|
فزعتكم يارواد المنتدى الرائع السلام عليكم حبايبي الكرام الله يسعدكم واحد واحد انا ابي اسافر السنه هذه سويسرا انا وزوجتي لكن للاسف اول مره اروح لها اشوف صور جميله جدا للارياف ترد الروح فتكفون ابي فزعتكم حتى اسوي جدول مرتب وحلوا بحيث يخلي الواحد يعيش السعاده هناك ويدعيلكم احلى دعوه طبعا انا حاط 16 يوم ايش المدن او الاراف اللي اروح لها الفنادق او الاكواخ اللي لعرسان انزل على مطار ايش بالضبط المواصلات هناك كيف سمعت ان فرنسا اقدر اروح لها من هناك كيف وتنصحوني لو ابقضي في باريس 3 ايام المخاطر والمشاكل اللي صادفت البعض حتى الواحد ياخذ حذره وايش التاريخ المناسب اللي تنصحوني اروح هناك مابي الثلوج :10: والله يسعدكم دنيا واخره :e022: |
وعليكم السلام اخوي حاليا بدأ البرد والاجواء الشتوية في اوروبا وانت كاتب هذه السنة تبي تسافر الى سويسرا اذا انت من محبي الطبيعه والخضار أجل السفر الى بعد الشتاء |
وعليكم السلام ورحمة الله وبركاته مثل ما تفضلت ايمان هالسنة راحت بحكم انك ماتبي برد وثلج ان شاء الله وانت والجميع بخير السنة الجاية تسافر وتنبسط ومادام انكم اثنين ان شاء الله الترتيب بيكون أسهل انصحك باستغلال الوقت بالبحث وتكوين فكرة عامة عما تريد من مدن وفعاليات وحتى ترتيبات مالية وان شاء الله تتوفق في سفرة سعيدة |
الله يسعد قلوبكم وش الاشهر اللي يكون فيها الجو جميل هناك |
اقتباس:
مايو - يونيه (الربيع) يوليو - أغسطس (الصيف) الجو يكون في بعض الدول حار سبتمبر - أكتوبر (الخريف) هذه الأشهر يكون السفر فيها مناسب من حيث أعتدال الأجواء بعيداً عن البرودة الشديدة و الثلوج |
اقتباس:
الله يسعدك أوروبا عموما يفضل زيارتها من الربيع الى الخريف عني شخصيا أفضل أبريل - يونيو / نص أغسطس - نص اكتوبر الخضار والطبيعة تكون في أحلى صورها (نص مايو - نص سبتمبر) وتختلف درجات الحرارة من مدينة الى أخرى |
الف مبروووك شوف هذا الفندق الشاعري Hotel Villa Honegg اكتب اسمه في قوقل ماب او بوكنق واتفرج بنفسك اتمنى لكم سفرة سعيدة |
الله يسعدكم جميع قولوا امين طيب وش رئيكم مدام معي متسع من الوقت ان تساعدوني بجدول لمدة 16 يوم من ناحية الفنادق منتجعات مواصلات وش المدن اللي اروح لها طبعا انا من محبي الارياف طبعا انا وزوجي فقط يصير ارتب الجدول وباذن الله اتمم الحجز وباذن الله راح يكون لي تقرير كامل بعد السفر بهذى المنتدى الرائع :e306: |
اقتباس:
ان شاء الله الكل ما يقصر معك طيب في خاطرك بس سويسرا ولا نضيف معاها دولة ثانية مثل فرنسا أو ألمانيا أو ايطاليا ونجمع بين المدن والأرياف وعلى فكرة متعة أرياف أوروبا باستئجار سيارة |
اقتباس:
أخوي أبو مهنا ... علشان تكون عندك الصورة واضحة أكثر .. بالنسبة لأوروبا بشكل عام الدول متقاربة و حدودها متداخلة و مثل ما ذكر أخوي أبو مهاب متعة أرياف أوروبا بتكون أنك تستأجر سيارة و تتنقل و لابد من الجمع مابين المدن و الأرياف .... و يمكنك أن تجمع ما بين عدة دول متقاربة في نفس الرحلة طالما أن عندك 16 يوم .. أيضاً حبيت أضيف فيما يتعلق بسؤالك عن الفنادق ... هذي النقطة ممكن ما يتفق عليها أثنين لأن الوضع مرتبط بالميزانية و الخيارات .. يعني ممكن البعض يفضل السكن في فنادق 5 نجوم بغض النظر عن الميزانية و الأسعار المرتفعة و البعض يسدد و يقارب ما بين المتعة في السفر و السكن في فنادق نظيفة معقولة أسعارها ..!! |
أبو مهنا .. شف الخارطة أدناه تبين لك تقارب الدول 1 فرنسا 2 سويسرا 3 ألمانيا 4 النمسا 5 أيطاليا طبعاً أنت أختار الدول المتقارب أكثر شي بالنسبة لك علشان تحدد نقطة الوصول و نقطة المغادرة يعني ممكن توصل ألمانيا و تغادر من سويسرا و بصراحة أشوف أنه أنسب شئ لأن الريف الألماني جميل و منها تقدر بعد تزور ملاهي يورب بارك في مدينة رست الألمانية و القريبة من سويسرا و بعض المناطق الفرنسية مثل كولمار الفرنسية (تبعد ساعة بالسيارة عن رست) و أيضاً من رست إلى أنترلاكن سويسرا تقريباً 3 ساعات بالسيارة https://www.arabtrvl.com/up/uploads/...0656025371.jpg بالتوفيق |
الله يسهل سفرتكم الارياف الاوربيه كلها متشابهه ولكن تختلف الاسعار ان شاءالله تتسهل سفرتكم الصيف الياي |
اقتباس:
ابضيف عليها فرنسا فقط 4 ايام ياعسل الله يعطيكم العافيه :e304: |
اقتباس:
بس لما مثلا انت تقولي مثلا فندق وواحد ثاني يقولي فندق راح يكون عندي مجموعة فنادق مجربة ومعتمده افضل من المواقع لان اوقات الصوور في المواقع تغري الواحد لكن لما يروح هناك ينصدم بان الواقع غير :15: علشان كذا انا مااخذ فندق الا من شخص جربه شخصيا :e022::e022: |
[QUOTE=Abu Muataz;533082][FONT="Traditional Arabic"][COLOR="Navy"][SIZE="5"][B]أبو مهنا .. شف الخارطة أدناه تبين لك تقارب الدول 1 فرنسا 2 سويسرا 3 ألمانيا 4 النمسا 5 أيطاليا طبعاً أنت أختار الدول المتقارب أكثر شي بالنسبة لك علشان تحدد نقطة الوصول و نقطة المغادرة يعني ممكن توصل ألمانيا و تغادر من سويسرا و بصراحة أشوف أنه أنسب شئ لأن الريف الألماني جميل و منها تقدر بعد تزور ملاهي يورب بارك في مدينة رست الألمانية و القريبة من سويسرا و بعض المناطق الفرنسية مثل كولمار الفرنسية (تبعد ساعة بالسيارة عن رست) و أيضاً من رست إلى أنترلاكن سويسرا تقريباً 3 ساعات بالسيارة https://www.arabtrvl.com/up/uploads/...0656025371.jpg ياشيخ الله يسعدك قول امين انا ابخلي سفرتي بكذا سويسرا وفرنسا فقط لان مااحب اروح دول كثيره بوقت واحد وباذن الله بخبرتكم وتجربتكم واقتراحتكم راح اسوي افضل جدول للرحله :6::6: لان تعرفون الدول هذه يبغالها تنسيق صح حتى يستمتع الشخص فيها :e01d: |
اقتباس:
شكرا من القلب لهذه الدعوه الجميلة :e437::3: |
فنبدا مثلا بالفيزا وش اسمها وكيف اطلعها وكمان توزيع الايام مثلا سويسرا 5 فرنسا 4 سويسرا 7 طيب توزيع الايام على المدن الفنادق او المنتجعات اللي تكون جميله ولعرسان وسعرها معقول :e303: الاماكن اللي اروح لها المطاعم او المقاهي والصرف كمان اصرف من هنا والا من هناك واهم شي المخاطر اللي قابلت البعض منكم لقدر الله والله يبعد عنا كل خطر وكل اذى ويسعدكم ويحفظكم جميع مشاء الله كان اصراري اني ادخل المنتدى علشان ارتب جدول قوي لكن مشاء الله ماتوقعت ان يكون فيه تفاعل كذا بصراحة شي جميل الواحد لما يكون متخوف من السفريه وفجاءه يلاقي من يدعمك ويعطيك احلى المعلومات علشان تكون سفرتك اكثر من رائعه الله يسعكم جميع مثل ماتسعدوني :e022: |
فزعتكم يارواد المنتدى الرائع بالنسبة للفيزا اسمها شنغن استخراجها مو صعب لكن بما انك جالس تخطط لرحلتك انصحك تستخرجها عن طريق مكتب سياحي عشان تتفرغ للتخطيط (اسال كذا مكتب لان الاسعار تختلف) بس طبعا بعد ما تحدد الايام والدول اللي بتزورها بالتوفيق وحاضرين |
اقتباس:
بصراحة .. يظل أختيار الفنادق و السكن في السفر قناعات و يحكمها أمكانيات الشخص و ما يحتاج ... و كون أتباع نصائح الأخرين في الفنادق هذا بحد ذاته تقييد خيارات المسافر في رغبات مسافر أخر بناء عليها رحلته أو أحتياجته و حتى قدراته المالية ... على سبيل المثال لا الحصر ... مسافرين يرغبون في السكن في سنتر المدينة أو القرية رغبة منهم في عدم التنقل الكثير و يمكنهم الذهاب لكل مكان سيراً على الأقدام و البعض يسكن في أماكن متفرقة أو بعيدة نوعاً ما و يستخدم السيارة أو المواصلات العامة للوصل للأمكان الراغب في زيارتها ... و بشكل عام الفنادق و السكن تظل أختيار شخصي .. |
اقتباس:
عندي تعقيب بسيط فقط على موضوع الفيزا ... طبعاً أوروبا تقدر تدخلها بفيزا وحده أسمها "شنغن" و لكن لابد من معرفة من أين تصدر الفيزا "أي سفارة" .. و هي تعتمد على الرحلة بحيث أذا رحلتك 16 يوم و بتقضي منها 10 في فرنسا و الباقي في سويسرا هنا يتوجب عليك أستخراج الفيزا من السفارة الفرنسية لأنها هي البلد الأكثر أقامة حسب جدول الرحلة و حسب حجز الطيران الذي يجب أن يظهر أن دخولك الأول سيكون عبر مطارات فرنسا ... بعد ذلك يحق لك التنقل كيفما تشاء داخل أوروبا ... "هناك أستثناءات و طرق و لكن بما أنها ستكون سفرتك الأولى خلك في السليم" نصيحة .. نصيحة لوجه الله من تجارب سابقة لنا أعمل الفيزا بنفسك و الموضوع سهل جداً ولو ترجع لقسم التأشيرات بتلاقي تفاصيل المستندات المطلوبة و الخطوات و النماذج و روابط التقديم و حجز المواعيد الرابط أدناه يشتمل على كل التفاصيل (بوابة التأشيرات) فيزا شنغن بالتوفيق |
اقتباس:
الله يسعد قلبك :6: |
اقتباس:
|
اقتباس:
الله يسعد قلبك :e204: |
بالتوفيق ان شاء الله وصوتي مع أبو معتز قدم على التأشيرة بنفسك خصوصا اذا انت من جدة أو الرياض أو الخبر (وحسب ما قرأت في توجه لافتتاح مكتب للتأشيرات في مكة والمدينة والقصيم) وتفضل هذا جدول بسيط و تقليدي وسهل يبدأ من جنيف وينتهي في باريس الوصول جنيف (رحلات الخطوط السعودية توصل الساعة 3 ظهرا) (اجمالي 3ليالي) نصيحة: خذ شنطة في اليد حط فيها غيارات و أي لوازم ضرورية حق أول يوم عشان ما تفتح الشنط الكبيرة (ممكن تأخذ تاكسي او قطار من داخل المطار) والسكن بالقرب من محطة القطار ليلة وحدة تستلم الغرفة وترتاح شوية ساعة ولا اثنين وبعدها تخرج تتمشى على البحيرة وتتعشى وترجع الفندق ثاني يوم (قبل الظهر) تستلم السيارة من الشركات الموجودة داخل محطةالقطار أو القريبة من المحطة وتبدأ رحلتك الى لوزان وبعدها مونترو وتوقف في ايفيان وتسكن فيها ليلتين (وانصحك تسكن في فندق هيلتون ايفيان) ثالث يوم تروح ايفواغ وبعدها أنسي وترجع (واذا فيك شدة ممكن تروح شامونيه) رابع يوم تتوجه الى انترلاكن (5ليالي) في الطريق تمر على مصنع الجبن ومصنع الشوكولاته وشلال جان (حسب رغبتك) السكن في انترلاكن أو القرى القريبة منها (نشاطات انترلاكن كثيرةوخيارات متعددة) (ليلتين) لوسيرن (زيارة قمة بلاتوس – قمة تتلس – التلفريك المكشوف – الجسر الخشبي – تمثال الأسد) (ليلتين) زيورخ وزيارة شلالات الراين أهم شي حتى لو ما سويت شي ثاني (المدينةالقديمة – البحيرة – حديقة الحيوان) تسليم السيارة (ممكن تسلمها أول ما توصل زيورخ وتروح الشلالات بالقطار أو تروح من لوزيرن الى الشلالات وترجع تسلمها في زيورخ ثاني يوم) بالقطار او الطيارة الى باريس باريس 4 ليالي نعطيك جدول باريس ان شاء الله والعودة الى الوطن سالم غانم ان شاء الله وبالتقرير والهدايا للمنتدى |
اقتباس:
الله يعطيك العافيه :6: باذن الله احلى تقرير لااحلى منتدى باذن الله يشوفون الجدول الحلوين اذا فيه اضافات او تعديل ومن ناحية السياره بالرخصه السعوديه صح وهل فيه شي اخذ بالي منه لما استاجر السياره والا مثل عندنا المطاعم والكفيهات اللي تنصحوني اروح لها اماكن التسوق سواء في سويسرا او فرنسا تنصحوني فيها طبعا انا اتمنى اسكن فيه منطقه ريفيه في سويسرا يعني المدن ممكن ايام بسيطه فقط :e437::e437: |
الله يعافيك الرخصة السعودية بشكل عام كافية لكن أنصح دائما باستخراج رخصة دولية تحسبا لأي ظرف أهم شي في السيارة التأمين الشامل وخذه من الشركة الرئيسية وليس من الوسيط (وأنا شخصيا استأجر من الموقع الرسمي للشركة مثل يوروب كار - هرتز - سكست - بدجت وغيرها ولا أتعامل مع مواقع وسيطة) أيضا عند الاستلام صور السيارة بالكامل واذا فيها اي صدمات أو خدوش ارجع للموظف وغير السيارة أو خليه يحطه في تقرير التسليم تأكد من وجود استكر الطرق السريعة على السيارة (غالبا اذا السيارة سويسرية يكون الاستكر موجود) اذا مافي استكر لازم تشتريه من أي محطة وسعره 40 فرنك اذا السيارة مدعمة بنظام الملاحة (نافيجيشن) اطلب تغيير الاعدادات باللغة الانجليزية قبل ما تمشي اذا المدام تسوق اطلب اضافة سائق اضافي تأكد من عمل الأنوار والاشارات والمساحات النظام الأوربي للبنزين تستلم السيارة فل وترجعها فل (تأكد من نوع البنزين أو الديزل المناسب للسيارة) أخيرا القيادة بهدوء واتباع الأنظمة (السرعة - التجاوز - الدوار - المواقف) بالنسبة للمطاعم (شخصيا احب أجرب أكل البلد أو المطاعم المتخصصة ايطالي - هندي .... وابتعد عن المطاعم العربية قدر الامكان فغالبيتها جودتها ضعيفة وأسعارها غالية وهذا لا يعني عدم وجود مطاعم عربية ممتازة ولكنها قليلة) التسوق في سويسرا غالي لكن ما يمنع من شراء تذكارات بسيطة والأفضل الشراء من مركز تسوق مانور في سويسرا أما فرنسا فتوجد أماكن كثيرة للتسوق منها الغالي ومنها المتوسط فيوجد المولات والبوتيكات والمحلات التجارية على الشوارع ويوجد مجمع التخفيضات (اوتلت لا فيلاج بالقرب من ديزني لاند) |
اقتباس:
شكرا على المعلومات الجميله ياعسل :e20c: وباذن الله الشباب مايقصرون بالاماكن وكذا اقدر اخذ معي اغراض مثل اغراض القهوه |
| الساعة الآن 04:40 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO