|
احتاج مشورتكم انا في بداية نوفمبر طالع شهر العسل لاوربا باذن الله بس صراحه اول مره في حياتي اسافر ووقع الاختيار على اوربا وودنا بفرنسا وسويسرا وش رايكم وماني فاهم اي شي في اجراءات السفر وش اول شي اسويه وافضل دوله نبدأ فيها جولتنا وافضل شنغن اي دوله ( ترى بس اسمع فالشنغن هههه ) وافضل وارخص طيران ووش الخطوات الاساسيه والشروط ونصايحكم اللي تخدمني الله يسعدكم ولو فيه مكتب ممتاز يضبط لنا حجوزات فنادق طيران بسعر رخيص وثقه دلوني عليه وانا بس خايف من فقرة فالمطار يرجعونا عشان اجراءات كورونا حاليا ياليت تكتبون لي ادق الاشياء اللي ممكن انتبه لها عشان تكون سفرتنا سليمه شاكر ومقدر لكم 🤍 |
اقتباس:
وانصحك ماتفكر بمكتب ابد راجع التقارير واطرح اسئتك والجميع ماراح يقصر معك حددت الدول حدد المدن والايام ومدة الرحلة بعدها التأشيرة بعدها الطيران ثم السكن ثم الاماكن السياحية |
اقتباس:
شكرا لردك واحتاج معلومات اكثر من الجميع |
نصيحة .. اول شي طالع التقارير و أعد قراءتها .. وبعدين اعمل لك برنامج على اللي يناسبك من ناحية المكان والوقت اللي تقضيه فيه .. وبعدها قم بحجز الطيران من موقع الخطوط .. و حجز الفنادق من بوكينق .. اذا بغيت سفرتك تنجح لا تعتمد على أحد .. الامور كلها سهلة ويكون لعلمك اوربا بتاريخك تكون بارده جدا ولا فيها طبيعة .. |
مرحباً اخوي سالم1111 ... و ألف مبرووووك مقدماً يا عريس و الله يتمم لكم و يجمعكم بالخير طيب خلينا نبدأ حبة .. حبة في النقاط اللى ذكرتها ولو أن الأخوان أبومنار و ضفهد ما قصروا بالشرح و النصح و لكن أضيف اللى نقدر عليه صراحه اول مره في حياتي اسافر ووقع الاختيار على اوربا .. وودنا بفرنسا وسويسرا .. وش رايكم أختيار موفق .. بحكم أن الدوليتن متجاورتين و يسهل التنقل بينهما أما بالسيارة أو بالقطارات ... وماني فاهم اي شي في اجراءات السفر.. وش اول شي اسويه .. وافضل دوله نبدأ فيها جولتنا أجراءات السفر سهلة أولها يكون معاك جواز سفر صالح و أن تكون المدة المتبقية فيه أكثر من 6 أشهر أما أول دولة تبدأ فيه جولتك فهي تعتمد على أختيارك أو حجز الطيران و مثل ما قال أخوي أبومنار أي من الدوليتن فرنسا أو سوبسرا يمكن جعلها البداية وافضل شنغن اي دوله ( ترى بس اسمع فالشنغن هههه ) فيزا الشنغن هي فيزا موحدة تمنحك صلاحية الدخول إلى 26 دولة في الأتحاد الأوروبي ..و أي دولة تصل مطارها سوف يسمح لك بالدخول خلال فترة صلاحية الفيزا و التى تمتد في بعض الأحيان إلى 4 سنوات دخول متعدد .. وافضل وارخص طيران هذي أنت من يحدد بعد البحث سوف اللى يناسبك و لكن نصيحتي لك أحرص على الطيران المباشر كون أنها السفرة الخارجية الأولى إلى أوروبا و أبتعد قدر المستطاع عن رحلات الترانزيت .. ووش الخطوات الاساسيه .. والشروط .. ونصايحكم اللي تخدمني الله يسعدكم الخطوة الأولى بعد الأستقرار النهائي على الوجهة .. أبدا في تحديد المسار المناسب ثم البحث عن الفنادق المناسبة .. و بعدها أحجز الطيران نصيحة لا تحجز أي شئ قبل الطيران كي لا تضطر للتعديل .. و بعد ذلك تبدأ في أجراءات الحصول على الفيزا و هذه الخطوة يوجد هنا بالمنتدى شرح بالتفصيل لأجراءات الفيزا لكل دولة.. ولو فيه مكتب ممتاز يضبط لنا حجوزات فنادق طيران بسعر رخيص وثقه دلوني عليه نعتذر منك .. نحن هنا نقدم النصح و المشورة للجميع بدون مقابل و لا ننصح بالتوجة للمكاتب السياحية .. صدقني اللى في المكتب السياحي بينصحك بفندق أو بيعطيك سعر فندق هو كسبان منه و أجزم أنه يمدحه و هو عمره ما شافه و لا يدري في أي ديره يقع !! المهم يكسب ... وانا بس خايف من فقرة فالمطار يرجعونا عشان اجراءات كورونا حاليا ياليت تكتبون لي ادق الاشياء اللي ممكن انتبه لها عشان تكون سفرتنا سليمه لكل دولة أجراءات و متطلبات تقدر تطلع عليها و تجهزها كاملة مثل فحص الـــ PCR و التأمين و شهادة أخذ اللقاح و هي المطلوبة لدى أغلبية دول العالم مع الأيفاء بمتطلبات السفر من هنا و هي معلنة و معروفة ... غير ذلك كل الأمور سهالات ... أعتذر عن الأطالة و نتمنى أن نكون أفدناك بالمعلومات المطلوبة و لا تترد في طلب أي معلومات أضافية في وقت |
| الساعة الآن 11:21 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO