|
جولاي 2023 مرحبا جميعا باذن الله اذا كتب ربي راح نسافر انا وعائلتي(زوجين و 3 اطفال اعمارهم 10و8و2) لاوربا بالصيف وهذي اول زياره لنا لاوربا حابه رايكم بالمخطط وودي تضيفون رايكم اللي مانستغني عنه التاريخ بيكون في نهاية جون او بداية جولاي الوصول باريس 4 ايام ثم جنيف 3 ايام ثم انترلاكن 7 ايام ثم زيلامسي 5 ايام ثم ميونخ 3 ايام ثم العوده لارض الوطن التنقلات راح نستاجر سياره ( ماعدا باريس) راح ناخذ السياره اخر يوم في باريس ونسافر الى جنيف فيها ونسلمها في ميونخ 1- احتاج رايكم في البرنامج ولو شفتوا شي غلط او ازيد او انقص ايام ياليت تقولون لي - طبعا السفره تمشيه وريلاكس واهم اهم شي الاطفال واشياء تناسبهم وتونسهم 2- والفيزه سويسريه - لازم صح؟ 3- افضل خطوط وسعرها معقول من الرياض لباريس؟ وكيف احجز بحيث مدينة الوصول غير عن العوده يعني كيف احجز الرياض باريس - مينوخ الرياض - احجز تذكرتين منفصله لكل شخص ؟ ولا فيه طريقه؟ شكرا لكم جميعا استفدت كثير منكم |
اقتباس:
واي استفسار اخر او مساعدة حاضرين وبالتوفيق |
اقتباس:
الاخت Reham 2013 اقترح عليكم هذا الترتيب لجدولكم الوصول باريس 3 ليال ( زيارة ديزني يومين و يوم جولة بباريس بالباص السياحي ) مدينة انسي الفرنسية 2 ليلتين ( مدينة هادئة و جميلة للاستجمام و يمكن زيارة مدينة جنيف منها يوم ) انترلكن 5 ليال ( زيارة Grindelwald/ Lauterbrunnen / Lucerne ) انسبروك 1 ليلة ( يمكن الاكتفاء بليلة واحدة كمحطة استراحة بين انترلكن و زيلامسي ) زيلامسي 5 ليال ( زيارة شلالات الكريمل / جبل الكابرون / زحليقة سلفادين / زيارة مدينة سالزبورج) ميونخ 5 ليال ( زيارة حديقة حيوانات ميونخ / زيارة ليجولاند ميونخ / الحديقة الانجليزية / اولمبيا بارك ) بالنسبة لحجز التذاكر : انصحك تدخلي على موقع حجز اسمه سكاي سكانر يعطي افضل اسعار و خيارات للسفر . www.skyscanner.net بعدها تختاري Multiple city search تدخلي المدن و تواريخ السفر : Riyadh - CDG Munich - Riyadh بالنسبة للطيران السعودي راح تجدي دايركت لباريس لكن ما راح تجدي دايركت من ميونخ للرياض فقط لجدة لذا الافضل تشوفي خطوط طيران مريحة و اقل مدة في حالة السفر ترانزيت من ميونخ للرياض . لحساب تكلفة الرحلة : الاسعار بالصيف بتكون مرتفعة جدا لذا ادخلي على الفنادق و احسبي الايام و تكلفة الميزانية مع اسعار التذاكر للطيران الخارجي و إذا الميزانية مرتفعة حاولي تقليل ايام الرحلة قليلا يعني اختصار يوم من انسي و زيلامسي و انترلكن و ميونخ . تحياتى |
أهلاً وسهلاً فيك بيننا ما قصروا أبو منار و شروق :e306: |
مخططك جميل و ماقصر وبو منار بالشرح بالنسبة للجو حاولي تبتعدين عن جولاي الجو بكون حر و بدت الزحمة كل ما سبقتي افضل |
اقتباس:
المهم ، ماقصروا الشباب بالردود ... لكن بضيف بعض النقاط لعلها تساعدك في رحلتك اولا : المخطط جيد ... باريس تكفيها 3 ايام مع مراعاة النقاط التالية: : تجنبي حمل 500 يورو ورقة وحده هذي مهمة جدا ،يفضل تكون 100 يورو وأقل التنقل في باريس مترو وخلال تنقلكم تكون شنطة الكتف امامك دائما وليس على الكتف خصوصا المترو اذا وصلتوا جنيف لازم تشترون ستكر من المحطات وهام جدا قبل التنقل في الطرق السويسرية السريعة وانصح تسكنون بالجانب الفرنسي وقريب من جنيف 7 كيلو تقريبا وارخص من الجزء السويسري وانصح حجز السياره والدفع اونلاين ،. وعند الاستلام يتم دفع تامين علما انه يوجد رسوم تسليم دولة اخرى |
اقتباس:
وأنت ما تقصر دايم :e306: |
النقطه الاولى : من انترلاكن الى زيلامسي حوالي 6:40 دقيقة بالسيارة الثانية : انترلاكن وزيلامسي يتشابهون يفضل اختيار وحده منهم ( بالنسبة لي انترلاكن اجمل والمناطق المحيطة والفعاليات افضل ) الثالثه : تقليل الايام في جنيف ، لان جنيف مملة للكبار قبل الصغار =========================== جدول مقترح الوصول باريس > قطار الى جنيف > تأجير سيارة والذهاب الى انترلاكن > الذهاب الى لوسيرن > زيورخ وتسليم السيارة 3-4 ليالي باريس ( يومين داخل المدينة ويوم لديزني لاند ) ليلة جنيف ( بحيرة ونافورة ) 7 ليالي انترلاكن ( غنية عن التعريف :e11d: ) ليلتين لوسيرن ( تسوق - قمة تتلس - بحيرة - مراكب - تلفريك ) 3- 2 ليالي زيورخ ( التسوق - زيارة الشلالات ) واذا حابين ايام اكثر ممكن من بعد زيورخ تاخذون قطار دايركت على ميونخ وتصبح ميونخ مدينة المغادرة بكذا وفرتوا كثير في تأجير السيارة حيث ان التسليم والاستلام داخل سويسرا ، والمناطق فيها تنوع اكثر وممكن الجدول يبتدي بالعكس وتكون باريس اخر محطة اذا كنتوا من محبين التسوق ( لان سويسرا الاسعار فيها اغلى وباريس في التسوق افضل من ميونخ ) |
| الساعة الآن 03:25 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO