|
جورجيا .. بين التطرف والغلو .. السلام عليكم ورحمة الله وبركاته ... الحمد لله الذي بنعمته تتم الصالحات ... حمدا له ان نجانا ومن نحب مما نخاف ونكره ... ادام الله عليكم الصحة والعافيه ومتعكم بالنعمة والسعادة ورزقكم ما تحبون ... بدخل بصلب الموضوع لان كلنا نعرف الفترة الماضية ايش كانت ... طبعا انا اقترح على المنتدى يضع وسام لاصحاب الختم الذهبي اللي ماصدقوا خبر يفتح السفر الا وهم يمكن سابقين الطيرات في الاقلاع ... احترم كل وجهات النظر اللي كانت تنصح بالتريث وعدم السفر ووجهة نظرها صحيحه 100% ... انا كنت من اوائل اللي اخذوا التحصينات وكانت اول جرعه لي في يناير الماضي ... والحمد لله اللي يسرها ثم الشكر لحكومتنا على حرصها ومسارعتها بتوفير اللقاح ... الموضوع سياحي بحت باتكلم فيه عن جورجيا وبكون منصف قدر المستطاع ماراح اكون متطرف في السب ولا غالي في الثناء ... اللي شفته بتكلم عنه بصدق سفرتنا كانت في يوم 17 مايو ولمدة خمسة وعشرين يوم ..... بتكلم الجزء الجاي عن التنسيق والحجوزات وبداية الرحلة ... اتمنى اني اكون ضيف خفيف عليكم وان تقريري يكون اضافة جيده للبوابة تفيد اي راغب في السفر لجورجيا ..سواء بالاماكن او حتى تقرير مصير السفر لها او عدمه .. اشوفكم قريب https://www.arabtrvl.com/vb/picture....ictureid=70787 |
ما شاء الله المقدمه مغرية نسنتر بالموضوع ولو أن فيها من التخويف لكن تضل تكهنات بانتظارك يا غالي |
هلا بك ابو عبدالله تقريرك ننتظره وأكيد مميز من خلال ردودك كنت تثري معرفتنا فما بالك إذا صار تقرير موسع وبالتفصيل متابعين معك .. |
متابعين معك ابو عبد الله وان شاء الله يكون التقرير ثري بالمعلومات خاصة ان الفترة 25 يوما ممتازة واكيد انك غطيت فيها معظم مناطق جورجيا |
اقتباس:
اشكرك .. على هاللفته الكريمه .. لعمرك انني كنت اقول ماراح اروح ولاجيت ابو معتز هنا قمت ( أسبّح وعمتني السكينه) ويوم 17 -5 الضحى انا وشنطتي زاقحين على ارتفاع 40 الف قدم ..لابو كورونا لابو كلب :32::32: اللي مايسافر ودك ترميه بشوزن / مستمتعين معك بالتقرير الجميل من الخبير الجميل برستيجي يمنعني اهديك ورده .. :14: خذ صورة فرس :e134::e134: |
ماشاءالله تقاريرك ممتعه يابو عبدالله وبنشوف هالتقرير بحماس انا ودي اسافر بس للحين مترددين خوفا من هالكرونا مع ان ماخذين الجرعتين |
اقتباس:
اقتباس:
اقتباس:
اقتباس:
ولا يهمك حط بدال الورده مفطح ... الله يحييك ابو لجين اقتباس:
|
السلام عليكم كنا نتابع مثل الجميع اوضاع رفع تعليق السفر والسماح به وكنت مثل اللي جالس على درجة باب البيت يحتري هنقرستيشن او جاهز .. من جهة ثانية بعد نتابع الدول اللي ممكن تستقبلنا او تبي تفتح لان اوربا مثلا مافتحت وماراح تستقبل احد ... فالاختيار صار على جورجيا ... لان فيه دول ثانيه تشترط فيزا وبعد المقارنة استحينا في جورجيا واخترناها لانها بدون فيزا .. صحيح تشترط بعض الاشياء بس سهلة .... كانت الشروط 1- تأمين سفر ( السعودية تشترط لسفر فوق 18 ان تكون على الاقل ماخذ جرعه واحده من اللقاح ولمن هم تحت 18 تأمين سفر يغطي اضرار كورونا ) تأمين يغطي مخاطر كورونا موجود عند التعاونية للتأمين بمبلغ 375 ريال لمدة 30 يوم https://www.tawuniya.com.sa/individu...d-19-Insurance جورجيا تشترط للجميع تأمين سفر عادي . 2- تعبئة نموذج الدخول على موقع الحكومة الجورجية واي احد ما قام بتعبئة النموذج ما راح يتمكن من صعود الطائرة .. يطلبون عند الكاونتر يشوفون ايميل التأكيد بتعبئة النوذج المرسل من قبل الحكومة الجورجيه . انا شفت شخص رفضوا يستلمون شناطه لانه ماعبى النموذج وطالبوه يعبيه ويرجع لهم . https://registration.gov.ge/pub/form...eorgia/tk6157/ 3- جورجيا تطلب الحالة الصحيه التالية : أ- اللي محصن يطبع السجل الصحي من موقع وزارة الصحة السعودية ( موب لازم صورة ملونه ) ب- الغير محصن او جرعه واحده لازم فحص PCR . ** الغير محصن لازم بعد 3 ايام من الوصول ( في المطار قالوا خلال 72 ساعه من الوصول ) تسوي فحص PCR والافضل تاخذه مطبوع لانهم بيسألونك عنه في المطار عند المغادرة ولو ماكان معك نتيجة بتاخذ غرامة . 4- لازم يكون معك حجز السكن وبيتم طلبها في الكاونتر قبل صعود الطائرة او تسليم الشنط وفي مطارات جورجيا. يوم تأكد الغاء تعليق السفر تم الحجز على طيران ناس الرياض-تبليسي- الرياض ... بعدين لقيت انه الرياض - باتومي - الرياض ارخص .. فكنسلنا الحجز الاول وحجزنا الثاني وقلنا حنا عارفين الاولى عشان نعرف الثانهي هههه بس الحمد لله صار حظنا حلو وتعرفون ليش بعدين يمكن كان مانسيت ... قبل السفر بيومين رحنا لمستشفى الحبيب وسوينا فحص PCR للعيال ( احنا محصنين ولله الحمد ) ومن بكره طلعت النتيجه سلبيه ولله الحمد ... انا كثير من سفراتي يصير مواقف ونطلع كأننا حلقة من من طاش ماطاش .... رحلتنا كانت الساعه 6:50 صباحا .. كنا نايمين ليلتها بدري شوي لان ناوين نطلع المطار بدري ... وانا خلاص بنام ومقفل النور وقاري اذكاري .. تعرفون الواحد لازم يشيك ع الجوال نظرة اخيره .. واشوف رسالة من طيران ناس .. فتحتها الا وجع وش ذا !!! خير !! مكتوب تم تغيير موعد الاقلاع الى الساعة 12:10 ... ويبدا مسلسل طاش ... نجمع اغراضنا بسرعه ... ونسوي خروج من الشقة ( لاننا من خارج الرياض ) وما معنا الا ساعة ونص !!! المطار يمكن 20 دقيقه ... وبالطريق مسرعين وندق على طيران ناس ... وردوا وحنا بنص الطريق .. لان الطبيعي الوقت بالرسالة 12 صباحا .. بس بنتاكد ... وردوا وقالوا انه 12 الظهر .... مدري اهاوشهم او ابوسهم ... اهاوشهم على الرسالة اللي مو موضح فيها الوقت ... او الحمد لله معنا وقت ... الطبيعي اللي كنا نفكر فيه انه مستحيل يرسلون يقدمون الرحلة قبل ساعة ونص ... بس الوقت لكل الخطوط في العالم هو ان اليوم 24 ساعة ... برحلة العودة غيروا الرحلة من الى الساعه 17:35 يعني اعتمدوا نظام 24 ساعه ... المهم نظامهم مضروب والمفروض يعتمدون 24 ساعه او صباحا ومساء .... https://www.arabtrvl.com/vb/picture....ictureid=70788 دقيت ع الشقة ... لان الحين تشردنا بعد .. ويرد علي وقلت له ابي ارجع ..قال زين ماسويت لك خروج لسى تعال .. نمنا واصبحنا ورحنا المطار الساعة تسع صباحا .. عاد موظف الاستقبال يقول لي خروج اخر كلام .... قلت ايه توكل على الله ...وصلنا المطار ودخلنا الشنط .. https://www.arabtrvl.com/vb/picture....ictureid=70789 وعند الكاونتر شيكو كل شي ... فحوص كورونا والتامين ورسالة موقع الحكومة الجورجيه والجواز الصحي وحجوزات الفنادق ... ماقصروا والله لان لو احد نسى شي بيرجع من هناك .... طبعا كان هذا هو اول ايام رفع تعليق السفر .. وكان المطار والله زحمه شوي والرحلات كثيرة ... https://www.arabtrvl.com/vb/picture....ictureid=70790 مخطط رحلتنا كان الرياض - باتومي - برجومي-تبليسي-قوداوري- باكورياني - كوتايسي-باتومي . تفصيل المدة خلال التقرير ان شاء الله .... واقلعت رحلتنا .... https://www.arabtrvl.com/vb/picture....ictureid=70791 ... الى لقاء قريب ... |
بصراحة حركة الرسالة سيئة جداً لا أشعر بارتياح للتعامل مع طيران ناس ولكن مسارات السفر عندهم مغرية للسفر الخارجي يوفروا لك خط مباشر من عدة مدن في الدولة السياحية الجواز الصحي بتطبيق توكلنا هو نفسه السجل الصحي بصحتي ؟ متابعين |
اللي محصن تطعيمتين هو اللي يطبع الجواز الصحي فقط ابو تطعيمة PCR صباحك سعيد |
:32::32: الله يعينكم ابو عبد الله على ما شفتوه اتخيل نفسي مكانك وعندي ساعة ونص بس للوصول للمطار قبل كم يوم كان فيه احد الاخوة يشتكي من طيران ناس بس ابو عبد الله اعتقد ان الموضوع صحيح يعني ذكرولك ساعة 12.10 من يوم 17/5 وليس 00.10 من يوم 17/5 يعني الموعد هو الظهر وليس بداية اليوم . إلا اذا كان فيه أمور أخرى بالنسبة للتوقيت عندك. مستمتعين ببداية التقرير وأحس ان فيه مقالب كثيرة |
بداية جميله .. فعلا ١٢:١٠ هذي تلخبص مستمتعين في متابعتك .. يعطيك العافية |
السلام عليك و رحمة الله و بركاته ... ما شاء الله أخوي ابو عبدالله ... من المقدمة .. و مع الفصل الأول من الأثارة برسالة طيران ناس و أنا متوقع تقرير ثري و تفاصيل دسمة بالتأكيد ... بخصوص التوقيت فهو عرف لدى جميع شركات الطيران أستخدام توقيت الـــ 24 ساعة بديل عن توقيت 12 ساعة لتفادي التشابة كون الساعات تتكرر باليوم مرتين و الفرق AM/PM ... الدولة التى تطبيق نظام الـــ 12 هي أمريكا مع التوكيد على AM/PM في كل التعاملات ... المشكلة لدينا تعودنا على نظام 12 ساعة و ما نقدر نغير ... إلا البعض اللى أعتاد التعامل مع شركات بالخارج يتعود على نظام 24 وهو من رأيي أسهل ذكرت سالفة زميل من زمان حجز في دولة قريبة ... و أساس الحجز أنه يسافر يوم العيد حسب التقويم .. المهم تأخر أعلان العيد يوم و الأخ ما سافر و أنتظر لليوم المعلن .. يوم العيد سافر و وصل الفندق ما لقى حجز لأنه أتكنسل بسبب عدم وصوله في اليوم المحدد |
حلوة الحركة هههه بوعبدالله عاد انت خبير سفر بس الظاهر للهفتك على السفرة حسبت انها بعد ساعة ونص ما اعتقد ان اي شركة تقدم الرحله عن موعدها ابداا بس التأخير وارد باغلب الشركات الحمدلله انكم رجعتوا ريحتوا قبل السفرة |
الله الله من البدايه واضح التقرير جميل اتخيل نفسي مكانك وانا اقراا الرساله بسرعه انخرش مثلك والم قشي حماس السفر ودك تطير قبل موعد الطياره |
نحن بالانتظار يابو عبدالله |
هلا وغلا بالجميع وكل عام وانتم بخير ومن العايدين الفايزين ... اعتذر عن التأخر بس التسدح تحت المكيف والكسل شي خرافي احيانا:7: اقتباس:
الجواز الصحي بتوكلنا فيه بياناتك الصحيه بشكل عام مثل نوع اللقاح اذا انت ماخذه وفصيلة الدم .. السجل الصحي بصحتي مايظهر عندي ... الله يحييك وابرك الساعات حضورك ياغالي اقتباس:
اقتباس:
سعيد بوجودك هنا اقتباس:
اقتباس:
منور ابو معتز وشاكر لك وجودك اقتباس:
شكرا وحياك الله ... اقتباس:
حياك الله وشكرا لك اقتباس:
شكرا للجميع |
بالانتظار ابو عبد الله |
كل عام وانتم بخير .. ومن العيدين الفايزين يا احبه .... كنت ابي اقول انه ... اقلعت الرحلة من مطار الملك خالد في الرياض في الوقت المحدد وكان الجو شمس وحر ... كنت طالب وقت الحجز وجبه ووزعوها بعد لاقلاع ... https://www.arabtrvl.com/vb/picture....ictureid=70856 وصلنا مطار باتومي وكانت الاجواء غيم ومطر ... https://www.arabtrvl.com/vb/picture....ictureid=70857 https://www.arabtrvl.com/vb/picture....ictureid=70858 مطار باتومي صغير مره ، يمكن مثل مطار بادن بادن المانيا ... الكاونترات نسيت كم بس الموظفين مرررررررره دقيقين .. وطلبوا كل الاوراق بما فيها حجز السكن .. واكدوا على موضوع انه لازم فحص PCR خلال 3 ايام ... خلال الانتظار في الطابور شفنا ناس رجعوهم من الكاونتر بس مااعرف السبب ... كنت قبل السفر عندي فكره عن جورجيا والمزارات السياحية فيها .. وان بعض المناطق الطرق لها وعرة .. كنت حريص اشوف سيارة رفيعه ... مواقع الشركات العالمية ماحصلت عندهم الا سيارات صغيرة ماتكفي شناطنا فضلا عن انها رفيعه ... حصلت الموقع هذا https://www.discovercars.com/ وشفت الريفيو حقه وكان مقبول عندي نوعا ما ... حجزت منه وانا مفتح عين ومغمض عين .. ماكنت مقتنع كثير بس مضطر .. بس الصدق طلع بطل (بالنسبة لي ) من ناحية تعاملهم والدعم حقهم .. ماجابوا السيارة اللي طلبت او مثلها بس كانت لا بأس بها ... كانت تويوتا هايبرد رفيعه شوي .. مو رفيعه مثل الجيب ولانازله مثل الكامري .. مثل البغل ...ههههههه. نظامهم ميت اند قريت .. لقيته ينتظرني برا ومعه لوحه بإسمي ... طبعا نظام اشارات واصوات غريبه .. انا ما أعرف جورجي وهو مايعرف عربي او انجليزي ... بس الامانه مرررررررررررره محترمين .. اخذوا شناطنا من المطار وركبوها السياره ... وشرح لنا شوي عن السيارة ... قفلت السياره برجع للمطار وقال لي ليش ؟؟؟ قلت بشتري شريحه نت قال لا انها غاليه مره هنا ... خذها من المدينه احسن ... كنت مشتري باقة يوم واحد من الاتصالات السعودية بس للامانه طلعت نكبه .... يالله شغلت قوقل ماب عشان احط عنوان الشقة ... تحركنا بالسيارة اللي مكلفتني 7072.63 ريال لمدة 25 يوم شامل التأمين الشامل بنسبة تحمل (صفر ) ... توكلنا على الله لشقتنا اللي مستاجرينها من موقع airbnb.com لمدة ثلاث ليال بمبلغ 139.48 دولار ... وصلنا للعنوان بس ماحصنا الشقه ... البنايات كثيرة ... وقفنا نسال قالوا لنا هناك ( مكان مقابلنا ) ... كنا نكلم اللي مستأجرين منها بس ماتتكلم انقليزي .. وارسلت على الموقع انها جايه ... وقفنا عند المكان اللي قالوا لنا .. وسألنا عجوز عن العنوان قالت هنا (بالاشاره ) وبصعوبة التفاهم ... قالت لزوجتي تعالي وصعدوا بالمصعد ... طبعا الوضع اللي جالس اشوفه بالنسبة لي تحت السيئ بكم درجه ... واتخيل الصور في الموقع .. واقول حسبي الله انلعب علي ... كثير حجزت من الموقع في هولندا والمانيا وكان 100 فل وعشرة ... كانت حاجزته زوجتي ... وهنا اقول لكم لا تخلون الحريم يحجزون ... شوي الا ووصلت عند مدخل العمارة عجوز تلهث .. جاية تركض .. بدون ما اكلمها عرفت انها اللي مؤجرتنا بس خليتها تريح شوي ... كلمتها .. نفس الشي بالاشارة .. المهم صعدنا بعدها بالمصعد ... المصعد لحاله قصة وموب اي قصة .. مصعد قديم جدا ... من ايام العثمانيين يمكن او قبل بعد ... يركبون الناس ويتقفل الباب عليهم ويفتحونه غصب ... مصعد خشبي .. هذي صورته بس من عند الشقه مو من الدور الارضي https://www.arabtrvl.com/vb/picture....ictureid=70802 بنتي عندها فوبيا شوي ورفضت تصعد فيه اول الامر .. وصعدت مع امها بالدرج ... https://www.arabtrvl.com/vb/picture....ictureid=70803 شقتنا اللي ع اليمين بابها مفتوح https://www.arabtrvl.com/vb/picture....ictureid=70805 وصلنا فوق للدور التاسع ... ورحنا للشقة ... لقينا العجوز فاتحه الشقه ومعها زوجتي .. الشقه كانت جدا جميله ونفس الصور في الموقع ... https://www.arabtrvl.com/vb/picture....ictureid=70814 غرفتين نوم https://www.arabtrvl.com/vb/picture....ictureid=70813 https://www.arabtrvl.com/vb/picture....ictureid=70812 دورة مياه الله يكرمكم + مروش صالة https://www.arabtrvl.com/vb/picture....ictureid=70815 مطبخ https://www.arabtrvl.com/vb/picture....ictureid=70806 https://www.arabtrvl.com/vb/picture....ictureid=70807 بلكونه مطله على البحر الاسود وممشى باتومي الشهير https://www.arabtrvl.com/vb/picture....ictureid=70809 https://www.arabtrvl.com/vb/picture....ictureid=70816 وهنا اقولكم خلو اللي فوق يحجزون هههههههه . الشقه فيها انترنت مجاني سرعته مقبوله.. استلمنا الشقة وقررنا اليوم بما انه اخر النهار نصير قريبين من الشقه ونتمشى شوي ع البحر والشوارع المحيطة .... الجو كان جدا حلو ... https://www.arabtrvl.com/vb/picture....ictureid=70817 https://www.arabtrvl.com/vb/picture....ictureid=70818 https://www.arabtrvl.com/vb/picture....ictureid=70819 https://www.arabtrvl.com/vb/picture....ictureid=70820 https://www.arabtrvl.com/vb/picture....ictureid=70821 https://www.arabtrvl.com/vb/picture....ictureid=70822 https://www.arabtrvl.com/vb/picture....ictureid=70823 https://www.arabtrvl.com/vb/picture....ictureid=70824 واحنا نتمشى وصلنا بالصدفه ل مترو سيتي مول وهو مركز تجاري من طابقين .. لابأس به في ملابس والكترونيات ومنطقة مطاعم ... بس كان منتهي وقت الدوام وقت وصولنا له ... الشارع اللي كنا ساكنين عليه هو شارع شريف كيمشيفلي .. شارع على الواجهة البحرية لباتومي وعليه مطاعم وفنادق ومراكز تجارية...والواجهة البحرية عليه كل اللي تتوقعون او ماتتوقعون من اكشاك وملاهي وتأجير قوارب وتأجير سياكل وسكوترات كهربائية ودبابات ويمكن دنانات بعد ... كلش كلش موجود حتى ملاعب كرة الشاطئ وكرة الطائرة والباراشوت ... حتى الدلافين بتشوفونها في البحر بدون جولة بحرية ... وبنتكلم عنها حسب الظروف ... مرينا سوبر ماركت واخذنا بعض الاغراض ... وطبعا كان فيه حظر تجول يبدا من 11 بالليل الى 6 الصباح ... رجعنا الشقه .... وفي الصباح من بكره توكلنا على الله ورحنا لمنطقة Europe Square https://www.arabtrvl.com/vb/picture....ictureid=70825 https://www.arabtrvl.com/vb/picture....ictureid=70826 https://www.arabtrvl.com/vb/picture....ictureid=70828 هذا يقولون اجمل فرع لماكدوناذز في العالم ... https://www.arabtrvl.com/vb/picture....ictureid=70829 الشوارع كانت فاضية ... ووقفنا سيارتنا هناك ... وانطلقنا نمشي ... احنا نحب في السفر نطلع بدري نشوف الدنيا قبل الزحمه .... وقفنا تقريبا عند Europe Square المواقف حاولنا نشوف اذا هي ببلاش او بفلوس ماعرفنا لان بدري وتقريبا مافيه ناس وماكان فيه اجهزة دفع للمواقف ... اعتذر ان حطيت صور منطقة داخل اخرى بس الاماكن قريبه من بعض .. اول ماشفنا هو تمثال الاميره ميديا اميرة كولخيس ، وكولخيس هو الاسم الذي كان يطلق على الجزء الغربي من جورجيا الان .. وسالفتها اسطورة يونانية اكثر منها حقيقه والشي اللي شايلته هو الصوف الذهبي اللي ساعدت واحد اسمه جيسي في الحصول عليه ، واذا بغينا نعرف ليش ساعدته فلازم نعرف ان الصوف الذهبي هو لخروف طائر وسالفته سالفه تلقونها هنا للي يبي https://ar.wikipedia.org/wiki/%D8%A7...87%D8%A8%D9%8A ساحة اوروبا وتمثال الاميرة في مكان واحد فيه مجموعة مقاهي ومطاعم ومنطقة سياحية https://www.arabtrvl.com/vb/picture....ictureid=70831 https://www.arabtrvl.com/vb/picture....ictureid=70833 المطاعم كانت توها بادية تفتح ... فكملنا مشي لان مالقينا شي جاهز يصلح لنا ... https://www.arabtrvl.com/vb/picture....ictureid=70835 https://www.arabtrvl.com/vb/picture....ictureid=70836 وصلنا للمكان هذا وهو جدا حلو بالليل والنهار بعد اتعقد اسمه بوليفارد ... او ان البوليفارد هو الممشى اللي على طولى الواجهة البحرية ... https://www.arabtrvl.com/vb/picture....ictureid=70838 وهذا عنوانه على خرائط قوقل https://www.google.com.sa/maps/place...05!4d41.635612 المكان فيه نوافير راقصه وتقدر تمشي بين النوافير وهي تشتغل عبر الجسور الموجوده .. المكان موب طويل بس جدا (( ونيس )) وفيه كافيهات ومحلات بيع التذكارات ... والتذكارات هناك مره مغرية صراحة سواء بجمال التصميم او رخص السعر .. يبي لكم شنطه بس للتحف من جورجيا للي يحبون التحف .. وصدقوني يمكن تستحون تكاسرون احيانا من رخص السعر .. احيانا تحطون سعر ويطلع ارخص ... مره اعجبني عربه بالخيزران يجرها ثور مع واحد يبيع في كوتايسي .. حطيت ببالي 300 لاري وقلت لو يحج مادفعت زود ... سالته بكم قال بـ 50 لاري ... استحيت والله اكاسره .. المكاسر او المفاصله في السعر شي عادي جدا وتحصلون بها اسعار زينه للنصف يمكن ... https://www.arabtrvl.com/vb/picture....ictureid=70839 من الاشياء الخايسه في جورجيا وهي قليله كثرة الكلاب في الشوارع ... موب كذا بس ... يعني ممكن يحبك كلب وتتوهق به يلاحقك في كل مكان وهذا صار معنا كم مره ... https://www.arabtrvl.com/vb/picture....ictureid=70834 بس تجاهلوها وخلاص وماشفنا منها اذية ..او انها نبحت علينا .. بالعكس تستجيب للطرد وتروح .. وشفت طريقة عند اصحاب المطاعم في طردها عن الجلوس قريب من الزباين انهم يرشونها بشوي مويه وخلاص تمشي ... https://www.arabtrvl.com/vb/picture....ictureid=70840 https://www.arabtrvl.com/vb/picture....ictureid=70841 وصلنا للشاطئ واللي هو بنفس الوقت امتداد للممشى الشهير والممشى هذا اعتقد طوله ( ماسويت بحث ) 4 كيلو من شقتنا الى تمثال علي ونينو ... والمسافة هذي كلها مليانة فعاليات واماكن تصوير واكشاك بيع تذكارات واكل .. وعلى طوله ايضا متوفر كراسي اسمنتيه للجلوس ... يعني الواحد يمشي ويجلس ويتقهوى ويستانس وهو بجانب شاطئ مره جميل ... https://www.arabtrvl.com/vb/picture....ictureid=70842 https://www.arabtrvl.com/vb/picture....ictureid=70843 المهم ... لقينا مطعم وكان تركي وجلساته ع البحر https://www.arabtrvl.com/vb/picture....ictureid=70844 https://www.arabtrvl.com/vb/picture....ictureid=70845 https://www.arabtrvl.com/vb/picture....ictureid=70846 https://www.arabtrvl.com/vb/picture....ictureid=70848 https://www.arabtrvl.com/vb/picture....ictureid=70849 اخذنا اي شي لان توهم فاتحين ومانبي نجلس ندور على مطعم ... صاحب المطعم قال تعالوا بالليل الجو احلى ... قلنا حجر ... قال انتم سياح محد يكلمكم ..لانكم جايين تصرفون فلوس .. والكلام هذا قاله لنا كم واحد بس ما حبينا نجرب لان اصلا احنا دايم بالليل خلاص ينتهي اليوم .. حاسبنا وكملنا مشي هذا برج الحروف وفيه مطعم وكوفي فوق وبيجي الكلام عليه بآخر الرحلة ان شاء الله ... https://www.arabtrvl.com/vb/picture....ictureid=70847 هذا فنار مبني في العصر العثماني https://www.arabtrvl.com/vb/picture....ictureid=70850 علي ونينو https://ar.wikipedia.org/wiki/%D8%B9...8A%D9%86%D9%88 والثمثالين يتحركون الين يتداخلون في بعض ثم يتفرقون من جديد ... https://www.arabtrvl.com/vb/picture....ictureid=70851 منطقة تأجير قوارب وومكن تاخذون رحلة بحرية لمدة 40 دقيقه بـ 120 يمكن او في حدود المبلغ هذا ( نسيت فعلا ) وفيه رحلات مشاهدة الدلافين .. وحنا شفناها من على الشاطئ وبحط صورها باخر الرحلة ان شاء الله .... المنطقة بأخر النهار واول الليل مره حلوه لان كل شي مفتوح .. https://www.arabtrvl.com/vb/picture....ictureid=70853 مبنى الشرطة ( مدري من هي هدومه المنشورة فوق ) https://www.arabtrvl.com/vb/picture....ictureid=70854 وبطريق الرجعه لقينا محل شركة اتصالات ماغتي مفتوح https://www.magticom.ge/en/home بصراحة جتنا صدمه من الاسعار ... وحسيت بالغبنه بعد ... انترنت مفتوح لمدة اسبوع ب 5 لاري ( 5 ريال ) + 3 لاري قيمة الكرت ... والتجديد عن طريق التطبيق حقهم ... هذا انترنت بدون مكالمات .. اذا مع مكالمات مفتوح ورسايل يطلع ب16 ... طبعا اللي يحب هنا خذو اسبوعي وجددوا لانه ارخص من الشهر اللي بيطلع ب 80 مع مكالمات مفتوحه ورسايل او 44 لاري مع نت مفتوح و100 دقيقه مكالمات وبدون رسايل .. الكلام عن باتومي جدا كثير وطويل وما اقدر اقول كل اللي ودي ... احنا قسمنا باتومي مرحلتين ... قدوم ومغادرة وكل مره 3 ايام ... الحين خلصت جزء والجزء القادم احاول اكمل باتومي الجزء الاول .... اعتذر عن التأخر واشوفكم على خير ... وكل عام وانتم بخير |
جميلة جدا تفاصيل اليوم الاول ابو عبد الله واضح ان باتومي مميزة والحمد لله ان الشقة طلعت شبيهة للصور بالموقع رغم قدم المبنى من الخارج وسالفة المصعد العثماني اسعار النت جيدة ملاحظة مهمة اللي ذكرهة عامل المطعم التركي بان السائح تقريبا مستثنى من الحظر بس اكيد الافضل عدم المجازفة اقسام الشرطة قريت باكثر من مكان انه ممكن ان يكون المبنى بالكامل زجاجي مدري هالكلام مضبوط او لا ابو عبد الله ممكن تخلي موقع الشقة أو وسيلة للتواصل بانتظار جزء جديد بباتومي |
ما شاء الله جزء جميل بحجم الانتظار وتصويرك ما شاء الله مميز ومبدع جداً الشقة مدخلها ما يشجع لكن من الداخل جميلة ونظيفة واضح من الصور خروجكم المبكر وأتفق معك الواحد يستثمر اليوم من بدايته عرض الانترنت اشوفه للآن موجود ولكن ودي أتاكد من فكرة انترنت مفتوح هل كل التطبيقات وعلى مدار 24 ساعة مفتوح ؟ أو المسألة مقيدة بشروط وسقف أعلى للاستخدام اليومي متابعين وننتظر الجزء القادم |
اي رحلة بداياتها مثل حالتك تطلع مميزة 💐 المطعم التركي اسمه صن باتومي اكله طيب وانا كنت اجلس فيه وسعره ممتاز 👌🏼 https://d.top4top.io/p_2031d3d6n0.jpeg |
جميله البدايه والمواقف مع الطيران و الشقه اللي من برا غير عن داخل متابعين معاك بوعبدالله |
طال السفر والمنتظر مـلِ صبـره والشوق يامحبوب في ناظري شاب الله الله يا ابو عبدالله تقرير في وقتة ملينا الجمود في عصر كورنا ابحرت بنا وزاد خيالنا معك رحلة موفقة لانها ملئة بالاحداث احيك على سرد الاحداث وذكر السلبيات قبل الاجابية انت مبدع في التصوير ماشاء الله الاماكن روعة وتفتح النفس مدري ليش لازم في اي رحلة يكون فيها اكشن وتعب وبعدها ربي يفرجها يمكن جزء من الرحلة ههههههههه شكرا اخي ابو عبدالله على هذا الجزء وننتضر الاجزاء الباقية |
كل عام وانت بخير يابو عبدالله كفيت ووفيت بالجزء الاول ماشاءالله الشقة نظيفة ومرتبه بس العمارة شكلها يبيلها ترميم المكان يعطي عشر نقاط من عشرة لام عبدالله شاطرة بالحجز :64: البوليفارد ممتاز ومهتمين بالمنطقة السؤال الحين وين تمثال الخروف الطائر ماشفت بالصور صورة تمثال متابعين ومستمتعين |
ماشاء الله انا سبق و زرت جورجيا و افكر ازوره مره اخرى معلوماتك مفيده و تقريرك ولا اروع بصراحه لكن في زيارتي القادمه متردد استئجر سياره او لا لاني جربت في باتومي و تبليسي ماحتجت مشيت اموري على تطبيقاتهم نفس اوبر عندنا مرررره بلاش و متحير بخصوص زيارة المدن اللي ماقد زرتها هل احتاج سياره لزيارتها و المبيت فيها مثل باكورياني و برجومي هل اكتفي بالذهاب بتكسي او سائق خاص فقط لأخذي لهذه الاماكن كيف سعر البنزين او الديزل و كيف القياده هناك من ناحية سهولة القياده و مضايقات الشرطه |
بوعبدالله طمنا عنك عسى ماشر بالانتظار للتقرير |
زين تسوى سافر وستانس ولابو كورونا ولابو كلب :25::25::26: اقتباس:
|
| الساعة الآن 02:53 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO