|
طلب جدول لزيارة كوريا الجنوبية بسم الله الرحمن الرحيم السلام عليكم ورحمة الله وبركاته مسافر لكوريا ان شاء الله تقريباً في منتصف يوليو القادم ولمدة 16 يوم للسياحة "وحيداً في الغالب". وبصراحة المواضيع الموجودة في القسم فادتني كثير لكن اغلبها قديمة :( فـ حبيت تساعدوني في أشياء ممكن انها تغيرت : 1- مسافر لمدة 16 يوم وراح ازور المناطق التالية "سيؤول - جزيرة جيجو" وحاب اضيف مدينة واذكر واحد من الشباب رشح لي مدينة بس ضيعتها وهي اما "اولسان" او "بوسان" فـ كيف بيكون مسار الرحلة ؟ وكم يوم تستحق كل مدينة ؟ 2- كيف هو الطقس في شهر يوليو - أغسطس ؟ 3- راح استغني عن "اوبر" وبرامج التاكسي, هل يوجد سهولة في استخدام المترو ؟ وكم أسعاره ؟ 4- هل استخدام المترو اوفر لي من استئجار السيارة ؟؟ وهل يتطلب وجود رخصة دولية او الرخصة السعودية تكفي ؟ 5- اكثر شي اعاني منه لما اسافر لأي مكان هو "صرف العملة" فهل تنصحوني ان اجعل كل عمليات الدفع عبر البطاقة الائتمانية ؟ 6- ماهي الفعاليات والأماكن المناسبة للمسافر الوحيد ؟ 7- الاكل وما ادراك ما الاكل .. اخذ معي معلبات او القى مطاعم عربية هناك ؟ هذا مالدي الان وشكرا لكم مقدماً :e022: |
هذا تقرير لاختنا ملاك ان شاء الله يفيدك https://www.arabtrvl.com/vb/t22102.html من خلال بحثي لاني ناوية اسافر لها الاكل الحلال اغلبه بمنطقة ايتاوان اكتب باليوتيوب طريق حلال كوريا راح تطلع لك المطاعم الحلال واللي تقدر تاكل منها اذا تكرمت ياليت تكتب لنا تقرير عن سفرتك لاني ناويه السفر لها وماعندي معلومات كثيرة |
اقتباس:
ان شاء الله اذا رحت على خير بكتب تقرير |
وعليك السلام أخوي حسام بالنسبة لي أفضل إستئجار سيارة ولو أغلى بس أريح من المواصلات العامة لخارج المدن وممكن أوصل لمناطق أكثر بشكل أسرع ومباشر يفضل إستخراج رخصة دولية لدول شرق آسيا الجو سيكون حارا حوالي 30 درجة سيليزية مع رطوبة وأمطار موسمية توجد مطاعم حلال في كوريا وخصوصا في سيؤول ، جوجل ماب يساعدك في ذلك الأسبوع القادم في دبي يقام معرض سوق السفر العربي من 22 - 25 ويوجد به جناح لكوريا الجنوبية ويوفر كتيبات بها معلومات عن المواقع السياحية والمطاعم الحلال |
وعليكم السلام ورحمة الله وبركاته 8سيول 3بوسان 5جيجو ممكن تزيد يوم في بوسان وتشيل يوم من سيول راحة يومين او ثلاثة في سيول -استخدام قطار (ktx) السريع للتوجه الى بوسان -طائرة الى جزيرة جيجو -العودة الى سيول 2- الجو حار خصوصا فترة الظهر 3-المترو سهل ونحنا استخدمناه لكن الصعوبة ان اغلب الشعب الكوري قليل اللي يعرف إنقليش فإذا احتجت مساعدة ممكن يأخذ منك وقت علشان يفهمون ويساعدونك جرب المترو في البداية ماناسبك حول على التاكسي نقطة مهمة اجرة التاكسي في الليل تكون غالية 4- أكيد المترو اوفر لك بالنسبة لسعر البطاقة ماذكر كم بس المبلغ بسيط وانت بعدين تشحن البطاقة بالمبلغ اللي يناسبك وتقدر تستخدمها في التاكسي -وبعض المحلات انصحك تستأجر سيارة في جزيرة جيجو ولازم رخصة دولية 5-بالنسبة للبطاقة لازم تبلغ البنك بسفرك علشان تقدر تستخدم البطاقة ومهم يكون معاك كاش لأن مو كل المحلات تقدر تستخدم فيها البطاقة خصوصا في الاسواق الشعبية 6- الأماكن -برج لوتي-بحيرة لوتي-مدينة ألعاب لوتي وورلد Lotte world tower-seokchon lake-lotte world - -جزيرة نامي -القرية الفرنسية-قرية بوتشون-جزيرة هيرب Nami island-gapyeong(petite France) -pocheon art valley-herbisland -قرية بوكتشون-برج سيول-شارع ميونق دونق(مشاهدة عرض النانتا) Bukchon Hanok -N Seoul tower-Myeong dong street -نهر الهان (جولة بالمركب) -جسر البانبو -منطقة إيتاوان Han-river park-Banpo bridge-Itaewon -ممر مائي -منطقة دونق ديمون(مولات-أسواق شعبية مفتوحة حتى الصباح) Cheonggyecheon-DDP -Caribbean bay (ألعاب مائية)-ever land (مدينة ألعاب مثل ديزني) -ممشى حديقة السماءseoullo 7017-منطقة نامديمون وتعتبر قلب سيول (namdaemun) -incheon fairy tale village -القصر التاريخي(gyeongbokgung) شارع قانقنام -شارع إنسادونق-شارع هونق دي Gangnam- Insadong -Hong dae- garosu Gil مولات كويكس مول (Coex mall)يوجد اكواريوم -ستار فيلد هانام(starfield hanam)من اكبر المجمعات في سيول -doota mall -تايم سكوير(Times Square ) مرتبط المجمع بفندق كورت يارد ماريوت وايضاً مرتبط بمتجر شينساقي (shinsegae) وهو عبارة عن 11دور -مول لوتي وورلد(lotte world) -common ground(مجمع الكونتيرنات) 7-الاكل في كوريا شوي صعب خصوصا وجبة الفطور ممكن تأخذ معاك معلبات خاصة بالفطور وبالنسبة للمطاعم العربية مثل ماقالت (عاشقة المطر)مجتمعة في منطقة إيتاوان وراح تلاقي مطاعم عالمية في المولات او حتى في الشوارع اللي ذكرتها لك ممكن هذا البرنامج يفيدك(foursquare)يدلك على المطاعم القريبة منك وهذا البرنامج يعطيك المطاعم الحلال القريبة منكhalal navi نصيحة لازم يكون معك دائما عنوان سكنك والمكان اللي تبي تزوره (باللغة الكورية ) وبالتوفيق |
عاشقة المطر شكرًا 🌷 |
اقتباس:
|
اقتباس:
و الله يعطيك الف عافية على الاثراء .. وردودي داخل الاقتباس باللون الاحمر ومانستغني عن البقية |
1- ترتيب المدن ممتاز 2- تقريبا نفس درجة الحرارة ممكن تزيد اوتنقص بينهم بدرجتين او ثلاث لكن في جيجو المنطقة اللي سكنا فيها كانت على جبل فالجو كان ألطف اما بالنسبة اذا في مناطق باردة (لا أعرف ) 3-نعم اوبر متوفر في كوريا لكن على كلام (أهل البلد )انه أغلى من التاكسي ويعافيك أتمنى قدرت أفيدك ولو بشي بسيط |
اقتباس:
|
| الساعة الآن 04:46 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO