|
رحلتي اسوء رحله واسوء ديره ممكن تروح له بحياتك السلام عليكم اول شي انا سمعت عن جورجيا انهم ناس غير محترمين وانفسهم شينه لكن قلت يمكن فيه ناس تشوف الجانب الشين بس لكن والله العظيم انا متحسفه على كل ريال دفعته لهم ناس غير محترمه وتذلك وتستغلك انا رحت باتومي ورحت للقرى باكوريني والقوقاز وتبليسي اوصخ منهم لا نفس زينه لا فنادق تحترم السائح انا مادري ليش فاتحين سياحه اذا تبي رحلة رعب انصحك تغامر معهم انا صراحه تعبت معي اطفالي الرحله مدتها 10 ايام والله العظيم رحلة تعب ولازم تسايسهم عشان مايعصبون عليك السواقين نصابين الفنادق يستغلونك لانك جاي من بعيد يعطونك اي غرفه الحمامات اكركم الله لا مويه لا طشاش نفرح اذا حصلنا طشاش الاكل مايحترمون العرب انه حلال كل عجبك والا موب لازم دوله متسلطه اخر شي بالمطار فتشونا تفتيش اللي مغبين اسلحه انا لو اليوم الى بكرا اكتب عنها صراحه ماراح القا مثلهم شعب نصاب شعب وصخ وانفسهم شينه تدفع فلوس تبغا تنبسط تنذل وكذاب اللي يقول دوله حلوه حتى اسواق ماتحصل ربع اسواقنا دولة فقر ومحتالين ومن قال رخيصه غاااااليه وياليت على سنع على جوده عاديه فيه فنادق استمتعت فيها Pragragh في باتومي صراحه روعه ولابوتا في تبليسي فقط الاستمتاع 4 ايام بهالفندقين الباقي فلم رعب وسلامتكم اي استفسار انا بالخدمه |
يؤسفني سماع الشكوى .. اعتقد المشكله انك اعتمدت على السواق كمرشد و هذا خطأ جسيم يقع فيه بعض السواح .. السائق له مصلحة مع المطعم والفندق و كل شي يوديكم له ياخذ نسبته .. الواجب الواحد يرتب اموره بنفسه ولا يعتمد على أحد .. و خاصة السواقين لان لهم مصالح و هدفهم استغلالك .. |
الله يعينكم ويعوضكم خير بس نحن رحنا من كمن سنه ما قابلتنا المشاكل هاذي بالعكس وايد فرحنا و استانسنا و ناوية اعيد السفرة ان شاء الله يمكن مثل ما قال الاخ ، السائق خرب عليكم استوى لي نفس الشي في سريلانكا لكني ما خليت السائق يعكر مزاجي و يخرب رحلتي |
الله يعوضكم ان شاء الله برحله احلى للاسف جورجيا هالسنه واذربيجان وايد اسمع عنهم كلام مو زين .. اتوقع كورونا اثرت عليهم وايد |
حياك اله ام علك ويعتبر هذا راى شخصي يخصك مسافرين من دول الخليج زارو هذي البلد انبسطو واثنو عليها وعلى الفنادق وغيرها الشي الوحيد المتفق علية وشاهدنا في المقاطع هلى عملية الشحاتة والاستفزاز للسياح من صغار السن :e01d: وكما قال اخي العزيز صفهد يمكن اعتمتي على مرشد او سائق غير نزية |
عليكم السلام الله يعوضكم خير وان شاء الله درس استفدت منه انك تقرأ قبل اتخاذ أي قرار بالسفر انا سافرت الى جورجيا وشاهدة الكثير من السلبيات لكنها لن تعكر جوا الرحلة اذا كان تخطيطك جيد الفنادق فيها السيء وفيها الجيد وهذا يعتمد على اختيارك السائقين لهم مشاكل في اغلب الدول وليس في جورجيا فقط وبما النظام يسمح لك بقيادة السيارة هناك يمكنك الاستغناء عن السائق المطاعم خيارتها كثيرة فيه المطاعم التركية والعربية كلها حلال كذلك العالمية حلال فالأمر فيه سعه بالنسبة لتعامل الشعب مثل الاتراك بالضبط اعتقد ان كل ما حدث معك هو ناتج عن الصدمة بوضع البلد انت راسمه صورة في بالك او احد تحدث معك ورسم لك صوره مخالفه للواقع لذلك انصح كل شخص انه يقرأ قبل ما يقرر فين يسافر ويشوف اكثر من رأي حتى لا يحدث له كما حدث معك وسافرت الى اي بلد اترك عنك المقارنات بالبلدان الأخرى التي زرتها واستمتع بالأشياء المتوفرة لديهم حتى لا تعكر جوا رحلتك |
بالعكس انا سافرت لها وانبسطت الصراحة |
بالعكس انا سامعه ان تعاملهم شين بس حجزت ولا اعتمدت على كلامهم ثاني شي انا مااعتمدت على سواق واحد على عدة سواقين وعلى تطبيقات بولت وغيرها البلد بدائيه انا اشوفها ولا تستاهل الزياره محدودة الفنادق والمطاعم رحت لمناطق كثيره وتنقلت بينهم ولا شي متحضر وزياده المعامله السيئه واستغلالك لانك عربي حتى الفنادق نظامهم سمسار تروح تراكض تدور عليه مع العلم حاجزين بوكينج الاكل تكرم النعمه ماعندهم تنوع ولا في افطارهم رحنا ورجعنا وناكل من فطور الفنادق بيض مسلوق اسفه اعتذر من اللي يمدحها لكن اشين دوله واسوء ناس المطار شلحونا جزمنا وشناطنا حسيت اني ارهابيه انا درت دول كثير بس مثل هالديره والله ماتستاهل ولا ريال ينحط فيها لكن الله يعوضنا يمكن اللي يمدحون معاريس لاهين مع انفسهم لكن كعائله لا تفكر ابداً |
الله يعوضك خير فعلًا جورجيا بلد لايستحق الزيارة سمعت عنه من سنوات ولا فيه امل ازور هالبلد من شفت سفارتنا تحذر بعدم دخول البنادول غسلت يدي ههههههههه |
اقتباس:
من زمان نقول ان بعض الدول روجت لها شركات السياحة على انها دول سياحية وهي بعيدة كل البعد عن السياحة منها جورجيا و أذربيجان وكل الدول التي انفصلت عن الاتحاد السوفييتي السابق جورجيا جميلة لفئة معينه من الناس :- الشباب اللي يبحثون عن الطبيعة و الكشتات مناسبة لهم الناس اللي تبحث عن الثلوج في فصل الشتاء مناسبهم لهم التعامل حتى السياح الأجانب والروس اللي منهم وفيهم يشتكون من سوء المعاملة اعتقد انها طبيعة فيهم وليست عنصرية على العرب فقط مازالت أقول ان التذمر و الإحباط كان نتيجة الصورة الحسنة المرسومة للبلد قبل السفر وعند مشاهدة الوقع كانت الصدمة عنيفة واصبح كل شي ترينه سيئ يا جماعة الخير اي دوله تسافر لها اقرأ عنها قدر ما تستطيع قبل السفر واسأل الجميع هنا في خدمتك ما احد يقصر حتى تستمتع برحلتك بشكل جيد وتكون على علم بالكثير من الأشياء سواً سلبيه او اجابيه وعندك تصور كامل عن الوقع هناك |
| الساعة الآن 06:11 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO