|
السفر الى جورجيا السلام عليكم الرجاء الافادة منكم ياخل الخبر ارغب السفر الى جورجيا انا وزوجتي وطفلتين 9 سنوات والثانيه 6 سنوات الرجاء الافاده عن الشركات المعتمده من ناحية السياره والسواق والاماكن والفنادق وهل الاقامة في العاصمة والتنقل بين المدن السياحية والرجوع الى العاصمة ام المكوث في المدينة وكم سعر السواقين وكذالك الاكل والفنادق علما باني من السعودية وهل التعامل بسيط والا صعب وهل تنصحوني بالسفر اليها |
|
اقتباس:
وعليكم السلام ورحمه الله وبركاته حاليآ في باتومي اذا محتاح اي خدمه نحن نتشرف والله |
|
وعليكم السلام انا الان في جورجيا وقبل السفر سويت بحث وراسلت كم شركة وبالاخير حجزت : - السكن من موقع AirBnb - حجزت سيارة من موقع https://www.discovercars.com/ وهو موقع وسيط لان مالقيت السيارة اللي ابي عند الشركات العالمية ( كنت ابحث عن سيارة رفيعه ) لان بعض الاماكن والشلالات الوصول لها صعب بالسيارة الصغيرة . - حجزت الطيران من طيران ناس . ارخص حجز سكن ومواصلات من الشركة كان ب 16000 لمدة اسبوعين لاربع اشخاص . زودت ع المبلغ شوي وحجزت سكن ومواصلات وطيارة لمدة 25 يوم . - نصيحتي احفظ قريشاتك واحجز سيارة ويكون الضمان ( صفر ) بحيث ماتتحمل اي شي لو صار اي شي واختر السيارة دركسون يسار لان عندهم النوعين يمين ويسار . ويفضل السيارة تكون رفيعه موب شرط دفع رباعي . - الرخصة السعودية مقبولة . - السواقة سهلة تقريبا وترى سواقتهم مثلنا في السعودية يعني مافيه تقيد بالانظمه 100% والدوارات الافضلية مهيب للي بداخل الدوار . - السرعة غالبا 40-60 كيلو في الساعه بس الطرق جدا جدا ممتعه . لو بتروح قودواري وتزور المطل عند كنيسة الثالوث ( ماشوفه يستاهل ) الطرق صعب شوي وفي بداية الطريق في مواقف تقدر توقف وتخلي احد يطلع بك فوق ( انا سقت فيه هو ضيق ولفات كثيرة زاعمال صيانة ) بس ماحست بصعوبة . - السكن من Air Bib رخيص جدا ومتوفر خيارات كثيرة وممتازة . بالنسبة لي تبليسي ماتستاهل اكثر من يومين او ثلاثة بالكثير . - باتومي حلوه وحوالينها فعاليات كثيرة وكانت رحلتي لها وبرجع له وابجلس فيها بعد كم يوم وحبيتها اكثر من تبليسي . - قودواري لو بتروح لها هي حلوه بس مافيها فعاليات لانها شتوية بس فيها طيران شراعي وجبالها سبحان الخالق جميله جمال لايوصف وتستاهل للي يحب الكشتات يومين وتسكن في القرى اللي بعد قودواري ( بعد ماتنزل من الجبال فيه منطقة مره زينه لو صملت عطيتك الموقع . - برجومي حلوه وتستاهل ثلاث ايام وحولها اماكن تمشي كثيرة وحولها باكورياني قرية في الجبال توني اليوم واصلها وباجلس فيه شوي . - كوتايسي فيها فعاليات كثيرة بس مابعد وصلتها . - الاكل متوفر الحلال بس اكلهم دسم وغالبا بتلقى المنيو كبير بس الفعلي كم وجبه مثل الخاشبوري ( بيض وجبن باكثر من طريقة ، والكينكالي ( مثل المنتو بس عجينة سميكه بلحم البقر ) ويصلحونه بالخنزير فلازم تسئل . والاوستري (صالونة لحم بقر ) . الاسعار خارج تبليسي اتعب وانا اقول رخيصه .. حتى الاماكن السياحية اشوف اسعارها رخيصه . - الشعب مره ودود . - لو اخذت سيارة وحبيت تزور مثلا ينابع المياه المعدنية او المسابح في برجومي مثلا فتلقى في السنتر ناس يودونك بـ 100 لاري للسيارة ويمشونك على الاماكن اللي السيارة ماتوصلها بسهولة . سعر اللاري 1 لاري = 10.10 ريال يعني تقريبا مثل الريال بس لاتجيب ريال معك جب يورو او دولار والبطاقة البنكية تشتغل بس بعض القرى والاماكن الشبكة ضعيفة او ماعندهم جهاز الشبكة وما يقبلون الا كاش .. -- حمل تطبيق YandexGo تطبيق تكاسي رخيص مره واحسن من التكاسي .. بتوفر 50 % من سعر التكاسي ( في تبليسي ما سقت السيارة ابدا لانها زحمه شوي وارتحت مع التكاسي بالتطبيق اللي قلت وكان اغلى مشوار يمكن 14 لاري ) والمعدل كان 6 لاري للمشوار |
هلا بك اخوي ابو تالين هذا رابط زيارتي لباتومي .. كانت ليلة واحدة ولكن لعل يفيدك التقرير وفيه بعض الأماكن والنصائح https://www.arabtrvl.com/vb/t44829.html هلا بك اخوي ابو عبدالله واضح أن تجربتك ثرية وبتكون مفيدة لنا جداً ياليت إذا رجعت ولقيت فرصة تفيدنا بتقرير مفصل وأتمنى تفيدنا حالياً عن طلبات الدخول لجورجيا مع كورونا موفقين جميعاً |
اقتباس:
هلا وغلا اخوي نواف ... ابشر ان شاء الله ... الطلبات للدخول هي : - حجز العودة - حجز السكن مؤكد. - تأمين السفر للجميع محصن او غير محصن ( شرط حكومة جورجيا ) . وتشترط الحكومة السعودية للسفر وجود تأمين يغطي مخاطر كورونا من التعاونية للتأمين للأشخاص اصغر من 18 سنة . - طباعة الوضع الصحي من توكلنا ( يتم تصوير الشاشة ثم طباعتها) - بالنسبة للمحصن يتم طباعة الوضع الصحي من تطبيق صحتي . - الغير محصن مطلوب له فحص سلبي مايتجاوز 72 ساعه وبعد الوصول يفحص في الثالث للوصول . - تعبئة فورم في موقع الحكومة الجورجيه وبيتم السؤال عند كاونتر المغادرة وماراح يسمح بمغادرة المملكة اذا ماتمت تعبئته ( طلبوا منا موظفي طيران ناس الايميل المرسل بعد تعبئة النموذج ) والنموذج هنا https://registration.gov.ge/pub/form...eorgia/tk6157/ - الدولة ممتازه جدا للي يحبون الطبيعة ويبي ينبسطون الى اخر درجة وماتصلح للي يحبون التسوق والالعاب . |
اقتباس:
رحلة سعيدة ابو عبد الله وترجعون بالسلامة |
[FONT="Arial"][:69:/FONT] |
السلام عليكم يعطيك العافية تقريرك مفيد جداً بالنسبة لي وانا حاب استأجر سيارة من مطار تبليسي عن طريق car rental لكن مو موضح اذا كان المقود عاليسار او اليمين هل في طريقة اتأكد من هالنقطة ؟ |
اقتباس:
اقتباس:
اذا تبي جوال الشركة اللي انا اخذت منها سيارة وتكلمهم واتس اب اكتبه هنا ويردون بسرعه لاني تواصلت معهم مرتين .. مرة بسبب بطارية السيارة ومرة بسبب بنشر ويردون بسرعه كبيرة . -- اللي في خطته يروح باكورياني لو يهون عنها افضل لان مافيها فعاليات وممكن زيارتها من برجومي لمدة ساعتين او ثلاث وخلاص ولو مازارها ما راح يفوته شي .. فيها زحليقه بس اعتقد شتوية لان المكان مقفل والتلفريك عرباته مفكوكه والموقع مقفل .. - حتى لو كنت فلته في الانجليزي بتحس انك عاجز هناك وبتظطر تستعمل اشارات اليدين والوجه وتطلع اصوات غيربه عشان يفهمونك حتى في المواقع السياحية ... فيه ناس تتكلم انجليزي بطلاقه بس انهم عملة نادرة بصراحة ومو دايم تحصلهم ... الشعب اعطيه 100 على 100 ويفوز بأفضل شعب قابلته ... |
هلا بك اخوي ابو عبدالله طالما انك متواصل مع الموضوع هذي بعض الأسئلة لعل وقتك يسمح بالإجابة عليها كم الوقت بالسيارة من تبليسي إلى برجومي ماهي فعاليات برجومي لو تذكرها في نقاط سريعة إذا وصلت كوتايسي ماهي فعالياتها غير المغارة وهل تنصح فيها أم تنطلق من برجومي إلى باتومي مباشرة ياليت تعطينا الواتس لشركة تأجير السيارات هل السيارة ديزل أم بنزين وهل بيستنزف مادياً بحكم ان السائح بياخذها من تبليسي وبيوصل فيها باتومي بافتراض خط السيرة كالتالي تبليسي - برجومي - كوتايسي - باتومي هل ترى أنه خط سير مثالي أم يحتاج تغيير ؟ ماهي باقة الانترنت المناسبة والأسعار وخصوصاً للي مستأجر سيارة ويحتاج قوقل ماب بكثرة وشاكر لك مقدماً |
اقتباس:
|
ما شاء الله عليك إجاباتك شافية وكافية جداً أهنئك على إخلاصك في إفادة الغير |
اقتباس:
الف شكر والله يجزاك خير على شرحك وحرصك على ذكر التفاصيل وتجاربك الشخصيه خدمتنا كثير الحقيقه |
اقتباس:
|
[FONT="Book Antiqua"][COLOR="Black"][SIZE="5"] اقتباس:
هلا بك اخوي ايمن ياليت تفيدنا بالشركات الجورجية الموثوقة وإذا يحتاج تفصيل يفضل تفرد له موضوع خاص حتى يستفيد الجميع من هذه التجربة المميزة بالتوفيق |
| الساعة الآن 09:10 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO