|
رايكم بخطة الرحلة واقترحاتكم وافضل سكن السلام عليكم حابه اخذ رايكم واقترحاتكم بخط السير وهل المناطق المذكوره تكفيها عددالايام او لا بدايه راح يكون النزول بجنيف واستجار السياره من القسم الفرنسي بالمطار والسكن راح يكون ب آنسي لمده 3 ايام ليلتين مبيت والتمشيه بين انسي وجنيف واخر يوم للخروج راح ننزل على شامونيه ونكمل لمونترو راح نسكن بمونترو 3 ايام. هل تستحق مونترو 3 ايام بعدها لوزان 2 يومين ؟!هل فيها شي يستحق لاني شفت المسافه بين لوزان وموتنرو نصف ساعه فهل اسكن بمونترو واكنسل لوزان رايكم ؟! بعدها راح نكمل ل بادن ليلتين واقترحاتكم للمنطقة وهل تستحق بعدها انتر لاكن 3 ايام رايكم ازيد او تكفي وافكر اسكن خارج انتر لاكن اي قريه تنصحوني فيها وسكن حابه اسكن بكوخ وبعدها باذن الله راح ننزل على لوقانو يومين عشان ننزل على ميلان افضل من السكن بميلان والعوده للوطن من مطار ميلان 👍🏻 حابه رايكم واقترحاتكم بسكن وريف وفعاليات وهل يستحق كل مكان المده الي حددناها لها واذا عندكم تعديل افيدوني |
وعليكم السلام ورحمة الله وبركاته من وجهة نظري لو تقللون أماكن السكن يكون افضل بحيث تسكنون في القرى الفرنسية القريبة من جنيف مثل ديفون او فرنيه ومنها تخصصون يوم لزيارة انسي ويوم لزيارة شاموني ويوم لزيارة جنيف ويوم لزيارة لوزان ومونترو او تسكنون 3 أيام في انسي ويومين في مونترو بادن بادن جميلة وممكن تسكنون فيها اذا كان في مخططكم زيارة اليورب بارك اما اذا لم يكون في مخططكم زيارة اليورب بارك فالافضل الغاؤها لان سويسرا اجمل بكثير انترلاكن تستحق اكثر من 3 أيام لان حولها اجمل الأماكن في سويسرا وممكن تسكنون فيها او القرى اللي حولها مثل جريندلوالد ولوتربنين وبرينز وايستوالد وسبيز وللسكن في شقق او اكواخ انصحكم بموقع AIRBNB وأيضا تلقون بعضها في موقع بوكنج لوقانو اختيار جيد ومنها تزورون ميلان للتسوق |
عليكم السلام تخطيطك عوار راس هههههههههه متعب وكثير التنقل مع ان اكثر الاماكن اللي بتسكنين فيها حول بعض يعني اسكني بمحل واحد وروحي شوفي المناطق الاخرى عندك 15 يوم وزعيها بالشكل التالي 4 ايام انسي وجنيف ومونترو وماحولها 4 ايام انترلاكن 3 ايام بادن 4 ايام لوقانو وميلانو اسكني في مكان واحد ميلانو او لوقانو وكلهم قريبين من بعض السكن انتي من يحدده ع حسب ميزانيتك واختيارك وزي ماقال العمدة مقدام شيكي على موقع airbnb رائع جدا للبحث عن الشقق والاكواخ كل الاماكن اللي بتزوريها حوله الارياف |
شكراً جزيلاً لكم على الرد فعلاً انا ضايعه بصراحة ï؟½ï؟½ ومشيت على خطة قريبه لي مسافره واستغربت انو ساكنه بمناطق قريبه طيب لو حبيت ازيد ايام هل تقترحون علي مناطق تستحق الزياره يهمني الطبيعه اكثر من اسكن بفندق وهل بخطتي ممكن اوصل لالمانيا او النمسا لو زدت الايام ال ان تكون 21 يوم لاني حابه اروح واغطي اغلب المناطق الجميله وبصراحة ماعندي خبره ابداً مع سويسرا اسعدكم الله |
رايكم بمنطقة لوسرن وزيورخ وكمام ممكن من لوجانو ازور بيت هايدي او راح يكون بعيد ومتعب |
هل حجزتي تذاكر الطيران اذا المدة 21 يوم حلو يمديك تزوري مناطق كثير بس حطي بالك مايضبط الجدول ويريحك إلا اذا اخترتي وجهات مناسبة للوصول والمغادرة هل عندكم اطفال وكبار سن او لا |
لا مابعد حجزت التذاكر لحد ما احدد الوجهات سابقاً لما كنت حاطه 15يوم. كان الوصول والعوده من جنيف او الوصول جنيف والعودة ميلان بس حبينا نشوف ممكن نزيد ايام او لا مامعنا اطفال او كبار سن بس كثير قالو كثير 21، يوم ركزو. على ثلاث دول. فقط (سويسرا - المانيا - ايطاليا ) مثلاً. وانا حابه اشوف ممكن ازيد على الخطه مثلاً اجمع النمسا مع سويسرا او اتجول بالمانيا اكثر لاني حسيتهم الاقرب وسبق زرت فرنسا |
| الساعة الآن 08:11 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO