بسم الله الرحمن الرحيم
(الافضل انك تعبي البيانات الموجوده في الابلكيشن اللي عطوك عندما شريت البضاعه قبل لا تروح لمكتب التاكس فري في المطار)
التاكس فري .. بعد ما تدخل وتقص البوردنق تطلع للدور الثاني وتدخل من عند السيكيورتي (التفتيش) بعدها تلف يمين وتحصل مكتبهم على يدك اليمين .. طبعا اول موظف على يدك اليمين للي يبي يدخل الفلوس المسترجعه لبطاقة الفيزا والموظفين الثاني والثالث للي يبي الفلوس كاش.. اذا معك مشتريات من ايطاليا او فرنسا ممكن انك تروح وتختم الفواتير من القسم الفرنسي .. وهذا سهل وسوف يتم شرحه بشكل مبسط لاحقا.. وبعدها ترجع للمكتب هذا ويصرف لك الفلوس ..
للتختيم من القسم الفرنسي : الافضل تسأل موظفه مكتب التاكس فري عن مكان القسم الفرنسي لتشرح لك الطريق بشكل أوضح .. وهو بوصف بسيط انك تذهب الى اللفت اللي في نهاية السيب بعد مكتبهم على اليمين .. وتنزل مع اللفت تحت .. وبعدها تدخل للقسم الفرنسي وتسأل أي واحد من الامن عن مكتب التاكس فري (موقعه شوي مهوب واضح ) وهم بيدلونك وبعدها تختم فواتيرك وترجع للتفتيش الفرنسي وبعدها تطلع فوق وترجع لنفس مكتب التاكس فري ويكون امامك بعد ما تطلع .. وتخلص امورك ..

هذه مجرد معلومات بسيطه علشان تكون عند الواحد فكره ولو بسيطه عن الموضوع .. فلا بد من سؤال المختصين في المطار