|
استفسار بخصوص تأجير السيارات السلام عليكم ورحمه الله وبركاته اخواني عندي استفسار انا ان شائ الله بستأجر سيارة من باريس وباخذها لمدن في سويسرا والمانيا والنمسا هل في عقبات او سلبيات بخصوص استئجار السيارة اتمنى من الي جرب هالشي يفيدني لان معاي العايلة واحاول قدر الامكان ابعاد الاشكاليات وشكرا |
رد: استفسار بخصوص تأجير السيارات وعليكم السلام لا يوجد عقبات باْذن الله تحتاج رخصة قيادة دولية بلإضافة الى المحلية بطاقة ائتمانية بارزة والأفضل ان تكون ائتمانية وليست مسبقة الدفع تقيد بالانظمة دائما وأبدا ولا تنسى ان بعض الطرق مأجورة وتحتاج الى دفع رسوم ولكل دولة نظام خاص فيها ورسوم خاصة بالتوفيق وإجازة سعيدة |
رد: استفسار بخصوص تأجير السيارات استفسار عن السياره باوروبا دايم يتكرر من الاعضاء وهو الخوف او وش الانظمه او من وين استاجر او وش نوع السياره ووقودها كلها امور تدور بذهن المسافر والاجابه عليها بكم خطوه هي _ نوع السياره حسب افراد العائله والافضل الديزل طبعا الشركات الانسب هي يورب كار وهيرتز كاسعار وفيه شركات وساطه برضه المهم هو التامين يكون شامل الشي الثاني الالتزام بالنظام وهو سهل جدا بعض الدول يوجد بها كرت خاص للقياده مثل سويسرا تشتريه من اي بوابه على حدودها قيمته 40 فرنك والنمسا فيه كروت اسبوعيه ولاتنسى فيه بوابات للطرق السريعه باستثناء النمسا وسويسرا ولاتنسى ان كان معك اطفال يكون معك كراسي الاطفال ولاتنسى ايضا ان تقود والانوار غير مشغله ليل او نهار ولاتنسى ان تقود بدون جزمه اكرمكم الله وخاصه بسويسرا لان لو استوقف دوريه وكان لديك حذا عادى ستحرر لك مخالفه يهم التاكد من موقع الاستلام والتسليم ومعرفه اوقاتهم والسياره عموما اوفر وافضل للمتعه وخاصه لمن لديه عائله |
رد: استفسار بخصوص تأجير السيارات مافي اي خوف وانا انصحك التاجير يكون من جنيف لا تاخذها من باريس باريس زحمة ولا راح تعرف تقود السيارة هناك واصلا ما تحتاجها الباص السياحي يوفر لك العناء ودزني لاند رح لها بالاندر جرواند ومن جنيف كما افدتك تحجز قطار من باريس الي جنيف وريح بالك واذا وصلت جنيف استاجر السيارة ومنها توفر المدة ورجعها بالمانيا بالمطار راح ياخون علية فرق عملة تسليم مدينة اخري وكذا كذا انت بتدفعها ومش مرة كثير سكست من افضل الشركات وسيارتها جديدة وخدماتها روعة وخذا مع تامين شامل وريح بالك اي ضرر الشركة تبدل لك السيارة وانت ماتدفع ولا ريال الشروط صورة جوازك مع الجواز بطاقة ائتمانية فيها فلوس مع مبلع تامين رخصتك المحلية التابعة لبلدك رخصة دولية من اي محل سياحي 150 ريال خذ معك صورة شخصية مع جوازك ويسويها لك وانت واقف ولا تنسي تطبع الحجز من الانترنت او تساجرها من عندهم براحتك الانترنت اريح واضمن وارخص وتروح تحصلها جاهزة ربي يوفقك وموقع سكست سهل جدا وغير معقد |
رد: استفسار بخصوص تأجير السيارات مرحبا اخوي لا ان شاء الله مافي عقبات بعض النصايح : 1- كن على علم انك راح تدفع فرقيه المبلغ للسياره في حال تسلميها بلد ثانيه ولازم تذكر بلد استرجاع السياره 2- ان تكون عندك فيزا صادره من احد البنوك لان راح يحجزون عليك مبلغ تأمين يسترجع بعد ارجاع السياره 3- التقييد بأنظمه المرور وخاصه حزام الامان 4- المواقف في سويسرا لاتقف اي موقف يوجد فيه خط ازرق لانه مخصص للسيارات السويسريه فقط لانهم دافعون رسوم مواقف عند تجديد الاستماره وسبق اني اخذت مخالفه ولم يكن عندي علم المواقف المخصصه للسيارات من دول اخرى هو باللون الازرق 5- الاولويه في الشارع لعبور المشاه انتبه لهذي النقطه يعني اي مكان في خطوط عبور مشاه الاولويه لعبور الاشخاص فقط هذي اهم التنبيهات في تأجير السيارات في اوروبا بالتوفيق |
رد: استفسار بخصوص تأجير السيارات انا مؤيد حق اخوي رعبوب شركه سكست ممتازه جدا حتى في استرجاع السياره ماتتعطل انا اخذتها في صيف 2014 من ميونخ ورجعتها في فيينا وفي مطار فيينا ما اخذت اكثر من دقيقه واحده لأرجاع السياره فقط تدخل فرع سكست بالمطار وتعطينهم المفتاح وتطلع مايشيكون على السياره الا عقب وماياخذون اكثر من حقهم من واقع تجربه بس التأمين المسترجع نوعا ما اشوي غالي انا اخذت السياره اسبوعين ومبلغ التأمين 2600 يورو لان على حسب قيمه السياره انا ماخذ bmw x5 والسياره جديد ممشاها 1500 كيلو متر فقط لو تاخذ سياره عاديه وصغيره اتوقع مبلغ التأمين مايزيد عن 500 يورو وبالتوفيييق |
رد: استفسار بخصوص تأجير السيارات ملاحظه اخيره هذا فقط للمعلومات والمظطرين للي ماعندهم رخصه سواقه دوليه اذا مده التأجير اقل من اسبوعين تقدر تستأجر سياره بدون رخصه دوليه فقط برخصه السواقه التابعه لبلدك اما اذا كانت المده تزيد عن اسبوعين اجباري تكون عندك رخصه دوليه لكن الافضل والاحوط يكون معاك رخصه دوليه فقط انا ذكرت هالمعلومه للمظطرين فقط |
رد: استفسار بخصوص تأجير السيارات طارق عنايات تسلم يعطيك العافية ماقصرت ع المعلومات ابو طلال السموحة منك الموقع جديد لو نفس الاولي كنت بحثت عن اجوبة استفساراتي وتسلم ع المعلومات الي تفيدني وتفيد غيري رعبوب تسللللللللللللم معلومات في غاية الاهمية جزاك الله خير اخي رعبوب ماقصرت قطر 911 ماشاء الله عليك ماخليت شي ربي يعطيك العافية معلومات في غاية الاهمية وخصوصا الارصفة الي باللون الازرق تسلم اخوي |
رد: استفسار بخصوص تأجير السيارات الله يعافيك ياااااارب واتمنى لك وللي معاك سفره سعيده ان شاء الله واذا عندك اي استفسار سواء باريس او غيرها انا والاخوان ماراح يقصرون اكيد معاك سواء فنادق او اماكن سياحيه او مطاعم |
رد: استفسار بخصوص تأجير السيارات من رايي من باريس الى جنيف بالقطار 3:30 ساعات طريق جميل جدا لان السيارة راح يكلفك استرجاعها الى باريس الكثير يعتمد كم عدد افراد الاسرة |
| الساعة الآن 12:01 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO