|
مساعدة بخصوص سويسرا عاجلة السلام عليكم اخواني ناوي اسافر باذن الله سويسرا اول مرة اسافر اوروبا حاب اشوف الطبيعة والناس واغير جو المبلغ اللي معاي حدود 30 الف ( طيران - سكن - مصروف يومي ) ساعدوني باللي تعرفونه اخوكم مايعرف لااماكن ولا فنادق ولاغيره وافضل وقت يكون الجو حلو ولافيه زحمة |
وعليكم السلام هل انت مسافر لوحدك ؟ |
اقتباس:
لا معي زوجتي |
اشوف مصروفكم اليومي راح يكون حدود 2000 ريال لذا لابد تشيك رحلات الطيران من مدينتك وتشوف كم تكلف لشخصين عشان تحسب كم يوم تكون الرحلة بالصيف جو سويسرا حلو في العشرينات عدا القمم الثلجية المخطط تستاجر سيارة اقتصادية صغيرة وتحاول تبحث عن فنادق 3 نجوم وتعتمد على المطاعم السريعة عشان تقضي مدة اطول |
اقتباس:
طيب الفنادق من وين احجزها - عن طريق وكالة الطيار - او بوكنج - لان صديق لي يقول لاتحجز من هنا تطلع عليك اكثر احجز يوم او يومين اول وصولك وبعدين تختار الفندق اللي يريحك وتاخذه بسعر اقل |
اقتباس:
الكلام هذا تطبقه لو انك طالع لحالك او مع شباب ممكن اما مع عائلتك انصحك تحجز كل شي طيران + فنادق + سيارة لان المدة عندك محدودة وكذلك الميزانية فلا تغامر ارسم خطتك واحجز الفنادق من بوكنق وامشي على الخطة بحذافيرها راح تستمتعون لانكم عارفين المخطط مسبقاً |
طيب وش رايك في وكالة الطيار لقيت عندهم عرض حلو ولا بوكنج افضل من خلال خبرتك |
حط عرضهم هنا نشوفه عشان نقدر نحكم |
اقتباس:
العرض 10700 تشمل الطيران ( الخطوط التركية) الاقامة فندق Ibis Styles Geneve Carouge 3 نجوم المدة 14 يوم |
اقتباس:
و بعدين و الله كثيرة 14 يوم علي جنيف .. المفروض تعمل لنفسك جدول يشتمل على تنقلات للمدن القريبة أنت بإمكانك تزور أكثر من دولة في نفس الفترة و تخلي وصولك مثلاً سويسرا و العودة من فرنسا أو أيطاليا أو ألمانيا .. لأن المسافات قريبة في حدود 3-4 ساعات في وسط طبيعة خيالية ... طالما عندك بيكون سيارة فكر في الموضوع و أترك عنك المكاتب السياحية ... و الشئ المهم حاول تتجنب فترة ذروة الموسم السياحي حالياً .. و خل سفرتك بعد سبتمبر بيكون الأسعار أرخص شوي من ناحية أسعار تذاكر الطيران و الفنادق .... بالتوفيق .... |
| الساعة الآن 04:05 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO