبيقات رخيصة في التنقلات وبالنسبة للعملة حول فلوس من هنا دولار واذا رحت هناك حولها لمانات هذا بعض الي اعرفه عن اذربيجان . جورجيا للاسف ماعرف عنها شي لاني ماقد زرتها . |
الله يوفقك ياصاحبي |
ودي اسال الله يوفقكم رايحة جورجيا بعد عشرة ايام ومعي العاملة المنزلية (( خادمة )) بنقلاديشية ومعها اقامه هل تحتاج لتاشيرة او لا افيدوني الله يخليكم اختكم هاوية من جدة |
| الساعة الآن 08:18 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO