|
فزعتكم ياذيابه اخوكم متورط يااخوان انصحوني بجدول لمدة 14 يوم بجورجيا لشخصين انا والمدام ابغى مكان طبيعه وين اروح ؟ وعدت المدام بالسفره هذي لها سنتين بس مااعرف شي عن الديره خايف اتورط ثانيا والمهم ميزانيتي 25 الف لشخصين كل شي منها تكفينا ؟ اعطوني مخطط زين اول مره اروح تهمني الطبيعه ابي مكان زي الشمال التركي وايش المتطلبات لدخول جورجيا وجزاكم الله خير |
حياك الله يا أبوفهد 2545 أقرا التقرير على الرابط أدناه فيه تفاصيل قد تناسب رغبتك رحلتي إلى 🇬🇪 جورجيا الخلابة كاتب التقرير احمد ال مقبل بالتوفيق |
الله يجزاك خير يالذيب يااخوان ابغى اطلع لبرجومي من تبليسي ومن برجومي لباتومي هل احتاج سياره ولا القطارات تفي بالغرض واذا باستاجر سياره كيف القياده عندهم زي عندنا بالسعوديه ؟ً |
اهلا بك القطار فقط بين تبليسي وباتومي بالنسبة لخط سيرك فالأفضل تستأجر سيارة تسوقها أو تدفع أكثر وتستأجر سيارة مع سواق الطرق هناك متنوعة بين هذا وذاك تحتاج صبر أحيان .. وأرياف جميلة أحيان داخل مدينة تبليسي أو باتومي سلم السيارة تطبيقات التاكسي رخيصة جداً جداً حدود 7 لاري شروط الاستئجار رخصتك السعودية والجواز ويفضل تترجم الرخصة للجورجية فيها مخالفة أحيان نقطة أخيرة وهامة جداً طالما تسأل عن الطبيعة مع نهاية شهر اغسطس تبدأ الطبيعة تبهت بشكل تدريجي بتلاقي خضار بس مو مثل الصور قبل شهر وشهرين ماضية بالتوفيق |
ابو فهد 14 يوم كثيرة على جورجيا حقها أسبوع الى 10 أيام لا تزيد مبلغ 25 الف كافي وزياده البلد بسيط وما فيه الشي الكثير لا ترفع سقف توقعاتك واذا المدام تبغى أسواق ومولات ومطاعم وفنادق فاخرة فجورجيا ليست الوجهة الصحيحة لكم حتى الطبيعة في هذا الوقت ليست في احسن صورها متطلبات الدخول الى جورجيا جرعتين لقاح جواز فيه صلاحية اكثر من 6 اشهر تذكرة مغادرة حجز فندق تامين طبي تعبئة البيانات في الرابط والتالي وطباعة البريد الالكتروني المرسل لكم https://registration.gov.ge/pub/form...eorgia/tk6157/ التنقل هناك القطار بين تبليسي و باتومي فقط ويحتاج الى6 ساعات لقطع المسافة بين المدينتين القيادة هناك عشوائية مثل كرة قدم الشوارع حتى السيارات هناك مقود جهة اليمين وسيارات أخرى جهة اليسار الدعوى ضايعه تطبيقات التنقل عندهم رخيصه جداً ومتوفرة بكثرة في داخل المدن وافضل تطبيق للتنقل هناك اسمه Bolt ملاحظه هامه جداً ممنوع حمل الادوية بدون وصفه طبيه وبشكل خاص البنادول و الفيفادول يدققون عليها كثير وعقوبتها مبالغ فيها الى حد بعيد لذلك احذر من حملها معك |
هلا أخوي ابو فهد.. ما وضّحت متى السفر بالضبط!!! لأن كل بلد تختلف فيه الأجواء من شهر للثاني. |
رحلتي يااخوان يوم 22 اكتوبر ب اذن الله هل ضروري اختبار pcr راح اخلي الرحله على نصيحتكم 10 ايام فقط في باتومي لدي احد الاصدقاء يقول رجعوه من المطار بدون سبب رغم انه مكتمل الاوراق والله اني بديت اتخوف يااخوان |
اقتباس:
بالنسبة لتجربتي في دخول جورجيا استغرقت دقيقة واحده فقط اسرع بلد دخلته في العالم حتى انه اسرع من دخولي الى السعودية خذ معك هذه الطلبات مطبوعة في ورق ولا تخاف من شي متطلبات الدخول الى جورجيا جرعتين لقاح جواز فيه صلاحية اكثر من 6 اشهر تذكرة مغادرة حجز فندق تامين طبي تعبئة البيانات في الرابط والتالي وطباعة البريد الالكتروني المرسل لكم https://registration.gov.ge/pub/form...eorgia/tk6157/ عشر أيام كثيرة جداً على باتومي الأفضل انك تقسمها بين باتومي وتبليسي |
الله يجزاك خير يالذيب يعني البي سي ار مو مطلوب مني فقط التامين وتعبئة بيانات الدخول وشهادة التطعيم |
ال PCR غير مطلوب من مسافري الجو اهم شي هذه الطلبات ما تنقص منها شي كلها لازم تكون مطبوعة جرعتين لقاح جواز فيه صلاحية اكثر من 6 اشهر تذكرة مغادرة حجز فندق تامين طبي تعبئة البيانات في الرابط والتالي وطباعة البريد الالكتروني المرسل لكم https://registration.gov.ge/pub/form...eorgia/tk6157/ عند دخولي الى جورجيا فقط طلبت شهادة اللقاح والجواز ولم تدقق في شي ابداً |
| الساعة الآن 02:53 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO