السفر الى كوريا
 

السلام عليكم
اردت السفر الى كوريا ولكن عند حساب التكاليف طلع لي السعر 96 ألف ريال سعودي هل السعر معقول لزوجين وثلاثه اطفال تحت الخمس سنين؟😕 للعلم تم التواصل مع مرشد سياحي من كوريا وكانت سعر الاقامه مع الفعاليات لمدة اسبوعين 66 ألف

و عليكم السلام ..

نفترض إن رحلتكم راح تكون قريبة جداً ، ممكن توصل التذاكر بحد أقصى إلى 35 ألف ريال ( أسرع رحلة و ترانزيت بسيط ) ، و كذلك نفترض أن الفندق اللي بتاخذونه 5 نجوم وبمنطقة سياحية 25 ألف ريال ، هنا صار المجموع 60 ألف ريال !
و إذا بتاخذون فندق 4 نجوم بنفس المنطقة يوصل 10 ألآف ، هنا صار المجموع 45 ألف ريال !

فهـو فعلياً الحسبة بتكون حسب تخطيطكم و خياراتكم :)

و مع ذلك أشوف الحسبة فيها إشكال !

توّنـا جايين و حنا 5 أشخاص و كل فندق نأخذ فيه 3 غرف ، و كل فندق 4 نجوم و بمنطقة سياحية ، و سافرنا لجزيرة جيجو و أخذنا فندق 5 نجوم و سيارة يومياً 8 ساعات و لمدة 3 أيام ، مع تِقضّي :D ، ماوصلنا لهالمبلغ ( التذاكر لسيئول غير محسوبة ، لأننا حجزناها من زمان ، فكانت رخيصة ، وحتى الترانزيت كان ساعتين فقط ) :)

عشان كذا أشوف فيه لخبطة في الحسبة .

اللي حسب لي التكلفه مكتب سياحي في كوريا اسمها يلا كوريا 😅 اشوف كثير كلموهم على الاسعار انها مرتفعه بس يقولون انها الانسب وحبيت اتأكد

اللي حاسبها مكتب مقره في كوريا وعندهم كم مرشد يتكلم عربي واتوقع هذا سبب الغلاء لان يوم فتحت الفنادق ودورت وحسبت لقيت التكلفه معقوله عكس اللي كاتبينه وكنت ابغى اتاكد عشان ما اروح واتورط في الميزانيه

نصيحة ابعد عن كل ما هو عربي في السفر مع الاسف التكلفه عاليه جدا ولو أنك حجزت بنفسك راح تنصدم من المبلغ اللي راح توفرة ولو أنك ذكرت عدد ايام رحلتك وتوقيتها وعدد الاشخاص ومكان المغادرة ممكن الاخوة والاخوات الكرام هنا يضعون لك مبلغ تقريبي للتكلفه

أخذتهم لرحلتنا إلى جيجو ، جيجو ما يتوفر فيها تكاسي ، جداً جداً قليل التاكسي عندهم و ما يحصل للواحد ، ولو لقينا واحد صعب نلقى الثاني عشان العدد ، و صعبة ندور تاكسي في كل منطقة نروح لها ، خاصة إن جيجو أكبر من سيئول بمرتين أو ثلاثة ، و أسعار سيارات الفنادق جداً مرتفعة ، خاصة إنك بتاخذينه على الأقل 8 ساعات ، فكان الأفضل و الأريح و الأوفر أتعامل معهم ..
و شيكت على كذا شركة قبل و كانوا صدقاً هم الأفضل ..

أرسلوا لي جدول و لكن طلبت أشياء ثانية و كانوا متعاونين ، طلبوا أرسل لهم الأماكن عشان يرتبونها لي ، حتى المقاهي و المطاعم أرسلتها لهم ، و رفضت وجود مرشد سياحي ، طلبت منهم إن سائق التاكسي يتكلم إنجليزي عشان أقدر أتواصل معه بسهولة .

الفندق أنا اللي حجزته و كذلك الطيران ، فقط أعطيتهم العنوان تبع الفندق و وقت الوصول حتى يستقبلوني .

و لكن سيئول ما تحتاج أي أحد ، فقط تخطيط جيد ، حرام تتعاملين مع أي شركة .

عام 2018 :التذاكر درجة اعمال جدة / كوالالمبور الخطوط الماليزية وبعدين كوالالمبور / سيئول درجة اعمال اير اسيا . حدود ثمانية الاف ريال تجلس يوم او يومين في ماليزيا وعند العودة تجلس ما شئت في ماليزيا أيضا .
فسافرت دولتين في وقت واحد

الفنادق الاخوان أعلاه افادوك وزيادة . المهم الفنادق بدون وجبات .
اذا لغتك الإنجليزية جيدة ما تحتاج مترجم ، واذا مش ولابد حمل تطبيق ترجمة الى اللغة الكورية .وتمشي امورك سهالات . والشعب الكوري لطيف .