|
رحلة خطافيه لدولة قطر ( 2016 ) بسم الله الرحمن الرحيم رحلة قطر هي رحلة مكملة لدولة الكويت تاريخ الرحلة 16 / 12 /2016 الاعضاء انا و زوجي و ابنائي الثلاثة الله يحفظهم المدة ليلتين حجزت الفندق قبل الرحلة بيوم قمت الفجر و جهزت الاغراض و الشاي و القهوة عشان ننطلق الساعه 9 و راح زوجي يشيك على السياره قبل ما ننطلق و شوي رجع يقول السياره مفضيه ما فيها ماي و لا زيت و يقول كيف تسوقين السياره :19: طبعا هاي شغلة الرياييل و الا احنا الحريم مالنا في هالسوالف المهم قالي لازم اوديها الوكاله لانه ورانا رحلة طويله و ما يصير نجازف لان ممكن يصير شيء مب زين قلت امري لله و ديناها الوكاله و انصدمنا صدمه قوية جدا في قطعه اسمها راديتر مكسوره بالكامل :30: كيف و متى صار هالشيء قلت ما ادري و قبل اسبوعين زوجي مسوي فحص شامل للسياره و كانت تمام التمام المهم السياره لازم تبقى عندهم و يغيرون القطعه و سعرها سعر رحله كامله :12: ضاق صدري و قلت مالنا غير الصبر صلينا الجمعه و سرت بيت الوالد تغدينا و الساعه 3 و نص سرنا الوكاله و استلمنا الحبيبه و كانت بصحه ممتازه رجعنا البيت و تجهزنا و غيرنا الشاي و القهوه و انطلقنا تقريبا الساعه 4 و نص العصر وصلنا المغرب لمحطة ادنوك و صلينا المغرب و كملنا المسير https://www.arabtrvl.com/up/uploads/...3729926411.jpg https://www.arabtrvl.com/up/uploads/...3729926432.jpg و الساعة 9 وصلنا الى الحدود https://www.arabtrvl.com/up/uploads/...3729926463.jpg و بعد الحدود لابد من المرور لمحطة سحاب https://www.arabtrvl.com/up/uploads/...3729926494.jpg و الجلوس في مطعمها المشهور https://www.arabtrvl.com/up/uploads/...3729926515.jpg و هالمكيف في الصيف كنا نحتاجه بشده https://www.arabtrvl.com/up/uploads/...3729926546.jpg وصل العشاء https://www.arabtrvl.com/up/uploads/...3729926567.jpg و بالصدفه زوجي شاف ربيعه عند المحطة و نفسنا بعد نزلوا يتعشون في المطعم و عطونا من البثيث و الجامي اللذيذ شوي لانهم متجهين الى مكة و ربي يحفظهم https://www.arabtrvl.com/up/uploads/...3729926598.jpg كملنا المسير باتجاه خط سلوى https://www.arabtrvl.com/up/uploads/...3729926629.jpg سامحوني على ردائة بعض الصور https://www.arabtrvl.com/up/uploads/...7299266410.jpg https://www.arabtrvl.com/up/uploads/...3730062841.jpg حجزنا كان في فندق سفير الدوحه و تقييمه كان 7.6 في بوكينج و هذا فندق الصفا كانت لنا تجربه فيه سنه من السنين https://www.arabtrvl.com/up/uploads/...3730062862.jpg وصلنا الفندق https://www.arabtrvl.com/up/uploads/...3730062914.jpg اول ما دخلنا زوجي ما عيبه الفندق و قال شكله شبابي قلت خلنا نشوف الغرفه اول و بعدين احكم صور من اللوبي https://www.arabtrvl.com/up/uploads/...3730062945.jpg https://www.arabtrvl.com/up/uploads/...3730062976.jpg https://www.arabtrvl.com/up/uploads/...3730062997.jpg https://www.arabtrvl.com/up/uploads/...3730063028.jpg دفعنا مبلغ ليلتين و انتقلنا للغرفة https://www.arabtrvl.com/up/uploads/...3730063049.jpg اول ما دخلت استغفر الله كاني داخلة محل تدخين سجاير الريحه كانت تارسه الغرفة و هاي الصالة https://www.arabtrvl.com/up/uploads/...7300630710.jpg غرفة النوم مفتوحه على الصاله https://www.arabtrvl.com/up/uploads/...3730260881.jpg https://www.arabtrvl.com/up/uploads/...3730260922.jpg https://www.arabtrvl.com/up/uploads/...3730261016.jpg https://www.arabtrvl.com/up/uploads/...3730260974.jpg https://www.arabtrvl.com/up/uploads/...3730261047.jpg طبعا كنا منزعجين وايد من الريحه و زوجي كلم اللي ياب الشنط و قاله بعطر الغرفه و قلت خلاص اليوم تعبانين ندور بس الفراش و باجر بنطلع و نسكن في فندق ثاني كلمت الريسيبشن قلتلهم كان في حد قبلنا في الغرفه يدخن قال لا بس يمكن الغرف الثانيه اوكي انا حجزت غرفة بدون تدخين قال خلاص باجر بنقلكم لطابق اعلى و غرفة ما فيها تدخين قلتله لا كنسل الحجز بنطلع باجر و مواقف السيارات خارجية لانه الداخيلة صغيره او محدوده و هذا تكرمون الحمام https://www.arabtrvl.com/up/uploads/...3730261068.jpg https://www.arabtrvl.com/up/uploads/...3730261099.jpg https://www.arabtrvl.com/up/uploads/...7302611110.jpg و قبل ما نرقد يابولنا معطر خفف من الريحه المزعجه شوي و ما عندهم سرير للطفل :11: بعدها قعدت ادور فندق و حجزت فندق كوبثورن و انتهى اليوم اللي تعبنا فيه من بدايته :e305::e305::e305: |
يسعد مساك زين كملت لنا الرحلة غلط تمشين بالسيارة والرادييتر خربان زين اللي انتبهتوا قبل الرحلة وصحيح الشغلات هذي صعبة على الحريم شكل المطعم معروف الكل يوقف عنده مشكلة بالشقق عندنا مايهتمون بغرف خاصة لغير المدخنين وهذا عام عند كل الشقق المفروشة حتى اللي عندنا وان شاء الله تكونوا غيرتوها لأحسن أفضل الفنادق على الشقق متابعين معاك |
اسوء شي ريحة الدخان في الغرف والله انها تزعج وطلع الواحد من طوره متابعين معك باقي الرحلة ...................... |
الراديتر مافيه مويه الحمدلله يا أختي ما خربت الماكينه ما مكنتي تتابعين الحراره بالسياره لكن مقدر والحمدلله شيك قبل السفر المحطه مشهوره وجربتها قبل التدخين ريحته بالغرف ما أطيقه صراحه لكن زين أنهم استجابو يرجعون المبلغ الليله الثانيه |
اقتباس:
ما كان خربان انكسر :8: انا يوم أحجز أدور فنادق و يكون مكتوب في الحجز فندق مش شقق بس للامانة الفندق ما عليه كلام و نظيف جدا بس ريحة الغرفه خربت مزاجنا تسلم عَل المتابعة |
اقتباس:
ما اطيقها أبدا هالريحه شكرًا عَل المتابعة |
اقتباس:
في السياره العداد كان طبيعي و ما فيه اي تغيير لكن زوجي يفتح البونيت و يشيك المكينه من الداخل و يتفحصها عدل المحطة هاي ما شاء من عمر موجوده بس يا ريت يجددون المكان شوي و يهتمون الموظف كان مستحي و كسر خاطري :20: الحمدلله رجعولنا المبلغ بعد أسبوع |
أهلا بكِ مشرفتنا ( أم علي ) الحمد لله ع السلامة يارب ... محطة سحاب توقعت الزحمة عليها بسبب رخص سعر البنزين مقارنة بين الدولتين صار العلم ( مطعمها ) ... استمتعنا بالكويت سابقاً برفقتك ... وننتظر قطر كيف تكون بعيون هاوية الأسفار .. موفقة لكل خير ... |
الحمدلله ان زوجج شيك على السيارة قبل لاتسافرون المفروض الفندق يحط غرف للمدخنين وغير مدخنين زين انهم رضوا يلغون لكم الليلة الثانية |
صباح الخير مشرفتنا (أم علي) الله يقويكم السفر بالسيارة يحتاج له ترتيبات مختلفة خصوصا بوجود الأطفال التدخين في الغرف مشكلة كبيرة والمشكلة الأكبر الادارة ما تهتم بهالشي بس يا دوب يمسحون الغبار وينظفون الحمامات (أكرمكم الله) متابعين معاك |
| الساعة الآن 11:53 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO