|
الله يفرج هم لكل من ساعدني مسافر اوربا انا مسافر لاوربا وبنزل في زيورخ وباخذ سياره وبطلع لرست الالمانيه سمعت ان فيه رسوم حدود وفيه ورقه لازم احطها بالسياره مااعرف لها والله اعطوني طريقتها شلون وكيف ؟ خط رحلتي : زيورخ - رست - انترلاكن - جنيف - شاموني - ميلان يعني بدخل اربع حدود المانيا- سويسرا- فرنسا - ايطاليا كم رسوم الحدود لكل دوله ؟ والورقه اللي الصقها على السياره وش سالفتها ؟ اول موا اسافر اوربا تكفون ساعدوني |
استاجرت سيارة من هولندا ورحت بلجيكا والمانيا ولاحد وقفني ولاشفت حدود ولاتفتيش اهم شي تبلغ مكتب التاجير بالدول الي تزورها يمكن على شان التأمين تم الإرسال من SM-N960F باستخدام Tapatalk |
أتوقع تقصد ستكر الطريق وهذا عادة توفره شركات التأجير مجانا على كل سيارة لذا تأكد من الشركة عند استلام السيارة |
مرحبا اخوي اول شي طالما انت مستاجر السيارة من زيوريح وبتسملها بميلان ( حسب الجدول ) فشركة التاجير اكيد بيوسعون التامين ومايمنع انك تعلمهم بخط سيرك وغالبا مافية اي تأثير على التكاليف بالنسبة للاستكر والرسوم عندك استيكر الخطوط السريعة بسويسرا وطالما انت مستاجر السيارة من سويسرا احتمالية كبيرة تلاقية موجود من مستاجر قبلك لان مدتة شهر واذا مهو موجود تشترية من المحطات ب 60 فرنك ( اخر سفرة لي انشغلت اول ثلاث ايام وبعدين قلت طالما راحت ثلاث ايام مايمنع نخالف باقي المدة وانتهت على خير بدون ماحد يوقفني صوصار لي شهر مسلم السيارة وماجاني اي شي لو كانوا يكشفون عن طريق الكاميرات مثلا ) بالنسبة لايطاليا وفرنسا فيه كاونترات تدفع بها الرسوم على الخطوط بعضها تدفع مقدما ويفتح لك الحاجز وبعضها يعطيك تكت واذا طلعت من الخط السريع تدخل التكت ويحسب لك الرسوم حسب المسافة اللي انت قطعت طبعا الدفع فيزا و كاش وبعضها تلاقي فيه موظف طبعا التكاليف ماتقدر تقدرها لان احيان فيه خط تدفع كثير وفيه لا بصراحة مافهمت طريقة تقربها لكن معدل التكاليف من شامونية لميلان يمكن 30 يورو رسوم اضافة ل رسوم نفق المون بلان حول 30 اذا ماني غلطان او اكثر صار لي سنين ماجيتة اكيد متغيرة الاسعار وشكرا |
| الساعة الآن 04:16 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO