|
برنامج لرحلة في صيف 2021 السلام عليكم ورحمة الله وبركاته ان شاء الله بعد زوال هذه الغمه ناويه اسافر في الصيف لسويسرا وابي ارتب جدولي من الحين وفيه اماكن حابه ازورها ومادري اذا التوزيع مضبوط او مزحوم واذا المناطق اللي كاتبتها في يوم قريبه من بعض او لا وياليت تدلوني على الاماكن المتشابه او اللي ماتستحق الزياره احذفها ولو فيه اضافه او اماكن افضل اهم شيء يناسب اللي معه اطفال اقل من 10 سنوات واكبر من 6 سنوات اليوم الاول : الوصول لمطار جنيف واستلام سياره من الجانب الفرنسي والى انترلاكن استلام السكن واكتشاف المنطقه اليوم الثاني : مطل هاردر كولم + كهف سانت بيتوس اليوم الثالث : بحيرة اوشينين وركوب الزحليقة + البحيرة الزرقاء + ثون + سبيز اليوم الرابع : قمة تتلس + لوزيرن +مطل بحيرة لونجيرن+ قرية ميرينجن + الجسر المعلق +القطار البخاري +قرية برينز اليوم الخامس : قرية جريندوالد والخوانق المائيه والزحليقة + قرية وينجين + مرتفع وبحيرة sulsseewli sulsseewli + قرية مورن +وادي لوتربنين + شلال جيس باخ + شلال ستوباخ + شلالات تروميل باخ اليوم السادس : مانفليد ( زيارة بيت هايدي + الاوت لت القريب منه ) + شلالات الراين اليوم السابع : حديقة الحيوان + مصنع النستله + مصنع الجبن + قلعة غريير اذا فيه وقت اقدر اتمشى بجنيف اليوم الثامن : انسي والمبيت ليلتين فيها اليوم التاسع : شاموني والعوده الى انسي اليوم العاشر : الى باريس |
وعليكم السلام اشوف الجدول مضغوط لكن ممكن لكن هل المخطط السكن في انترلاكن كل الايام وبعدها يومين في انسي |
وعليكم السلام ورحمة الله وبركاته يا أم حاتم رحلة موفقة ان شاء الله بس انتي كانك رايحة سباق سرعة مو سياحة وااله يعين السواق اليومين الرابع والخامس (مرررررة مضغوطة واماكن زيارات كثيرة وما راح تستمتعي فيها بهالطريقة واحتمال كبير ما تغطيها كلها) الأنسب 3 - 4 زيارات في اليوم اليوم السادس كمان متعب جدا ويحتاج أقل شي 10 ساعات وانا أشوف بيت هايدي ما يستاهل العنوة |
السكن في انترلاكن ويومين في انسي وانا ولا مره زرت سويسرا ولا اعرف قرب الاماكن من بعض فياليت احد يساعدني ويحذف بعض الاماكن ويخفف الضغط ابي جدول مريح وبالنسبه لقرية هايدي حابه اشوفه اما بقية الاماكن عادي لو الغيتها |
اقتباس:
أختي أم حاتم هذا الموضوع من خبيرنا المقدام راح يفيدك كثير ويعطيكي صورة اوضح أتمنى قراءته وتحديد الأماكن التي ترغبي بزيارتها وان شاء الله كلنا نساعدك قرية هايدي تبعد أكثر من ساعتين بالسيارة من انترلاكن يعني 4 -5 ساعات المشوار رايح جاي https://www.arabtrvl.com/vb/t904.html |
قرية هايدي جدا ممتازة لا تفوتك انا رحت لها وع الاولاد وعجبتهم اكثر شي طلعنا من زيوريخ ورحنا على الشلالات ورجعنا زيوريخ واليوم الثاني رحنا على انتر لاكن وجلسنا خمسة ايام |
القرى السويسرية تقريبا متشابه لا تحرصي زيارة كل القرى مثلا الشلالات اشوف تختاري اثنين يكفون شلال الراين وشلال جيس باخ من وجهة نظري قمة تتلس + لوزيرن يكفي لهذا اليوم لان معكم اطفال ويستمتعوا بالثلج |
تابعي تقارير الاخوان وبالاخص تقرير الضو مقدام فيه شرح يسهل لج الامور سفرة موفقه باذن الله |
انترلاكن وقريندلوالد ووادي لوتيربرونين وونجن كلهم جنب بعض يوم كامل تحتاجونه للوادي وقرية جرندلوالد مع تلفريكها وزحلاقيتها آنسي انا اشوفها ما تحتاج يومين وشامونيه ما تصلح للأطفال ( ما تهمهم قمة مونت بلانك ولا أريافها أو مسارات الهايكنج) وترا باريس بعيده عن آنسي تقريبا 5 - 6 ساعات اذا كنتو في جنيف لا تروحون الى انترلاكن وبعدين ترجعون الى انسي وشامونيه اذا كنتو في جنيف تكون انسي وشامونيه قريب اقل من ساعه من جنيف ومن جنيف بعدها تقدرون تروحون انترلاكن واللي حوالينها ( تقريبا 2-3 ساعات عن جنيف) ولو أنا منكم ما اسكن انترلاكن لأنها حاره بالمقارنه مع جريندلوالد اللي هي مرتفعه فوق الجبل وانترلاكن تحتها ,, ما اعجبتني انترلاكن |
وعليكم السلام والرحمة حتى انا اشوف الجدول مضغوط وااييد وتوزيع الايام مايكفي للمناطق لبعدها عن بعض ف انا اقترح انج تبدين الرحله من فوق لين تحت اذا حابة يعني : ١- الوصول من مطار زيورخ والتوجه الى لوزيرن ( ٤٢ دقيقة من زيورخ الى لوزيرن) اليوم الاول : استلام السكن واستكشاف المنطقة والتمشيه فيها زيارة قمة تتلس اليوم الثاني : زيارة مطل لونجيرن ( ٣٦ دقيقة من لوزيرن) ٢- مغادرة لوزيرن والتوجه الى انترلاكن ( ساعة و ٦ دقايق ) السكن في انترلاكن ٣ ايام ومنها زيارة مطل هاردر كولم + كهف سانت بيتوس زيارة قرية برينز + شلالات جيس باخ ( قريبة جدا من بعض) زيارة جريندلوالد + لوتربونن ( قريبة جدا من بعض) ٣- مغادرة انترلاكن والتوجه الى جنيف ( ساعتين ونص) والسكن فيها ليلتان اليوم الاول: تمشية في جنيف اليوم الثاني : زيارة انسي ( ٥١ دقيقة من جنيف الى انسي) والعودة الى جنيف بالنسبة الى باريس تبعد ٥ ساعات ونص :10: تقدرين تزورينها بمحطة القطار في جنيف ( ٣ ساعات ) |
| الساعة الآن 01:12 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO