|
اسئلة عن سويسرا السلام عليكم عندي كم سؤال ياليت احصل اجوبتها - كيف الجو في سويسرا من 14 الى 22 سيبتمبر ؟ هل نحتاج لبس شتوي والا ؟ - اطول زحليقه في سويسرا وين مكانها ؟ - النشاطات اللي نبيها ( الزحليقة الصيفية ، تلفريك ، رحله بحرية ) وين نحصلهم؟ ياليت في منطقة وحده لاننا مانبي كثرة تنقلات خصوصا ان المدة قصيرة - تقريبا راح نسكن في انترلاكن او حولها لذلك ايش الدول القريبة منا؟ بحيث انه بإمكاننا نروح لها سيارة بدون مشاكل انا حابه اروح ايطاليا اذا كانت قريبة بس ماادري نقدر نسافر لها سيارة او لازم وسائل اخرى ؟ واخيرا فيزتنا من الاسبانية و احنا ماراح ندخل اسبانيا نهائيا وصولنا جنيف وكل الايام بسويسرا والعودة من جنيف ايش ممكن يصير لنا لو انكفشنا ؟ طبعا سألنا المكاتب اثنين مختلفين وكلهم قالوا عادي جدا ومافيه اي مشاكل وبفيزا اسبانيا تقدرون تدخلون اي دولة اوروبية وطبعا معانا حجوزات وهميه في اسبانيا بس خايفه اننا ننكشف ماادري ايش ممكن تكون العقوبه ؟؟؟ الله يستر |
اقتباس:
لبس ربيعي بس هاتوا معكم كم جاكيت شتوي. - اطول زحليقه في سويسرا وين مكانها ؟ قرية خور والدين في سويسرا واسم المكان هو Rodelbahn Erlebnisberg Pradaschier - النشاطات اللي نبيها ( الزحليقة الصيفية ، تلفريك ، رحله بحرية ) وين نحصلهم؟ ياليت في منطقة وحده لاننا مانبي كثرة تنقلات خصوصا ان المدة قصيرة. هذه النشاطات تحصلينها منتشرة في كل سويسرا وبالاخص التلفريك بعدين الزحليقة ثم الرحلات البحرية. ويوجد العديد منها حول انترلاكن. - تقريبا راح نسكن في انترلاكن او حولها لذلك ايش الدول القريبة منا؟ بحيث انه بإمكاننا نروح لها سيارة بدون مشاكل كل الدول اللي حول سويسرا تقدر تدخلونها بدون مشاكل. المانيا وفرنسا وايطاليا. انا حابه اروح ايطاليا اذا كانت قريبة بس ماادري نقدر نسافر لها سيارة او لازم وسائل اخرى ؟ تقدرون تروحون لها بالسيارة من انترلاكن والمشوار تقريبا 3 ساعات. واخيرا فيزتنا من الاسبانية و احنا ماراح ندخل اسبانيا نهائيا وصولنا جنيف وكل الايام بسويسرا والعودة من جنيف ايش ممكن يصير لنا لو انكفشنا ؟ طبعا سألنا المكاتب اثنين مختلفين وكلهم قالوا عادي جدا ومافيه اي مشاكل وبفيزا اسبانيا تقدرون تدخلون اي دولة اوروبية وطبعا معانا حجوزات وهميه في اسبانيا بس خايفه اننا ننكشف ماادري ايش ممكن تكون العقوبه ؟؟؟ الله يستر سبق جاوبتك على هذا السؤال قبل. ما فيه مشكلة لكن احتمال يسئلونكم عن حجوزات الطيران من سويسرا الى اسبانيا وهو احتمال ضعيف. |
اقتباس:
بس معليش هل المانيا الدخول لها سهل؟ لان حسب ماسمعنا انهم متشددين بخصوص الفيزا ويشترطون الدخول بفيزتهم او ع الاقل الفرنسية بما انها قوية برضو بخصوص اطول زحليقة ذكرتها ممكن اعرف كم تبعد عن انترلاكن ؟ وجزاك الله خير |
اقتباس:
كل الدول الاوروبية المشتركة بالشنغن متشددة بإجراءات التأشيرة لانها تأشيرة مشتركة بينهم ويمكن المانيا زيادة عليهم شوي. المانيا ما يشترطون انك تدخل عندهم بتأشيرتهم او الفرنسية. أي تأشيرة شنغن صادرة من أي دولة تقبل لديهم. اهم شي تثبت لهم اذا نزلت بمطارهم ان تأشيرتك نظامية وصادرة من الدولة التي تقيم فيها الأطول. المسافة بين انترلاكن والزحليقة بين 190 و 220 كم حسب الطريق اللي تختارينه والوقت يستغرق حول 3 ساعات. |
| الساعة الآن 09:01 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO