|
رحلتي الي سويسرا ابي مساعدتكم أخواني ابي منكم تعديل و ترتيب مخطط رحلتي الي سويسرا الاثنين: القطار من باريس الي جنيف و من ثم الي لوزان الثلاثاء: لوزارن (ممكن ازور شامونية أو كاندرسيتج وبحيرة أوشن سي) الي انترلاكن الاربعاء: أنترلاكن - جرانيدوايلد الخميس: انترلاكن - البحيرة الزرقاء - شلالات تروميل الجمعة: يوربارك السبت: بحيرة و النسي و شلالات الرين الاحد: انترلاكن -ثن الاثنين: انترلاكن -قشتاد الثلاثاء: أنسي الاربعاء: جنيف و العودة الي أرض الوطن ان شاء الله ان شاء الله سوف استأجر سيارة من جنيف فنادق و أفضل اماكن للاقامة لزيارة جميع المناطق |
رد: رحلتي الي سويسرا ابي مساعدتكم السلام عليكم أخوي . بالنسبة للمخطط يبيله تعديل ...ويبيله تعرف المسافات بين الاماكن السياحية وبين المدن . مثلا : بتقعد يوم واحد في لوزان ..وأرشح لك السكن في الموفنبيك في منطقة الاوشي او ايبيس في السنتر . وهنا تكمل بقية اليوم في لوزان والمنطقة القديمة والاسواق وكذا . اليوروب بارك تبعد ثلاثة ساعات عن انترلكن ...وارشح لك السكن فيها لمدة يوم او يومين على حسب الرغبة . بحيث يكون مخططك لوزان انترلكن اليوروب بارك ثم جنيف (من جنيف تزور شامونيه وأنسي ) راح ارجع لك بعد تحديد المسار ..ونرتب الانشطة مع بعض . في انتظارك |
رد: رحلتي الي سويسرا ابي مساعدتكم يعطيك العافية أخوي المسار بيكون جنيف - لوزان - انترلاكن - يوربارك مع شلالات الريان - انترلاكن(الرجوع الي انترلاكن عشان ما تكون فيه سفره بعيد وا يضا المناطق اللي حولها كثيرة ) - جنيف أخوي هذي اول مره أسافر الي اوربا و دي ترتيب ما يكون متعب و استفيد من الايام |
رد: رحلتي الي سويسرا ابي مساعدتكم الله يعافيك يا الحبيب . طيب انت عندك 8 ايام والترتيب المقترح لها كالتالي : لوزان يوم واحد انترلكن ثلاثة ايام اليوروب بارك يومين جنيف يوم واحد المخطط التفصيلي : اليوم الاول توصل جنيف بمشيئة الله ..ومنها الى لوزان ..تقعد يوم واحد وتتمشى فيها . اليوم الثاني : الخروج من لوزان والمرور على مصنع الشوكولاتة ثم قشتاد وتزور الجلاسيير 3000 والزحليقة اللي فيها ثم الوصول الى انترلكن . اليوم الثالث : زيارة شلال التروميل باخ + قمة اوروبا الثلجية من محطة قطار لوتربرونن . ولو كان عندك وقت ..تزور جريندوالد . اليوم الرابع زيارة مطل هاردركلم + بحيرة الزرقاء البلاوسيه + وقضاء بقية اليوم في ثون . اليوم الخامس : الخروج من انترلكن والمرور على شلالات الراين ثم الوصول الى رست (القرية اللي فيها اليوروب بارك ) ولو خرجت من بدري ..ممكن تلحق على نص تذكرة في العاب اليوروب بارك . اليوم السادس زيارة اليوروب بارك ..وقضاء بقية اليوم في كولمار الفرنسية ...او في ستراسبورغ . اليوم السابع : الخروج من رست ..ثم الوصول الى جنيف (المسافة ماهي بعيدة بالحيل ..كلها ثلاثة ساعات ونص ) وممكن تلحق على نص النهار في أنسي الفرنسية ..قريبة من جنيف ..بحدود 40 دقيقة . اليوم الثامن : العودة بمشيئة الله . وبالتوفيق |
يعطيك العافية اخوي عندي 9 ايام بيوم الوصل الي جنيف و رحلة العودة اليوم العاشر ودي احذف يوربارك من الرحلة عشان أنا ابي ازور دزني لاند باريس و يقولون نفس الشي ابي مكتب أستاجر و الفنادق الله يعطيكم العافية |
اذا بتحذف اليوروب بارك ...راح يصير مخططك المقترح : (من واقع تجربة ..أبدا اليوروب بارك ماهي مثل الديزني في باريس) لوزان يوم واحد انترلكن اربعة ايام لوزيرن او كونستانس يومين جنيف يومين اضافة لوزيرن او كونستانس الى المخطط ..للوصول الى الانشطة في شمال سويسرا ..منها شلالات الراين وجزيرة الورود . ولا اذا بتريد المخطط : لوزان يومين انترلكن اربعة ايام جنيف ثلاثة ايام . وشوف ايش المناسب لك ..وفي انتظارك . |
الله يعطيك العافية أخوي أخوي شوف الترتيب كذا بيكون جيد - عشان ودي احجز الفنادق - و السيارة ألاثنين - جنيف - لوزان الثلاثاء - لوزارن- انترلاكن الاربعاء انترلاكن الخميس انترلاكن الجمعة انترلاكن السبت انترلاكن - شلالات الرين رست الاحد لوزرين -كولمار الاثنين لوزرين -أنسي- - هل ممكن زيارة مونترو الثلاثاء أنسي - جنيف الاربعاء - من جنيف العودة بمشيئة الله . |
أخواني أنا في انتظار نصائحكم أخر يوم بيكون بجنيف هل يحتاج سيارة و لا اسلمها. |
السلام عليكم ورحمة الله وبركاته ما قصر مشرفنا ، بعطيك وجهة نظري لوزان و مونترو بينهم 30 كم (نص او ساعة الا ربع) بالسيارة لو وصولك جنيف بدري شوي ممكن تزورهم سوا والسكن في الاوشي ثاني يوم ممكن تكمل جولتك فيهم الى الظهر وبعدها تروح انترلاكن الجمعة خليها انترلاكن ولوزيرن السبت بدري شوي (8 الصبح) تروح على الراين ساعنين بالسيارة وتجلس فيها كمان ساعتين بعده على رست (ساعتين بالسيارة) روح الألعاب على طول بعدين ارجع للسكن وحاول تسكن في رست نفسها الأحد الصبح بدري شوي (شيك اوت من الفندق) وروح كمل الألعاب اذا بقي في خاطرك شي ويعدها الى كولمار ومن كولمار الى جنيف (3 ساعات تقريبا) والسكن في فرنيه او ديفون او تواريه الأثنين تزور أنسي و لا كلوزاس الثلاثاء ايفيان وشامونيه الأربعاء الى مطار جنيف وتسلم السيارة وترجع سالم غانم باذن الله |
المخطط التفصيلي : اليوم الاول: الاثنين. الوصل جنيف تقريبا الساعة 1 الظهر ..ومنها الى لوزان-مونترو-الاوشي ..تقعد يوم واحد وتتمشى فيها . افضل في اي منطقة اسكن (اقتراح فنادق ) اليوم الثاني : الثلاثاء الخروج من لوزان والمرور على مصنع الشوكولاتة ثم قشتاد وتزور الجلاسيير 3000 والزحليقة اللي فيها ثم الوصول الى انترلكن . اليوم الثالث : الاربعاء زيارة شلال التروميل باخ + قمة اوروبا الثلجية من محطة قطار لوتربرونن . ولو كان عندك وقت ..تزور جريندوالد . اليوم الرابع : الخميس زيارة مطل هاردركلم + بحيرة الزرقاء البلاوسيه + وقضاء بقية اليوم في ثون . اليوم الخامس : الجمعة لوزرين اليوم السادس : السبت الخروج من لوزرين والمرور على شلالات الراين ثم الوصول الى رست اليوم السابع : الاحد الرجوع الي انترلاكن و المناطق اللي حولها اليوم الثامن: الا ثنين الخروج من انترلاكن..ثم الوصول الى أنسي الفرنسية ..قريبة من جنيف ..بحدود 40 دقيقة . اليوم التاسع : الثلاثاء أنسي - وشامونيه - الرجوع الي جنيف (ودي اقضي اخر يوم في جنيف ) اليوم العاشر : الاربعاء العودة الي ارض الوطن ان شاء الله |
عندك حوالي 9 أيام وبما انكم بتكونون قادمين من باريس فاقترح عليك تطلع من باريس الى ستراسبورج بالقطار ومن ستراسبورج تستأجر سيارة وتروح لرست يومين ثم انترلاكن 4 أيام وأخيرا جنيف وما حولها 3 أيام وفي الطريق من رست الى انترلان تمر على شلالات الراين ثم لوزيرن وفي الطريق من انترلاكن الى جنيف تمر على غشتاد ثم مصنع الشوكلاته وزحليقة ميلسون زيارة قمة جونغفرو في انترلاكن تغنيكم عن قمة جلاسير 3000 والسيارة تستلمها من ستراسبورج وتسلمها مطار جنيف القسم الفرنسي |
السلام عليكم والمعذرة للتأخر بالرد : اخوي ..هذه الصورة توضح مواقع المدن ..انترلكن لوزيرن شلالات الراين رست . http://www.arabtrvl.com/up/uploads/a...2871796870.jpg في مخططك لازم تسكن في رست ..مثلا يومين ..بعد انترلكن . بحيث تطلع من انترلكن وتزور الشلالات ثم رست من رأيي ان رجعة انترلكن مرة ثانية راح تكون صعبة شوي ..فأنت خلص من انترلكن ..ثم الراين ..ثم رست ..ولو ودك تسكن في لوزيرن عاد براحتك ..ولا تشدها الى جنيف . وفي انتظار رأيك |
الله يعطيكم العافية أخواني أخوي مقدم اقتراحك ممتاز بس المشكلة اني حجزت قطار من باريس الي جنيف. ما ادري كيف التعديل. أخوي ميد ابي الغي رست شايفها بعيد, عشان ازور شلالات الراين وين اسكن - لوزرين. بعيدين أرجع من لوزرين الي أنسي أو جنيف. |
اوكي ..كلام منطقي . يبقى تسكن لوزيرن او ضواحيها عشان تعمل زيارة للشلالات يصير : لوزان يوم واحد انترلكن أربعة ايام لوزيرن يومين جنيف يومين ======== بالنسبة لتغيير حجز القطار ...يعتمد على نوع التذكرة اللي اخذتها ..هل مسموح فيها التعديل ولا غير مستردة ؟ ممكن تقرا الشروط والاحكام الخاصة بالتذكرة . وبالتوفيق |
يعطيك العافية أخوي أخوي الشروط واضحة تحت, بس طريقة التواصل معهم احسنها معقدة. ابي رايك اروح مع اقتراح الاخ مقدم او ابقاء علي نفس مخططنا Terms & Conditions: TGV Lyria Leisure 2 Adult Ticket Ticket is valid for all travelers. Exchange Policy Tickets can be exchanged before train departure for a fee. Refund Policy Paper Tickets: Ticket is refundable up to 2 business days before train's departure date. Cancelation of tickets will incur a 20 Euro fee per ticket. Print at Station/Print at Home e-tickets: Tickets are refundable before train's departure. Cancelation of tickets will incur a 20 Euro fee per ticket. To receive a refund you must send a request to the issuing office. Refunds and Exchanges are subject to a 7% administrative fee per ticket. |
مخطط العمدة مقدام اسهل وأوفر وعلى اتجاه واحد . وعلى حسب الشروط ..ممكن استبدال التذاكر قبل موعد الرحلة . اذا انت حجزتها من النت ..ممكن تعدل عليها اول ما توصل باريس ..بشرط يومين عمل قبل موعد الرحلة . وهذا موقعهم ممكن يفيدك : E-ticket: conditions of the electronic ticket - TGV Lyria وكما هو مذكور ..التعديل عن طريق الاتصال بهم او عن طريق الابليكيشن تبعهم على السمارت فون . مع العلم ان الشركة تي جي في لايرا مخصصة للرحلات خارج فرنسا اذا اخترت باريس كمحطة مغادرة . أنا اشوف انك ترسل لهم ايميل عن طريق الموقع على هذا الرابط : Contact us في أسوأ الاحوال ..انك تلغي التذكرة ..وراح يكون عليها رسوم 20 يورو للتذكرة ..وتاخذ تذكرة جديدة . وان شاء الله الشباب اللي عندهم خبرة في الموضوع بيفيديونا . وبالتوفيق |
الله يعطيكم العافية كنسلت حجز باريس جنيف القطار بس لقيت حجز غالي من باريس الي سترابيوغ ٣٠٨ يورو شباب حجز السياره من Avis كيف هالمكتب ابي فنادق احجز بأسرع وقت |
الفزعة الوقت قرب وانا ما حجزت فنادق |
اخواني الوصول سترابيوغ الساعه ٢ الظهر هل استأجر فيها و لا اروح رست ( انا ودي بس شلالات الراين يوم ) هل احتاج استأجر في لوزرين ولا مرور كفايه استأجر بس في إنترلاكن ٤ ايام بعدها مونتر ثم انسي ثم جنيف كل وحده يوم فنادق مجربه و اسعارها معقوله ألمساعده مطلوبه في أسرع وقت |
من توصل ستراسبورج استأجر سيارة ثم تمشى في ستراسبورج وبعدها اطلع الى رست اذا بتزور اليورب بارك وفي الطريق من رست الى انترلاكن ممكن تمر على شلالات الراين ثم لوزيرن بالنسبة للفنادق فالافضل لك موقع بكونج وشوف اللي يناسبكم منه اخر 3 أيام من وجهة نظري انكم تسكنون في مكان واحد واقترح عليكم ديفون او فرنيه او تواريه القريبات من جنيف ومنها تزورون انسي وشاموني وجنيف |
الله يعطيك العافية اخوي مقدام انا ما ودي اروح يوربارك (ألعاب دزني كفاية وما معي اطفال) الان استأجر برست يوم ولا تقترح مكان ثاني اهم شي عندي شلالات الرين وإذا فيه شي مكان ثاني لازم أزوره عطني خبر ثم انترلاكن ٤ ايام ابي يومين حول جنيف مونتر و انسي و شامونيه اخر يوم جنيف ثم العوده |
الله يعافيك اخوي انا عرضت عليك تطلع من باريس الى ستراسبورج لانك كنت تنوي زيارة اليورب بارك واذا ما تريد تزور اليورب بارك فممكن تطلع من باريس الى زيورخ مباشرة بالقطار ومن زيورخ او لوزيرن تزور شلالات الراين واذا كنت حجزت التذاكر للقطار فممكن بعد ما توصل ستراسبورج وتتمشى فيها تطلع بالسيارة الى فرايبورج الألمانية وتبات فيها ليلتين الأولى بتكون ليوم الوصول والثانية ممكن تزور زحليقة وشلال تودناو ثم تتمشون في فرايبورج واليوم الثالث تطلع من فرايبورج الى انتراكن وبالطريق تمرون على شلالات الراين ثم لوزيرن ثم مطل بحيرة لونجيرن واللي بيكون على الطريق وبالتوفيق |
اخوي مقدام الله يعطيك العافيه تعبتك معي الان حجزت استراسبورج الوصل الساعه ١ ونص الظهر و بعدين ابي اخذ سياره و ابي اقرب منطقه للشلالات الرين يوم ثم بعدين لوزرين بالطريق الي انترلاكن ثم جنيف اذا احد جرب فندق و ينصحنا فيه يعطيني خبر |
الله يعافيك ان شاء الله شلالات الراين تبعد عن ستراسبورج ساعتين ونص واقترح عليك تسكن في فرايبورج اللي تبعد ساعه عن ستراسبورج وساعه ونص عن شلالات الراين |
طيب اخوي شكلي ابي اكنسل استراسبوغ واطلع انترلاكن فيها قطار يطّلع دايريكت ع انترلاكن اخواني تراني حايس و محتار و اول مره اسافر أوربا |
اخوي يعطيك العافيه كنسلت ستراسبورغ و حجزت على انترلاكن ٥ ساعه و شوي و تبديل قطار ابي فندق حلوى و استأجر سياره حاولت في موقع Avis بس ما يجيب انترلاكن |
من باريس اطلع بالقطار الى بازل ومنها استأجر سيارة وتبعد عن انترلاكن حوالي ساعه ونص وممكن بعد تطلع من باريس الى زيورخ والقطارات مباشرة ومن زيورخ تستاجر السيارة انترلاكن فيها شركة ايفيس ,وايضا شركة يورب كار وهيرتز شركة ايفيس مواعيد عملها من الساعه 8 الى 12 الظهر ومن الساعه 2 الظهر الى 6 المساء والسبت من الساعه 8 الى 2.30 الظهر والأحد مغلقة |
الله يعطيكم العافيه اخواني ابي اطلع من انترلاكن و أزور قشتاد و مصنع الشوكولاتة و الجبن و مونتر و لوزان (هل اسكن مونتر او لوزان او امديني اكمل و اسكن ديفون) بيكون باقي يومين ابي اسكن ديفون او جنيف وأزور انسي و شامونيه ابي منكم الإحداثيات و اقتراح فنادق |
الأفضل تطلع بدري من انترلاكن وتمر على غشتاد ثم مصنع الشوكلاته مع الغاء مصنع الجبن وبعدها تختار مونترو او لوزان لان ما بيكون عندكم وقت لزيارتهم كلهم وممكن تمر مونترو أولا والمساء تمر لوزان تتمشى على شاطي الاوشي والسكن يكون في ديفون افضل لكم واقرب لزيارة انسي وشاموني واليوم الثاني تطلع بدري وتزور شاموني وبعدها انسي الاحداثيات تلقاها في هذا التقرير احداثيات ومواقع الاماكن السياحية في سويسرا وما حولها |
| الساعة الآن 03:52 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO