|
مساعدة بترتيب جدول اسعدكم الله السلام عليكم ورحمة الله وبركاته أنا وزوجي قررنا نسافر الصيف القادم (شهر يونيو / يوليو ) باذن الله لاوروبا .. ومعنا طفلين 7 سنوات و سنتين ونصف ونفضل تكون الوجهه الاساسية سويسرا لجمال طبيعتها حسب اطلاعنا البسيط و بنتي خاطرها بباريس ( برج ايفل و دزني لاند ) احنا يهمنا الاستمتاع بالطبيعة و الاسترخاء بالدرجة الاولى وبعدها الملاهي و بعدها التسوق بخصص له يومين مولات ويفضل اوت لت عاد رشحوا لي افضل الاوت لتات ومدن التسوق .. المدة راح تكون 15 يوم ميزانينا تقريبا 40 الف شامله التذاكر اذا ممكن ترتبون لي جدول ع اساسه احجز التذاكر و السكن و يفضل تكون المطارات السهله و الغير معقده لان اللغة بعد عندنا مش حالك و افضل وسيلة مواصلات لان زوجي رافض يستأجر سيارة وجزاكم الله خير الجزاء ... |
وعليكم السلام الله يحييك بيننا الافضل بالطبع تستأجروا سيارة وهذا راح يوفر عليكم كثير لأن القطارات برضها راح تكون اغلى ارشح يكون الوصول جنيف والمغادرة ميونخ جنيف 2 يوم انترلاكن 5 يوم زيورخ 2 يوم كولمار 2 يوم ( العاب يورب بارك ) شتوتغارت 2 يوم ( اوتلت metzingen ) ميونخ 2 يوم |
الوصول جنيف ٦ انتزلاكن وماحولها ٣ جنيف عشان انسي وشامونيه وايفيان و لوزان و مونترو قطار من جنيف الى بازيس ٤ باريس يوم خذو قطار روحو بروكسل ساعه ونص بس يومين ديزني المغادرة باريس |
اقتباس:
|
وعليكم السلام ورحمة الله وبركاته الجدولين حلوين وأهم شي تقنعي زوجك بالسيارة لأن الطبيعة والأرياف في أوروبا بدون سيارة تعتبر متعة ناقصة خصوصا بوجود أطفالك الله يحفظهم (بلاشي بهدلة القطارات) وانا بعطيكي جدول ثاني الوصول باريس والمغادرة ميونخ 4 ليالي باريس وقسميها براحتك وحسب استطاعتك (بس اهم شي رتبي وضعك انك ما تروحي ديزني في ويك اند) طيارة الى شتوتغارت (ليلتين) اول ليلة في شتوتغارت ثاني يوم بالباص او القطار او تستأجروا سيارة وتروحي اوت لت ميتزنجن بالسيارة من شتوتغارت الى فوشن (ليلتين) زيلامسي / كابرون (5 ليالي) يوم لزيارة سالزبورغ (فيها اوتلت كمان) ميونخ (ليلة) وخذي فندق قريب من المطار (واذا كان عنده خدمة توصيل مجاني من والى المطار سلموا السيارة في المطار وخلوا الفندق ياخذكم من المطار ويرجعكم ثاني يوم) |
جنيف 2 يوم انترلاكن 5 يوم زيورخ 2 يوم كولمار 2 يوم ( العاب يورب بارك ) شتوتغارت 2 يوم ( اوتلت metzingen ) ميونخ 2 يوم عجبني الجدول هنا لكن ما حبيت تكون الاقامة يومين اقل شي 3 ايام خاصه ان معنا اطفال ما افضل كثرت التنقلات اكنسل ميونخ و اخلي العودة من شتوتغارت مع انه ما ادري عن مطارهم رايكم .. و مازلت محتاره في باريس برايكم اكنسلها ؟؟ ولا ازيد الايام واضيفها دامها بخاطر بنتي احترت .. و راح نستأجر سياره من جنيف و نسلمها بميونخ موب يصير فيه ضريبه تسليم بدوله اخرى تسوى ولا ما تسوى.. أفضل تكون التنقلات قليلة المطارات واضحه.. احترت جداً .. |
شتوتغارت مافي رحلات دولية مباشره من الخليج حسب ما اذكر لذا جدولي اهدى في التنقلات فقط ٣ اماكن الوصول جنيف المغادرهباريس |
طيب ايش رأيك باريس 4 ليالي طيران / قطار الى زيورخ واستلام السيارة والتوجه الى انترلاكن 6 ليالي ميلان 4 ليالي تسليم السيارة آخر يوم في لوغانو السويسرية وببالقطار من لوغانو الى ميلان |
مشاركة |
والله ما ادري أحترت .. أنتم أيش رايكم كرحلة أولى لأوروبا وش أفضل المدن أخليها سويسرا و باريس أو سويسرا و ألمانيا ... وكيف تكاليف المعيشة في باريس و ألمانيا من ناحية المطاعم .. |
ايش رأيك الوصول جنيف والعودة باريس جنيف وصول واستلام سيارة من القسم الفرنسي ومباشرة الى انترلاكن (5 ليالي) فرايبورغ (4 ليالي) ليلة ستراسبورغ (تسلمي السيارة) وبالقطار الى باريس (4ليالي) |
اقتباس:
ممتاز تكسبوا يورب بارك والديزني لاند وقريب من الديزني اوت ليت جيد جداً باريس مهمة خاصة انها اول سفرية لاوروبا |
الحمد لله تم حجز تذاكر الطيران الوصول الى جنيف الساعة 2 الظهر يوم الاثنين 2/7/2018 والعودة من باريس الساعة 11 و ثلث الصباح الاربعاء 17/7 / 2028 تقريبا عندنا 16 يوم بقسمها بين سويسرا و باريس وزوجي رافض قطعيا استئجار سيارة فبنستخدم الموصلات العامة و التاكسي الله يجزاكم خير رتبوا لي الجدول الرحلة عشان اقدر احجز السكن بما ان عندكم خبرة بقرب وبعد الاماكن و طريقة التنقل بينها افضل زيارة انسي او شامونية و انترلاكن و باريس برج ايفل و ديزني لاند اهم نقطة اني ازور اهم المعالم بدون مشقه بالتنقلات والقطار من جنيف لباريس احجز تذاكره من اللحين او شرايكم احجز طيران داخلي افضل !! |
راح تفوتكم نص المتعه بدون سيارة باريس مايحتاج لها سياره بس سويسرا والجنوب الفرنسي ضروريه السيارة والنقل بالمواصلات العامه متعب جدا وانتظار مقيد بالوقت القطار من جنيف الى باريس احجزي التذكره من المحطة الرئيسيه من جنيف ولو حجزتي من النت عادي وكذلك افضل من الطيران واقل وقت لانو الطيران لازم ذهاب قبل الرحلة بساعتين تحسباً لاي طاري مثل الطريق ...الخ واحسبي عليها مدة الطيران وانتظار الحقائب وبعدها التاكسي الى باريس اقل شي يحتاج 4 ساعات الى 5 بالقطار 3 ساعات ونص وانتي وسط باريس |
جزاك الله الف خير انا جالسه اقنعه بالسواقه وكانه تقبل الفكره نوعا ما طيب كيف ارتب الايام فكرت يكون كذا يوم جنيف (السكن في فندق من بوكينج) 3 ايام انسي احترت بالسكن فيها رشحوا لي 6 ايام انتر لاكن نفس المشكله احترت وين اسكن ودي بشقه فيها بلكونه واطلاله والدفع عند الوصول بس مالقيت في بوكينج 6 ايام باريس افكر اخلي يومين فندق جنب ديزني و 3 ايام وسط باريس شرايكم ورشحوا لي فنادق كويسه وبسعر معقول.. |
خلي سكنك بديفون او توريه ارخص بالسكن هي قرى فرنسية جنب مطار جنيف ومنها تزوري جنيف وانسي ومايضيع وقتكم بالخروج والدخول للفندق الافضل بالقطار ايوه يمديك تحجزي من الحين |
| الساعة الآن 05:08 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO