|
اسئلة تحتاج للاجابه من عشاق سويسرا السلام عليكم السفر الى سويسرا شهر اغسطس بس حبيت اعرف طريقة السكن انا متعوده في تركيا واي دوله اروح لها ان احجز اول يومين فقط والباجي احجزه وانا بالدولة ؟ هل هذه الطريقة تنفع في سويسرا ؟ وانا من الكويت الى زيورخ 15 يوم شنو المناطق اللي تنصحوني فيها لان ما اعرف اي شي عن سويسرا 0 يعني المختصر / ابي اهم المناطق ؟ وطريقة الحجز ان فقط يومين واذا وصلت سويسرا احجز براحتي هناك , ينفع ؟ وشكرا |
رد: اسئلة تحتاج للاجابه من عشاق سويسرا اقتباس: المشاركة الأصلية كتبت بواسطة محبة الاسفار http://www.arabtrvl.com/vb/traveler/...s/viewpost.gif السلام عليكم وعليكم السلام ورحمة الله وبركاته السفر الى سويسرا شهر اغسطس بس حبيت اعرف طريقة السكن انا متعوده في تركيا واي دوله اروح لها ان احجز اول يومين فقط والباجي احجزه وانا بالدولة ؟ هل هذه الطريقة تنفع في سويسرا ؟ ايه نعم تنفع .. ماعندك مشكلة بس .. ممكن يكون الفندق اللي انتي ساكنه فيه يكون فل وزحمه ويقولون لك طلعي فيه غيرك حاجز الغرفه من النت وانتي تبين تمددين ولا عندنا مجال.. هذا فقط ماتخافين منه خصوصا انك بتروحين وقت موسم. وانا من الكويت الى زيورخ 15 يوم شنو المناطق اللي تنصحوني فيها لان ما اعرف اي شي عن سويسرا 0 15 يوم ماشاء الله حلو وكثيره .. ليه ماتضيفين دوله ثانيه معهم ليه ماتروحين المانيا ؟؟ تراها قريبه .. كلها ساعتين او ثلاث بالسياره وليه ماتروحين النمسا؟؟ ايضا تراها قريبه من المانيا ومن سويسرا اغلب المسافرين الى اوربا تكون عندهم هذه المده اللي هي 15 يوم يروحون هذه الدول الثلاث انا رحت النمسا والمانيا وسويسرا وباريس خلال نفس المدة تقريبا على العموم الامر راجع لك .. ممكن انك كل سنه بتروحين دوله المهم نرجع لسؤالك .. بالطبع وبكل تأكيد انترلاكن لاتفوتك يبغى لها اربع الى خمس ايام عشان تلفين الاماكن السياحيه اللي فيها سواءُ بتروحين دوله او اكثر من دوله انترلاكن لاتفوتك وباقي المدن السويسريه انا مازرتها يعني المختصر / ابي اهم المناطق ؟ وطريقة الحجز ان فقط يومين واذا وصلت سويسرا احجز براحتي هناك , ينفع ؟ وشكرا حياك الله واتمنى اني افدتك وان شاء الله باقي الاعضاء االاكثر خبره يفيدونك اكثر |
رد: اسئلة تحتاج للاجابه من عشاق سويسرا يعطيك العافيه اخوي بوريم بس سؤالها عن الفنادق اتوقع انها تقصد لما توصل هناك تحجز فندق بمنطقه ثانيه مش تمديد للفندق الي ساكنه فيه يعني مثلا ماخذه بفندق في انتر لاكن وتبغي وهي هناك تحجز فندق في لوزيرن بهذي الطريقه لا طبعا ما انصح ولا تسوينها لأسباب كثيره راح اذكرها في ردي عليها جزاك الله خير اخوي رائد على ردك |
رد: اسئلة تحتاج للاجابه من عشاق سويسرا مثل ماقال الأخ رائد انترلاكن من أهم المدن مو بس في سويسرا في اوروبا ، ولاااازم تزورينها وفعلا 15 يوم على سويسرا كثيرة ، انا فاهم ان كثرة التنقلات تخرب متعة السفر او ممكن زرتي كل الدول الأوروبية المهم ، لو كانت اول زيارة لك في أوروبا ، انصحك توزعينها يومين زيورخ ، 5 أيام انترلاكن ، والأيام الباقية تكون في دولة ثانية ، مثلا ايطاليا من زيورخ لانترلاكن ساعة ونص بالسيارة ومن انترلاكن الى ميلان 3 ساعات وشوي بالسيارة |
رد: اسئلة تحتاج للاجابه من عشاق سويسرا اقتباس:
العفوووو الاجابه فوق اختي باللون الاحمر بالتووووفيق |
رد: اسئلة تحتاج للاجابه من عشاق سويسرا اقتباس:
|
رد: اسئلة تحتاج للاجابه من عشاق سويسرا اقتباس:
حبيت ايطاليا جوها غير وممكن تكون للتسوق يعني لو اخلي كويت سويسرا ايطاليا كويت افضل , صح ؟ شكرا استفدت من كلامك |
رد: اسئلة تحتاج للاجابه من عشاق سويسرا اقتباس:
انا دخلت بوكينق الخيارات قليله خصوصا للعائلات فاذا في موقع اتمنى تنزله هني للاسف انا كانت لي تجربة بحجز فنادق وانصدمت بالواقع فبكل سفراتي احجز ليلتين والباجي اروح بنفسي اشوف واختار فاذا تعرف فنادق او فلل او شقق معروفه وتم تجربتها من خليجين لا تبخل علي انا جدولي حاليا كويت سويسرا ايطاليا كويت شلون بيكون خط سير الرحلة ؟ والله يعطيك العافية ما تقصر :(114): |
رد: اسئلة تحتاج للاجابه من عشاق سويسرا اقتباس:
مو مشكله صح مثل ماقلتي راح تكتفين من الطبيعه في سويسرا وايطاليا خيار جيد بس احب اضيف لمعلوماتك او اذكرك بشي قريب يمك الا وهو يورب بارك في المانيا (هي عباره عن مدينة ملاهي .. الاشهر في اوربا والاحلى.. وبعضهم يقولون انها احلى من ديزني لاند في باريس .. انا رحت ديزني لاند روعه روعه روعه.. واستغربت ان البعض يقولون ان اليورب بارك احلى منها بس انا مارحت اليورب بارك عشان احكم) وين اليورب بارك في المانيا ؟؟مش متاكد... بس اعتقد انها في مدينه قريبه من سويسرا اسمها روست والشي الثاني ميونخ في المانيا (تعتبر مدينة ميونخ مكان جيد للتسوق) |
رد: اسئلة تحتاج للاجابه من عشاق سويسرا اقتباس:
الله يعافيج يااااارب اختي تطمني لما بنختار لج فندق بأذن الله راح يكون مجرب بس اهم شي الميزانيه تكون حلوه طبعا كل فندق له سعره انا بعطيج فنادق مجربه وحلوه وان شاء الله انا اضمنها انها راح تعجبج بالنسبه لفندق زيوريخ هذا انا مجربه وانصحج فيها وقريب من شارع البانهوف اهم شارع في زيوريخ فندق ماريوت Booking.com: ظپظ†ط¯ظ‚ ظ…ط§ط±ظٹظˆطھ ط²ظˆط±ظٹط® - ط²ظٹظˆط±ط®, ط³ظˆظٹط³ط±ط§ وفي انتر لاكن فندق فكتوريا Booking.com: ظپظ†ط¯ظ‚ ظˆط³ط¨ط§ ظپظٹظƒطھظˆط±ظٹط§ ظٹظˆظ†ط؛ظپط±ط§ظˆ ط؛ط±ط§ظ†ط¯ - ط¥ظ†طھط±ظ„ط§ظƒظ†, ط³ظˆظٹط³ط±ط§ في لوغانو انا مبدئيا سويت لج تخطيط وقابل للتغير والتعديل ان شاء الله فندق سبلانديد Booking.com: ظپظ†ط¯ظ‚ ط³ط¨ظ„ط§ظ†ط¯ظٹط¯ ط±ظˆط§ظٹط§ظ„ - ظ„ظˆط؛ط§ظ†ظˆ, ط³ظˆظٹط³ط±ط§ في ميلانو فندق غراند روزا موقعه فوق الممتاز ومجرب بس الافضل تاخذين غرفه ديلوكس او سويت ديلوكس ابعدي عن السبريور Booking.com: ظپظ†ط§ط¯ظ‚ ط³طھط§ط± ظ‡ظˆطھظٹظ„ط² ط±ظˆط²ط§ ط؛ط±ط§ظ†ط¯ - ظ…ظٹظ„ط§ظ†, ط¥ظٹط·ط§ظ„ظٹط§ وفندق ارقى ومجرب وهو من ارقى فنادق ميلانو ومن احلاهم موقع Booking.com: ظپظ†ط§ط¯ظ‚ ط¨ط§ط±ظƒ طظٹط§ط© ظ…ظٹظ„ط§ظ†ظˆ - ظ…ظٹظ„ط§ظ†, ط¥ظٹط·ط§ظ„ظٹط§ فندق زيرماتر هوف في زيرمات Booking.com: ظپظ†ط¯ظ‚ ط؛ط±ط§ظ†ط¯ ط²ظٹط±ظ…ط§طھط±ظ‡ظˆظپ - طھط²ظٹط±ظ…ط§طھ, ط³ظˆظٹط³ط±ط§ الخطط الحالي الوصول زيوريخ الجلوس فيها (يومين ) والذهاب الى انتر لاكن والجلوس فيها ( 5 ايام ) الذهاب الى زيرمات والجلوس فيها ( يومين ) الذهاب الى لوغانو والجلوس فيها ( يومين ) الذهاب الى ميلانو والعوده منها الى البلد والجلوس فيها ( 3 ايام ) المجموع 14 ليله في ليله واحده اذا لكم خاطر تروحون فينيس او لا اي شي ماعجبج سواء الاماكن او الفنادق ممكن نغير ونعدل وبالتوفيق اختي |
رد: اسئلة تحتاج للاجابه من عشاق سويسرا انا قلت لك انتظري اهل الخبره يردون عليك والحمدلله ردوا عليك بالنسبه للفنادق هل تقدرين تحجزين حق يومين وتكملين الحجوزات مباشر من هناك كان هذا سؤالك وردوا عليك اللي اخبر مني وقالوا لك انه زحمه واكيد الاسعار بترتفع واحتمال كبير ماراح تحصلين فندق فاضي الا شي دون المستوى او بسعر مبالغ فيه وخصوصا انهم هناك يهتمون بالعرض والطلب هذا رد اهل الخبره عليك واحب ازيدك من الشعر بيت عشان تسوين فيزا الشنجن لازم تكون حجوزات الفنادق حق كامل المده اللي بتجلسينها هناك موجوده معك وقت تقديم الطلب على الفيزا .. لانهم بيسألونك وين بتجلسين هذه الايام اللي بدون حجز؟؟ وبكذا بيرفضون طلب الفيزا .. هذا الكلام يخص السعوديين .. ماادري عنكم في الكويت وفيه لها حل انه تسوين حجوزات وهميه .. بس ماانصح فيها يعني انا غلطت يوم اجاوبك و اقولك انه يصلح هو ماتصلح طريقتك من كل النواحي بالتوفيق |
رد: اسئلة تحتاج للاجابه من عشاق سويسرا اقتباس:
اولا الفنادق لا تستقبل الا شخصين ومثل ما ذكرت بالبداية الرحلة عائلية فهل كل فنادقهم جذي ؟ فندق ميلانو حبيته كموقع وحتى العدد فيه راح اخذ 3 غرف والفندق الاخير ايضا جميل من حظي فنادق ايطاليا فنادقها تستوعب العوائل عكس سويسرا بس لا هنت اي اعرف خط سير الرحلة كم ساعه التنقل بين مدينه ومدينه ؟ لان بالاسامي فقط اعجبني واحسه منظم ويعطيك ربي الف عافية ما تقصر |
رد: اسئلة تحتاج للاجابه من عشاق سويسرا اقتباس:
هالشي سبب لي قلق للامانه اهم شي عندي - الشعب يكون طيب ويحب السواح - يتكلم انجليزي المانيا كسرت هالقاعدتين عندي |
رد: اسئلة تحتاج للاجابه من عشاق سويسرا اقتباس:
|
رد: اسئلة تحتاج للاجابه من عشاق سويسرا السلام عليكم أنا أعيش في سويسرا إذا تحتاجي للمساعدة هنا في سويسرا أقدر اساعدك إن شالله انا أسكن في مدينة زوريخ مع تحياتي |
| الساعة الآن 05:32 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO